2 KORIN 1:12 - Bawm Common Language Bible Version

¹² Kan putso mi chu hi hi asi: Kan sia leh ṭha theihnâk thu theihtir chu thenhlimhnâk leh Pathian diknâk nei hen, taksa finghnâk ah silo hen, Pathian zângfahnâk dauh hen laikulh ah hin kan changhdân kha nanmah leikângah kan changh dân a ṭha khun.

2 KORIN 1:12 ပူးပေါင်းရင်းမြစ်များ

1 KORIN 2:13

Minung finghnâk thu leikâng ah sîntirnâk sim lo hen, Thlarau sîntirnâk thu a sim dauh hen, Thlarau lei thu tla chu thlarau lei mi tla sinah simhfiang hen, chubang thu hawng kan pêk mi tla khawm chu kan sim tâwn.

2 KORIN 2:17

Mi tam tak nih Pathian thu hi mi tla perpet hen sawlehnâk ah an mang hâwi hen kannih nih chun kan mang lêm lo; thungâi tak hen, Pathian fial hen, Pathian mitmuh hen Krist ah chun thu kan sim tâwn.

1 THESALONIKA 2:10

Nannih lungtu tla tlûnah thenhlimh tak leh rep tak leh simsâwi kawplo tak a kan um zia kha hawng kan theihpitu tla nan si, Pathian hen.

1 PETER 3:21

chu chu baptisma zauhtirnâk asi. Baptisma chu taksa lakah mi nâwmtâm thianhnâk chu asi loh, sia leh ṭha theihnâk hen Pathian lakah thutiam asi dauh. Chu nih chun tuah Jisu Krist thawknawlhnâk zârah ruang a nan suah na asi.

HEBRAI 13:18

Kan rangah thlacham u, zeizawng ah rep tak a um ding tum hen, sia leh ṭha theihnâk thiang tak kan nei ti dik tak hen kanna theih.

2 KORIN 8:8

Thupêk kâng hen ka sim lo le, midang ṭhanemsemsê ngâinâk hen nanna zângfahnâk dik zia khawm chu nik ding hen ka sim mi asi.

2 KORIN 4:2

thil ningzakkâi â thup mi tla chu kan nawng dauh, ngamlêmnâk thu kan mang lo le, Pathian thu mi perpetnâk ding hen khawm kan mang lo; thutak theihtir hen Pathian mitmuh hen mikip sia leh ṭha theihnâk hen mi thinlung tawng hen um kan tum tâwn.

1 KORIN 15:10

Sikhawmsele, Pathian zângfahnâk ruangah ka siding mi chu kasi rawh; chun a zângfahnâk hawng ka pêk mi thu a thawt hen a um lo; chu hâwi ngâk hen anmah tla zawzawng ngâk hen a ṭuan ka hamh dauh kha. Sikhawmsele, keimah nih ka ṭuan lo le, Pathian zângfahnâk ka sinah um mi nih khan a ṭuan dauh asi.

THILTI 24:16

Churuangah chun Pathian leikângah leh minung leikâng khawm ah thinlung sual lo ding ko hi kil kumza ka tum tâwn asi.

THILTI 23:1

Chun, Pawl nih lâirêltu tla chu a zauh ko na le, “Unau le tla, tusûn tiang hen Pathian mitmuh hen ṭhatnâk lei ka theih mi ti hen ka um tâwn,” a ti.

JOB LASUIBU 13:15

Lungumnâk rerêng ka nei lo rawh, churuang chun Pathian nih hawng ka thah chun zei hâwi dek asi lai.

1 PETER 3:16

Sia leh ṭha theihnâk thiang tak nei ule, an simsiat na nâk leikângah Krist ah nan umdân ṭha sâwitu tla chu mualpho hen an um kho lai.

1 TIMOTHE 1:5

Nunsimhnâk san chu thinlung thenhlimh leh sia leh ṭha theihnâk thiang leh lungnâk tak thawk hen a hawng suak mi dâwtnâk chu an nei khonâk ding hen asi.

EPHESI 6:14

Chun, nan tâi chu thudik a sâwm hen, repnâk chu phâw ah sawng hen,

GALATIA 6:4

Mikip mah thilti a nik chiau seh, chu nûn chun midang tlûn silo hen mah lak cho ah putso ding a nei lai.

2 KORIN 11:3

Sikhawmsele, rûl nih chun ngamlêmnâk hen Evi chu a bum hâwi khan, Krist leiah taknâk leh thenhlimhnâk lakah mi chu zeitin hen mawh nan thinlung chu an râwk na lebang lai ti ka lâu asi.

2 KORIN 1:17

Chun, chu hâwi thinlung ka put liau khan ka thinlung birh lo zia langhtir ma kasi? Asi lo leh, ka sinah, “Asi, asi,” ti leh, “Asi lo, asi lo,” ti chu um vevê hen thilti ka tum tâwn mi chu taksa hâwi hen ma ka tum?

1 KORIN 5:8

Churuangah, kanna kût lai, thilnu li a kût lo hen, nunsiat leh sualnâk ah kût lo hen, thilnu tel lo hen taknâk leh diknâk sang hen kanna kût lai.

1 KORIN 4:4

Zeikhawm simsâwinâk ka theih lo; sikhawmsele, chu nih chun hawng ka mawhtir lêm lo; hawng ka niktu chu Lalpa asi dauh.

ROM 9:1

Krist ah chun thudik ka sim asi, ka âwkrâwl lo. Thlarau Thenhlimh zârah chun ka siat le ṭhat theihnâk khawm nih hawng ka theihpi le,

ISAI 38:3

“LALPA, zumhkâi tak leh rep tak hen na nâwl ka zulh le, ti ding na ka duh mi chu ti ka tum kumza mi theihkumza rawh,” a ti. Churawhchun, ngaihsia tak hen a ṭap rawh.

JOSUA 24:14

Josua nih thu a sim vima le, “Churawhchun, tuah, LALPA chu zah ule, zumhkâi tak leh rinh tlâk hen a rianṭuan u. A nan thlâk natu leh pathian tla Mesopotamia leh Aigupta ram ah an sawnh mi tla lakah mi chu a lêt ule, LALPA amah rian chu ṭuan u.

JEM 4:6

Sikhawmsele, zângfahnâk tam khun Pathian nih a pêk tâwn, churuangah Pathian lasui thu nih, “Pathian nih mi â zûm mi tla a do le, â nâutir mi chu zângfahnâk a pêk,” a ti asi.

TITA 2:7

Khatlei kângah ṭângṭawm mi tla nih kan tlûnah thu ṭhalo rerêng sim ding a nei lo ruangah an ningzak khonâk ding hen, zeizawng ah thil ṭha ti ding leikângah muhtirtu ah a siam le, na sîntirnâk ah chun na dik zia tla, zah na kâi zia tla, na thusim dik zia tla, sâwi kho lo mi chu langhtir rawh.

1 KORIN 1:17

Krist nih chun baptis ding hen a hawng ka fial lo, Thâwngthâng Ṭha sim ding hen a hawng ka fial dauh asi; thufing sim lo hen, chu hâwi asi lo chun Krist kraws chu zeikhawm lo hen ka umtir lebang lai.

1 KORIN 12:8

Mi pakhat sinah Thlarau ah chun finghnâk thu pêk asi; midang sinah chu Thlarau ber nih chun theihnâk thu pêk asi.

2 SAMUEL 22:22

LALPA dân ka zâwt le, Ka Pathian chu ka hawitâk lo.