2 KORIN 1:9 - Bawm Common Language Bible Version

⁹ Asi, mah a zûm lo hen, kanmah lakah a zûm lo hen, Pathian, mithi thawhtu kan zumh dauhnâk ding hen kanmah lakah thihnâk rêpnâk kan nei rawh.

2 KORIN 1:9 ပူးပေါင်းရင်းမြစ်များ

JOB LASUIBU 40:14

Chu tikah an chawnglawmh masatu kasi lai le, nangmah thu hen nehtu na si lai rawh.

SAM 22:29

Mi zûm tla chu a sinah an kûn lai; thikho mi minung zawzawng a mâika ah an kûn lai.

THUFING LASUIBU 14:32

Misual tla nih an thilti hen anmah niamnâk ding hen thil an ti le, sikhawmsele, mi ṭha lam chu an rangtlingnâk hen anna hum.

THUFING LASUIBU 28:26

Mah ngaihdân hen umtu chu âtkâi tak asi. Mah ngâk hen fing mi sîntirnâk zûl le, na him lai.

ISAI 38:10

Ka dam liau ni ṭha hi laikulh thihnâk ah kal hen, Dam lo rawh ding hen ka ruat.

EZEKIEL 33:13

Mi ṭha rangah nung ding hen thu ka tiamh kho, sikhawmsele a lânah thil ṭha ka ti mi â tâwk vaih ti hen thilsual a ti chun, a thil ṭha ti rerêng ka theih piak awtlo.

LUK 18:9

Chun, mirep ah â ruat hen, midang zawzawng zauhnawmh tâwntu âu tla mawh sinah chun hi tahṭhimh thu khawm hi Jisu nih a sim:

ROM 8:36

Pathian lasui thu nih, “Nangmah ruangah nî tlâk hen thah hen kan um tâwn, Dawrâ thah ding mi tla hâwi hen ruat kan si,” ti hen a sim hâwi khan.

2 KORIN 1:10

Chu Pathian nih chun chu hâwi tluk a thihnâk fâk tak lakah chun ruang hawng kan suah rawh le, ruang hawng kan suah lai; ruang hawng kan suah vima awt ti amah lakah chun lungumnâk kan ngauh.

2 KORIN 1:8

Unau tla, Asia ram ah kan tlûnah hamhnâk a hawng tlung mi thu kha nan theih lo kan duh lo, kha hâwi a fâk tak a tuar kho lo rê hen, nung ding rêng ruat kho lo rê hen, denh pang hen kan um mi kha.

2 KORIN 3:5

zeizawng kanmah thawk hen suak a ruat ding hen kanmah cho hen kan tlinh kan ti lo; kan tlinh khonâk chu Pathian sin thawk hen asi dauh.

2 KORIN 4:7

Sikhawmsele, thiltikhonâk fâk zia chu kanmah sinah mi silo hen Pathian tâ asi dauh khonâk ding hen chu ro chu tualbêl tla ah kan kil asi.

HEBRAI 11:19

Abraham nih Isak chu thihnâk lakah mi Pathian nih a thawh kho lai ti a ruat ruangah Abraham nih thihnâk lakah mi Isak chu a tawng nawlh taktê rawh.