1 SAMUEL 6:3 - Bawm Common Language Bible Version

³ “Israel tla sinah LALPA Thudântuk Bâwm nan khirh nawlh na chun nan sual man rangah thilpêk nan kuat sih ngelchel ding asi, Thudântuk Bâwm chu lâwmman tel lo hen nan khirh nawlh ding asi lo. Hi hâwi hen nan ti chun damh hen nan um lai le amah ruangah rêp nan si mi khawm nan theih lai,” an ti.

1 SAMUEL 6:3 ပူးပေါင်းရင်းမြစ်များ

JOB LASUIBU 10:2

Pathian hawng ka mawhtir lah. Zei ka palhnâk hawng ka simh.

EXODUS 23:15

Abib thla, Aigupta thawk hen nan suaknâk thla ah thu ka nan pêk na mi hâwi hen Sâng Thilnu telhlo Kût ulh u. Kût liauah ni sarih kar chu sang thilnu telh mi rerêng nan ei ding asi lo, thil ap ding put lo hen nan ka sawnh ding hen nan hawng ding asi lo.

EXODUS 34:20

Sikhawmsele, chu fa tîr sanatung tla khawm bâwlnâk ding mi dawrâ hen a ruangrûl ah tlanh u. Nan tlanh lo chun a ngâwng chu nan khiak ding asi. Mipa fa tîr chu na tlanh nawlh ding asi. “Thil ap put lo hen ka mâika ah âukhawm hawng a langh lah na seh.

EXODUS 8:15

Lalchem nih chu-uh tla a thi ver mi a muh rawh chun, a lîlâ hen a lung a khung fâwn, LALPA nih a sim ziatê hen Aron leh Mosi thu chu zeikhawm a siar lo.

LEVITICUS 5:6

a sual man rêpnâk rang ding hen LALPA sinah dawrâ a nunau mawh kêl mawh thil ap ah a put ding asi. Bâwlpu nih chu minung sual rangah bâwlnâk a ap lai.

LEVITICUS 6:6

Rulhnâk ding hen LALPA sinah thil ap pêk ding mi chu bâwlpu sinah a kalpi lai le, chu chu dawrâ mawh kêl mawh a mipa sâwinâk umlo mi asi ding asi. A man chu a dân hâwi hen ruat mi zat asi ding asi.

DEUTERONOMY 16:16

“Nan phun ah minung zawzawng sawnhnâk mun pakhat ah LALPA sawnh ding hen kum khat ah veithum nan kal ding asi: Kalkanh kût, Fângzûn kût leh Basâ Kût liau tla ah.

1 SAMUEL 5:11

Churawhchun, Philistia lal zawzawng sinah chun, “Israel Pathian Thudântuk Bâwm hi a mahmuntê ah va siah nawlh u, kan dâwngsung leh kanmah hawng kan thah lonâk ding hen,” an ti. Pathian nih fâk tak hen a rêp na ruangah ram pumpi an ningṭih hep.

1 SAMUEL 5:7

Chubang hâwi hen thil um tla chu an muh le, “Israel Pathian nih kan pathian Dagon hen hawng kan rêp mi asi. Hi Thudântuk Bâwm hi kan siah kho ding asi lai lo rawh,” an ti.

1 SAMUEL 5:9

Sikhawmsele, chunah an tlungpi rawh chun chu khuapi khawm LALPA nih a rêp le, zerhnâk fâk tak a pêk na. Ngâksia hen tar hen chu khua mi tla chu Pathian nih ngawrnâk fâk tak a pêk na.

1 SAMUEL 6:8

LALPA Thudântuk Bâwm lâk ule, kari lakah siah ule, chu Bâwm chu siah ule, ngûn milem nan sual man rang ding ah nan pêk mi chu a kiangah siah u. Chu Kari chu amah lung hen kaltir u.

1 SAMUEL 6:9

Beth Semes leiah a kal leh kal lo zauh vima ule, Beth Semes leiah a kal asi chun Israel Pathian nih siatnâk ṭihnungkâi tak a hawng tlungtir mi asi lai. Sikhawmsele a kal lo asi lam chun râi chu amah nih a hawng fial mi asi lai lo le, amah a hawng um rêng mi asi lai,” an ti.