2 KORIN 10:5 - Bawm Common Language Bible Version

⁵ êlnâk tla leh thil sâng kip Pathian theihnâk kham ding hen sâng tak a siam mi tla chu siat hen, ruatnâk kip Krist thu ngâinâk sal ah kan rui le;

2 KORIN 10:5 ပူးပေါင်းရင်းမြစ်များ

GENESIS 8:21

Bâwlnâk rim nih LALPA chu a lawmhtir le, a thinlung hen, “Minung chu an thilti leh an ngâksiatê thawk hen an thinlung dawn a sual zia ka theih mi asi ruangah tual chu siat ka barh lai lo rawh. Tutan ah ka ti mi hâwi hen zeiliau khawm ah thil nung zawzawng tla ka veih lai lo rawh.

2 Lal 19:22

Na zauhnawmh hen na simsâwi mi chu âu me si? Kei, Israel Pathian thenhlimh rangah na zah lo.

2 Lal 19:28

Na thinthawknâk leh na khâwngnâk khawm ka theih, tuah na nâr ah siau hen ka nan banh lai le, thirbanh chu na kâ ah kan banh lai le, na hawngnâk lampitê ah ka nan kîrpi awt,” a ti.

JOB LASUIBU 42:6

Churawhchun, thu ka sim mi zawng ruangah thungâi ka ning a zak le, vachâm leh valeidip lakah ka rim rawh,” a ti.

SAM 10:4

Misual nih chun LALPA chu a sunhsak lo; a putsonâk thinlung hen Pathian chu zeikhawm silo hen a ruat.

SAM 139:2

Thil ka ti mi zawzawng na theih; ka dawnruatnâk zawzawng chu lât tak thawk hen na theih.

SAM 18:27

 nâutir mi tla chu ruang na suah le, anna zûm mi na nâutir.

SAM 18:44

Ramdang mi tla ka mâika ah an kûn le; an ka theih rawh chun ka thu an ngâi.

EXODUS 5:2

Lalchem nih chun, “Israel fa tla suaktir na ding hen a thu ka ngâi ding mi chu zei LALPA me si? Chu LALPA chu ka theih loh, Israel tla khawm ka kaltir na awt loh,” a ti na.

THUFING LASUIBU 15:26

Sual leikâng dawn chu LALPA nih a hua le, sikhawmsele ngamh tlâk thusim chu a lawmh.

THUFING LASUIBU 24:9

Mi â nih thil zeital a dawn mi chu sual asi. Mi zeikhawm nei lo hen midang tluktlaktu chu mi nih an hua.

ISAI 2:17

Minung khâwngnâk tla chu a dawng lai le, minung zumhnâk tla chu veih asi lai rawh. Milem tla chu veih phin asi lai le, LALPA amah cho chu, chu ni ah chungnungtir hen a um lai.

ISAI 55:7

Misual tla nih an umdân sual tla bângtâk na sele, an thinlung dawn lêt na seh. LALPA kan Pathian leiah hawng a hawi na seh; anih chu mi khuaruat leh ngaihdam sawmtu asi.

ISAI 59:7

Thilsual karo nan dawn kumza le, ti ding hen nan ngâk rarâm. Sualnâk nei lo mi tla chu thah ding hen nanna sûm dahlo. Nan kalnâk kip ah siat leh râwk hen nan kaltâk le,

ISAI 60:14

Nangmah a nan nehsawhtu fapa tla an hawng lai le, An zah ti theihnâk ding hen na mâika ah an kûn lai. A nan zauhnawmhtu tla nih na kezaphah bul ah an mâimûk lai. ‘LALPA khuapi’ ‘Zion, Israel Pathian Thenhlimh khuapi’ a nan ti lai.

JEREMIA 23:29

Ka thuchah chu mei leh tukboh lung neknâk hâwi asi.

JEREMIA 4:14

Jerusalem, na thinlung ah mi sualnâk chu ṭâwl rawh, na him khonâk ding hen. Zei tiang riamruam me sualnâk na dawn awt?

EZEKIEL 17:24

Chu ram ah thing zawzawng nih kei LALPA kasi ti an theih lai. Thing sâng tla ka hâu le, thing niam tla sâng tak hen ka ṭhangtir. Thing ring tla ka uaitir le, thing châr tla ka ringtir. Kei LALPA nih ka sim asi. Ti ding hen ka sim rawh mi chu ka ti awt,” a ti.

DANIAL 4:37

“Tu chun, kei Nebukadnezar nih Vân Lalchem chu ka sawr hen ka zah hen ka chawnglawmh rawh. Thil a ti mi zawng chu a dik hen a rep, zûm tak hen thil titu tla chu âuzawng a nâutir kho,” a ti.

