1 SAMUEL 7:9 - Bawm Common Language Bible Version

⁹ Samuel nih dawrâ fa chu pum duah bâwlnâk LALPA sinah a ap. Churawhchun, LALPA sinah Israel tla ṭangpi na ding hen a deih piak na le, LALPA nih a ngiarnâk chu a sâng.

1 SAMUEL 7:9 ပူးပေါင်းရင်းမြစ်များ

SAM 50:15

Na lawksawngnâk ni ah hawng ka auh le, ruang ka nan suah lai, nangnih ka thang na ṭhattir lai.”

SAM 99:6

Mosi leh Aron chu a bâwlpu an si, Samuel chu amah sinah thlachamtu pakhat asi; LALPA an auh le, anih nih a sâng na.

JEREMIA 15:1

Churawhchun, LALPA nih ka sinah, “Mosi leh Samuel men hinah dîr hen hawng ka ngiar na khawmsele, hi minung tla lakah khua ka ruat kho awtlo. Kaltir ving na le; ka mitmuh ah mi suah ving na.

DEUTERONOMY 9:26

Churawhchun, ‘LALPA sinah thla ka cham le, LALPA zahkai, na mi tla, na thiltikhonâk leh chaknâk hen Aigupta ram ah mi na suakpi na mi chu veih lah na.

JEM 5:16

Chun, damh hen nan um khonâk ding hen, nan sual tla thutluang a vawr tawnh ule, thla a cham piak tawnh u, mirep thlachamnâk nih chun thil fâk tak ati tâwn.

LÂIRÊL 6:26

Hi lungpawng tlûnah LALPA na Pathian mâichâm ṭha tak hen siam. Churawhchun, chawchal a panihnâk lâk le, a pum hen thil ap rangah duah hep, Aserah lem na hâu mi thing kha tih ding ah mang rawh,” a ti.

LÂIRÊL 6:28

A thâituan zîngtê ah khua mi tla an hawng thawk rawh chun Baal mâichâm leh Aserah lem hâu mi leh chawchal panihnâk mâichâm tlûnah duah mi an muh.

1 SAMUEL 10:8

Gilgal ah ka mâilei ah kal le, chunah chun kanna tawng lai le, bâwlnâk duah mi leh kawmhnâk bâwlnâk ka pêk lai. Chunah chun zei ti ding ka nan simh lânlo chu ni sarih tiang ngâk,” a ti.

1 SAMUEL 12:17

Khua rumro liau asi, asi lo mazei? Sikhawmsele, thla ka cham lai le, LALPA nih khuarît leh ruah a hawng fial lai. Chu hâwi hen a hawng tlung tikah chun LALPA rangah lalchem nan deih mi hi sualnâk rokual tak LALPA lakah nan ti mi asi ti nan theih lai,” a ti.

1 SAMUEL 16:2

Samuel nih, “Zeitin ka ti kho lai? Saul nih a theih chun hawng ka thah ding ko,” a ti. LALPA nih a sâng le, “Chawlâ put le, LALPA sinah bâwlnâk ka va ap awt ti rawh.

1 SAMUEL 2:35

Bâwlpu ka lakah zumhkâi mi leh ka duhzia hen thil titu ka thîm awt, thlâk tla ka pêk lai le, chu tla nih ka thîm mi lalchem mâika ah rian an ṭuan kumza lai.

1 SAMUEL 7:17

Chun, a kîr le, a in leiah Ramah khua ah a tlung le, chunah khawm lâirêltu asi. Ramah khua ah LALPA rangah mâichâm a siam.

1 SAMUEL 9:12

Nungâk tla nih chun, “I, a um,” ti hen an sâng. “Nanmah lântê ah a hawng tlung sek. Nan va kal sawm asi chun nan phanh lai. Khua ah nan va lût kâ hen nan va muh lai. Tlângah mi tla nih bâwlnâk an ap ruangah tusûn ah a hawng tleng. Amah a tlung lânlo chu an sâwm mi tla âukhawm nih an ei ding asi lo, amah nih bâwlnâk chu mal a sâwm tâ ding asi ruangah. Tuah nan kal sawm mi asi chun tlâng leiah buh ei ding a kal lântê ah amah nan va tawng lai,” an ti.