1 SAMUEL 8:7 - Bawm Common Language Bible Version

⁷ LALPA nih, “Mi zapi nih na sinah an deih mi zawng chu ngâi piak na ko. Nangmah an duh lo mi lâwng asi lo le, keimah tiang an lal rangah an ka duh lo mi asi.

1 SAMUEL 8:7 ပူးပေါင်းရင်းမြစ်များ

EXODUS 16:8

Churawhchun, Mosi nih, “Zânlei ah meh, zînglei ah sang nan duh tâwk an pêk natu ding chu LALPA asi, a tlûnah nan chipchiarnâk a theih tam tuktarâi rawh ruangah, kan tlûnah nan chipchiar mi chu LALPA tlûnah chipchiar nan si,” an ti.

ISAI 66:4

Thu ka sim mi khawm an ngâilo, ka kawh na liau khawm pakhat khawm nih an ka sâng lo ruangah an ṭih tak mi anmah râwktu thil ka tlungtir awt. Ka thu ngâilo hen thilsual ti an duh dauh,” a ti.

JEREMIA 34:14

Hebrai sal tla chu kum ruk sal rian an ṭuan nûn chun a kum sarihnâk ah suah vima ding asi ti hen ka simh na. Sikhawmsele nan thlâktu tla nih thu ka sim mi chu ngaihlo lêm thlâk hen an ngâi duh lo.

EZEKIEL 2:3

“Thikho mi minung, Israel tla sinah ka nan fial asi. Ka lakah an hel le, an hawng ka hawitâk le, an thlâktu tla hâwi hen an hel nget rih.

EZEKIEL 3:7

Sikhawmsele, Israel mi tla lakah aûkhawm nih na thu an ngâi piak duh lai lo; kei thu khawm an ngâi ding asi lo. An ektê hen an lungkhung hen zeikhawm an siarlo.

NUMBER 22:20

Chu zânah chun Pathian chu Balaam sinah a hawng le, “Hi minung tla nih an sinah kal ding an ngiar chun, a tîm ko, khawmsele, ka nan simh mi cho ti rawh,” a ti.

MATHAI 10:40

“Âuzawng an lawmhnatu chu keimah lawmhtu an si le, âuzawng hawng ka lawmhtu chu hawng ka fialtu lawmhtu asi.

LUK 10:16

Jisu nih a ṭhiruai tla sinah, “Âuzawng nannih thu ngâitu chu keimah thu ngâi an si; âuzawng an duh lo natu chu keimah an ka duh lo mi asi; âuzawng kei hawng ka duh lo mi chu hawng ka fialtu duh lo asi,” a ti.

LUK 19:14

Sikhawmsele, a ram mi tla nih an hua le, Hi minung hi kan lalchem rangah kan duh lo,’ ti hen a dung leiah mi an fial.

LUK 19:27

Sikhawmsele, hi bang hawng ka dotu tla nih an tlûnah lalchem siding hen an ka duhlotu tla hi hawngpi na ule, ka mâika ah thah na u,’ a ti,” a ti.

JOHAN 13:16

Thungâi tak hen ka nan simh na, to-aw a pu ngâk hen a rokual lo; mifial khawm a fialtu ngâk hen a rokual lo.

LÂIRÊL 8:23

Gideon nih a sâng le, “Nan lâirêltu ah ka um lai lo, ka fapa khawm asi lai lo. LALPA chu nan lâirêltu asi lai,” a ti.

1 SAMUEL 10:19

Kei, nan lawksawngnâk zawzawng leh nan harsatnâk lakah mi ruang a nan suahnatu Pathian kasi, sikhawmsele tusûn ni ah hin nan ka nawng le, lal an pêk na ding hen nan ka deih. A ṭha ma chu, asi chun LALPA mâika ah a phun phun leh a chi chi hen hawng khap u,’ ” a ti na.

1 SAMUEL 12:1

Churawhchun, Samuel nih Israel mi tla sinah, “Ti ding hen nan deih mi chu kan ti piak na rawh. Nan lakah lâirêltu ding lal khawm kan pêk na rawh.

1 SAMUEL 12:12

Sikhawmsele, Nahas, Amon lalchem nih an do na awt mi nan muh le, LALPA chu nan lalchem rangah nan duh lo le, ka sinah, ‘Lalchem lâi hawng kan rêl piaktu ding hen lalchem kan duh,’ nan ti.

1 SAMUEL 8:22

LALPA nih a sâng le, “An duh mi lal chu pêk na ko,” a ti. Churawhchun, Samuel nih Israel mi tla chu an in leiah lâwi ding hen a simh na.

1 SAMUEL 8:8

Aigupta ram ah mi ka suakpi na mi thawk hen kan sinah mi an pial le, pathian dang tla an sawnh. Ka sinah an ti kumza hâwi hen tuah na sinah an ti mi asi.