1 TIMOTHE 4:3 - Bawm Common Language Bible Version

³ nupa umh an khap tâwn le, zei lo ei ding tla, thudik theih hen lungtu tla nih lâwmthu sim hen ting ding hen Pathian nih a siam mi tla chu ei lo ding an ti tâwn.

1 TIMOTHE 4:3 ပူးပေါင်းရင်းမြစ်များ

GENESIS 9:3

Tu chu thlâi hâwi hen na ei kho na lai; na buh rangah a ektê hen ka nan pêk.

THUSIMTU 5:18

Ka tawng mi chu hi hi asi: Mi âuzawng nih a tikho mi lakah thil ṭha chem chu Pathian nih sâwtlotê a dam karah a rianṭuan tha ni lawh a pêk mi din leh ei leh lâwmnâk chu asi; hi hi minung tingvo chu asi.

DANIAL 11:37

Lal nih amah thlâktu tla pathian rianṭuan leh nunau tla khawm nih an dâwt mi a siar lai lo. “Âuzawng ngâk hen lian dauh hen â ruat ruangah pathian kip zeikhawm a siar awtlo.

MATHAI 14:19

Chun, ramhthep tlûnah to ding hen mi zapi tla chu thu a pêk. Sangtlêp panga leh ngâ panih chu a lâk le, vân lei zauh hen mal a sâwm le, a phel le, sângtlêp tla chu a ṭhiruai tla sinah a pêk. Chun, ṭhiruai tla nih chun mi zapi tla sinah an pêk.

MATHAI 15:11

Kâ ah lût mi chu minung nawmhtu asi lo le, kâ thawk suak mi chu, chu tak chu minung nawmhtu asi dauh,” a ti.

MATHAI 15:36

Chun, sangtlêp pasarih leh ngâ tla chu a lâk le, lâwmthu a sim le, a phel le, ṭhiruai tla sinah a pêk. Chun, ṭhiruai tla nih chun mi zapi tla sinah an pêk.

LUK 24:30

Chun, an sinah buh dûm hen a to rawh chun sang a lâk le, mal a sâwm le, a phel le, an sinah a pêk.

JOHAN 6:23

Sikhawmsele, Lalpa nih lâwmthu a sim nûnah sang an einâk mun kiang ah khan, Tiberia thawk hen lawnglêng tla a hawng tlung.

THILTI 27:35

Chun, chu thu chu a sim thluh rawh chun sang a lâk le, mi zawzawng mâika ah chun Pathian sinah lâwmthu a sim le, a ei rawh.

ROM 14:17

Pathian Ram chu din leh ei thu asi lo le, repnâk tla, remnâk tla, Thlarau Thenhlimh lâwmnâk tla asi dauh.

ROM 14:3

Zeizawng a ei mi nih chun a ei lo mi zauhnawmh lah seh; a ei lo mi khawm nih a ei mi chu simsâwi lah seh: Pathian nih anih chu a lawmh rawh asi.

ROM 14:6

Mi kip mah thinlung lakah a theihthiam seh. Ni ulhtu nih chun Lalpa chawnglawmhnâk ding hen a ulh tâwn asi. Chun, zeizawng eitu nih chun, Pathian sinah lâwmthu a sim ruangah Lalpa chawnglawmhnâk ding hen a ei tâwn; a ei lotu khawm nih chun Pathian sinah lâwmthu a sim le, Lalpa chawnglawmhnâk ding hen a ei lo tâwn asi.

1 KORIN 6:13

“Ei ding tla chu paw rangah asi, paw chu ei ding tla rangah asi. Sikhawmsele, Pathian nih a tlâutir vevê lai. Chun, taksa hi pung le lêngnâk asi lo le, Lalpa rangah asi dauh; Lalpa khawm taksa rangah asi.

1 KORIN 7:28

Sikhawmsele nupi na nei chun thil na ti sual lo, nungâk thenhlimh khawm nih pasal a nei chun thil a ti sual lo. Sikhawmsele, chu hâwi mi tla nih chun taksa lakah chun hamhnâk an tuar lai; sikhawmsele, kei lam nih chun an tuartir na lo ka duh asi.

1 KORIN 8:8

Sikhawmsele, ei ding nih hin Pathian mit hawng kan tlungtir lêm lo, ei lah khawmsele kanna râwk lêm lo, ei khawmsele kan ṭha lêm lo.

KOLOSA 2:16

Chun, ei thu ah mawh, din thu ah mawh, kût ni thu ah mawh, thla thar thu ah mawh, Dinhni thu ah mawh âukhawm nih an simsâwi lah na seh;

KOLOSA 3:17

Chun nan ti mi zawng chu thusim lakah mawh, thilti lakah mawh amah zârah Pa Pathian sinah lâwmthu sim bû hen Lalpa Jisu min hen ti ver u.

1 TIMOTHE 2:4

anih nih chun mi zawzawng ruangsuah ding leh thudik theih ding hen a duh asi.

1 TIMOTHE 4:4

Pathian thilsiam kip hi a ṭha le, lâwmthu sim hen ting asi rawh chun zeikhawm duh lo ding asi loh;

1 TIMOTHE 5:14

Chun, numei nungâk dauh mi tla nih chun pasal nei sele, fa tla nei sele, dâwngsung lâirêl sele, simsawinâk ding tik dêngkhâwng rerêng mêlma chu tawngtir lah sele ka duh asi.

HEBRAI 13:4

Mi zawzawng lakah umhnâk hi chawnglawmh hen um seh, nupi pasal khawm zumhkâi tawnh hen um seh. Hur leh ṭângdang pawmtu tla chu Pathian nih lâi a rêl lai.

HEBRAI 13:9

Sîntirnâk kip leh sîntirnâk chê tak nih lam dik lakah mi kalpi hen um lah u; thinlung hi Pathian zângfahnâk hen birhtir chu a ṭha, ei ding tla lakah a pêk tuk lo hen; chu leikâng lungkhamtu tla chu chubang lakah chun ṭhatvaknak an tawng lêm lo.