2 KORIN 1:3 - Bawm Common Language Bible Version

³ Kan Lalpa Jisu Krist Pathian leh Pa, khuaruattu Pa leh lungngamnâk zawzawng Pathian chu sawr hen um seh.

2 KORIN 1:3 ပူးပေါင်းရင်းမြစ်များ

GENESIS 14:20

Chungnungchem Pathian na mêlma lakah nehnâk a nan pêktu chu sawr hen um seh!” a ti. Chun, Abram nih Melkizedek rangah a thil lâk parâ lû ah pakhat a pêk.

1 CHRONICLES 29:10

Chunah mi zapi pumhnâk ah lalchem David nih LALPA a sawr. Anih nih, “Hawng kan thlâktu Jakob LALPA leh Pathian, nang chu zungzâl sawr hen um kumza rawh!

NEHEMIAH 9:5

Hi bang Levi tla rang hin Pathian sawnh ding hen an kawh na: Jeshua, Kadmiel, Bani, Hasabneiah, Serebiah, Hodiah, Sebaniah leh Pethahiah tla hi. Annih nih chun, “Dîr ule, LALPA nan Pathian sawr u; zungzâl zungzâl hen sawr u! Mikip nih a min rokual sawr na seh, minung sawrnâk ko chu tâwk lah menza khawmsele,” an ti.

JOB LASUIBU 1:21

“Ka nu pawsung thawk hen takkaro hen ka hawng suak le, takkaro hen ka thi lai. LALPA nih hawng ka pêk le, tuah a lâk rawh. A min chu sawr hen um seh!” a ti.

SAM 18:46

LALPA chu a nung! Hawng ka vêngtu chu sawr u! Ruang hawng ka suahtu Pathian rokualnâk chu phuang u!

SAM 68:35

A mun thenhlimh thawk hen Israel Pathian a hawng kal liau chun ṭihnung a kâi a! A mi le tla sinah chaknâk leh thiltikhonâk a pêk. Pathian chu sawr u!

SAM 72:19

A min rokual chu zungzâl hen sawr u, a rokualnâk nih tual zawzawng hi khattir seh. Amen! Amen!

SAM 86:15

Sikhawmsele, LALPA nang lam chu, khuaruat mang leh dâwttu Pathian na si; dawnh kho kumza leh vâlnei leh zumhkâi na si.

SAM 86:5

Nang chu kan lakah na ṭha hen na kan ngaihdam, na sinah thlachamtu chu dâwtnâk dawnglo na pêk.

ISAI 66:13

Nu nih a fa thla a ngamh mi hâwi hen Jerusalem ah thla kan ngamh na lai.

DANIAL 4:34

Lal nih, “Kum sarih a hawng vei rawh chun, vân lei ka zauh le, ka thinlung ah theihnâk a hawng kîr nawlh. Pathian rokual chu ka sawr le, zungzâl um kumza mi sinah zahnâk leh rokualnâk ka pêk. “Anih nih lâi a rêl kumza lai le, a lalram chu zeiliau zawng ah a um kumza lai.

DANIAL 9:9

Na lakah hel menza khawmsele, kan lakah khua na ruat hen na kan ngaihdam.

MIKAH 7:18

LALPA, nang hâwi mi pathian dang âukhawm an um lo; a thibang um rih mi sualnâk tla na ngaihdam na, nang chu na thin a thawk kumza lo le, sikhawmsele chu hâwi ngâk hen na lâwm hen zângfah dawnglo na kan muhtir.

JOHAN 10:30

Kei leh Pa chu pumkhat kan si,” ti hen a sâng.

JOHAN 20:17

Chun, Jisu nih a sinah, “Hawng ka banh lah; tu tiang khawm hen Pa sinah ka kâi lo rih asi. Sikhawmsele ka unau tla sinah va kal le, an sinah, ‘Ka Pa, nan Pa, ka Pathian, nan Pathian sinah ka kal awt,’ a ti, va ti rawh,” a ti.

2 KORIN 11:31

Jisu Pathian leh Pa, zungzâl a thawsuak hen um mi nih chun âwkrâwl ka sim lo zia a theih.

2 KORIN 7:6

Sikhawmsele, â nâutir mi tla lungngamhtu Pathian nih chun Tita hawng fial hen hawng kan thlangamh rawh.

EPHESI 1:3

Kan Lalpa Jisu Krist Pathian leh Pa chu sawr hen um seh! Anih nih chun vân mun tla ah khin Krist ah chun thlarau lei malsâwm piaknâk kip hen mal hawng kan sâwm le,

PHILIPI 2:11

Pa Pathian rokualnâk ding hen, lei kip nih, “Jisu Krist chu Lalpa asi,” ti hen, an phuang lai.

KOLOSA 1:3

Vân ah nan rangah lungumnâk an siah piak na ruangah, Krist Jisu nan lung zia leh mi thenhlimh tla tlûnah zângfahnâk nan nêi zia kan hawng theihnâk thawk hen chun nan rangah thlacham kumza hen Pathian kan Lal Jisu Krist Pa sinah chun lâwmthu kan sim tâwn, chu lungumnâk thâwngthâng chu a lânah, Thâwngthâng Ṭha thudik thu ah khan nan theih rawh.

1 PETER 1:3

Kan Lalpa Jisu Krist Pathian leh Pa chu sawr hen um seh: Anih nih chun a siherhnâk fâk tak hâwi hen, mithi lakah mi Jisu Krist thawknawlhnâk ruangah lungumnâk nung tawng ding hen nungnâk thar a hawng kan pêk.

2 JOHAN 1:4

Pa thawk hen thupêk kanna ting hâwi hen, na fa tla thudik ah an um mi ka muh ruangah thungâi ka lâwm asi.

2 JOHAN 1:9

Âuzawng Krist sîntirnâk thu ah um lo hen a lei a kaih chun Pathian a nei lo. Âuzawng chu sîntirnâk ah a um asi chun Pa leh Fapa a nei vevê asi.