MATHAI 15:19

Thinlung ah hin dawnnâk sual tla, mi thahnâk tla, ṭângdang pawmnâk, duhnâk, fîrnâk, phiarnâk, simsiatnâk tla a hawng suak tâwn.

LUK 1:51

A bân hen a tha chak zia a zauhtir le, an thinlung dawnruatnâk tla ah anna zûm mi tla chu a ṭhiau phin.

ROM 1:21

Pathian theih ko hen Pathian hâwi hen an chawnglawmh lo, lâwmthu khawm an sim lêm lo; thu salam an dawn dauh le, an thinlung ah chun mûinâk hen a hawng khat rawh asi.

ROM 1:5

A min ruangah lungnâk chu phun kip lakah mi lungtir hen, amah ruangah chun, zângfahnâk leh mifial sinâk ka ting rawh.

ROM 16:26

Tuah lam chun langhtir asi le, lungnâk chu a zûl khonâk ding hen, zungzâl Pathian thupêk hâwi vima hen khuavâng tla lasui thu hen phun kip sinah theihtir asi rawh.

ROM 7:23

Sikhawmsele, ka taksa ṭeng tla lakah hin dân dang a um ti ka theih, chu nih chun ka thinlung dân a do le, ka taksa ṭeng tla lakah sualnâk dân a um mi sinah chun sal ah hawng ka ruai tâwn.

1 KORIN 1:19

Pathian lasui thu nih, “Mi fing finghnâk chu ka veih lai le, mi fâifîm theihthiamnâk chu ka lâwt lai,” ti hen, a sim hâwi khan.

1 KORIN 3:19

Hi laikulh finghnâk hi Pathian ngaih hen âtnâk asi, “Pathian nih mi fing tla chu an fing perpetnâk lakah a awhtir na tâwn,” ti hen Pathian lasui thu nih a sim hâwi khan.

2 KORIN 11:20

Mi nih sal ah a nan siam na hen an ei hep na sele, sal ah an tleih na sele, mah a sawr sele, nan mêl ah an bengh na sele, nanna dawnh tâwn.

2 KORIN 9:13

Hi rianṭuannâk nih hin a nan nik na ruangah Krist Thâwngthâng Ṭha leikângah nan thinlung nan zâwt zia ruangah leh anmah tla rangah leh mi zawzawng rangah thawhlâwmnâk ah nan thil siang tla ruangah hin Pathian an rokualtir tâwn asi.

DEUTERONOMY 15:9

Thil zeimawh pûktir ding sianglo lah u, bângki veihnâk kum a nâi rawh ruangah khawm ti lah u. Chubang hâwi dawnnâk diklo chu nan thinung ah um lah seh. Pûk ding nan sianglo chun nanmah sâwi hen Pathian a auh lai le, nan mawh lai.

PHILIPI 4:7

Chun, Pathian lungngamhnâk thinlung rerêng theih châwklo ni khan, nan thinlung leh nan dawnruatnâk tla chu Krist Jisu ah chun a nan vêng piak na lai.

2 THESALONIKA 2:4

anih nih chun Pathian an ti mi leh an sawnh mi zawzawng do hen, an tlûnah um ding tum hen thang a ṭhattir lai: chun Pathian Biakin ah to hen Pathian hâwi rê hen â phuang lai.

2 THESALONIKA 2:8

Chu chu lâk ving tikah chun Dân Buartupa chu a hawng lang lai rawh, Lalpa Jisu nih anih chu a kâ ah thaw hen a thah lai le, a hawng kal mi langhnâk nih a veih dep lai.

HEBRAI 4:12

Pathian thu hi a nung le, thil a ti kho le, nâmsâu hâr nih nei um mi ngâk hen a hâr dauh le, nungnâk leh thlarau liahchân leh thlik phel dip rê hen a tuk kho le, thinlung ah dawn mi leh tum mi tla lakah thu a nei chawlh kho asi.

HEBRAI 5:9

Chun, rangtling tak hen siam a hawng si rawh chun ê-aw ngâitu zawzawng rangah zungzâl ruangsuahnâk phûrpi a hawng si rawh.

1 PETER 1:2

Pathian thiltum hâwi hen Thlarau ah a nan thenhlimhtir na ding leh Jisu Krist ê-aw ngâi ding hen, a thisen hen a nan thiangtir na ding hen amah nih a nan thîm na asi. Nan tlûnah zângfahnâk leh remnâk pungtir hen um seh.

1 PETER 1:22

Unau tla hen a zângfah tawnh tatak ding hen, thudik zâwt hen nanna thenhlimhtir ruangah thinlung ah semsêngâi tak hen a dâwt tawnh u.