1 SAMUEL 7:10 - Bawm Common Language Bible Version

¹⁰ Samuel nih bâwlnâk a ap liauah Philistia tla nih do ding hen an fûk na. Sikhawmsele, chu liau chirah chun LALPA nih vân thawk hen khua a hawng rîtir. An ektê hen ningṭihnâk a hawng tlung le, an lâu le, an tek phin.

1 SAMUEL 7:10 ပူးပေါင်းရင်းမြစ်များ

SAM 18:15

Tisumsumriat taw chu lâwng tlo hen a siah le, tual ram chu a lang têt LALPA na mêlma tla chu na simhfâi chun na thin hen râp na.

SAM 29:3

LALPA aw-hâu chu tipi tla tlûnah theih hen a um le, Pathian rokual nih khua a rîtir le, a aw-hâu nih tisumsumriat a râwng.

SAM 29:4

LALPA aw-hâu chu a thiltikhonâk leh a lalnâk zawzawngah theih hen a um.

SAM 78:66

A mêlma tla chu a khirh na le, ningzaknâk dawnghnâk hen a neh na.

ZEKARIA 4:6

Chu vânmifial nih chun Zerubabel sinah Lalpa thu va sim ding hen hawng ka simh: “Kawrsen chaknâk leh nangmah chaknâk chu silo hen, keimah thlarau chaknâk hen asi dauh lai.

DEUTERONOMY 28:7

“Nan mêlma tla nih an do na tikah LALPA nih an neh piak na lai. Kâng khat lei hen an do na chun, a dang chereh hen an tek lai.

JOSUA 10:10

Israel tla mitmuh ah Amor tla chu neh hen a tektir na. Israel tla nih Gibeon ah thungâi an thah na le, tlâng liamnâk Beth Horon tiang an ṭhâwl na, an do vima na le, Azekah leh Makedah simlei lât tak tiang an ṭhâwl na.

LÂIRÊL 4:15

Barak nih a kawrsen tla hen a va do le, LALPA nih Sisera chu a kari tla leh a mi tla hen a nawktir chiam na. Sisera chu kari thawk hen a ṭum le, kê hen a tek rawh.

LÂIRÊL 5:20

Vân thawk hen ârfi tla nih an do le; chung vân ah kal hen Sisera chu an do.

LÂIRÊL 5:8

Israel tla nih pathian thar an thîm liauah ram lakah râltuknâk a um. Israel minung sîng li lakah pakhat tal nih phaw mawh fei mawh anna put ma?

1 SAMUEL 12:17

Khua rumro liau asi, asi lo mazei? Sikhawmsele, thla ka cham lai le, LALPA nih khuarît leh ruah a hawng fial lai. Chu hâwi hen a hawng tlung tikah chun LALPA rangah lalchem nan deih mi hi sualnâk rokual tak LALPA lakah nan ti mi asi ti nan theih lai,” a ti.

1 SAMUEL 14:15

Ram lakah Philistia tla chu an lâu le, rûntu tla leh riaknâk mun ah mi kawrsen tla chu an thir le, tual khawm â nîn, ningṭihnâk fâk tak a hawng um.

1 SAMUEL 2:10

LALPA mêlma tla chu veih an si lai le, vân thawk hen khuarît hen a do na lai. LALPA nih laikulh pumpi lâi a rêl lai le; a lal sinah thiltikhonâk a pêk lai, a lal thîm ruangah nehnâk a pêk lai,” a ti.

1 SAMUEL 7:11

Israel tla nih Mizpah thawk hen Philistia tla chu an ṭhâwl na le, Bethkar tiang an ṭhâwl na le, lampi tluan hen an thah na.