1 SAMUEL 5:8 - Bawm Common Language Bible Version

⁸ Churawhchun, mi an fial le, Philistia lal panga a pum ding hen an kawhtir na le, “Israel Pathian Thudântuk Bâwm hi zeitin kan ti lai rawh?” ti hen thu anna deih. “Gath leiah kalpi u,” ti hen an sâng. Churawhchun, Gath ah Philistia khuapi dang an ti mi ah chun an kalpi.

1 SAMUEL 5:8 ပူးပေါင်းရင်းမြစ်များ

1 CHRONICLES 7:21

Zabad, Suthelah an si. Efraim nih Suthelah lo khawm ah fapa dang panih a nei: Ezer leh Elead, Gath ram ah um mi tla ranrual fîr ding an tum liauah an thah na mi tla an si.

AMOS 6:2

Kalneh khuapi ah kal le va zauh. Churawhchun, Hamat khuapi rokual ah va kal le, Philistia khuapi Gath ah va kal, Israel leh Juda ram ngâk hen ṭhat dauhnâk an nei ma? Nan ram ngâk hen an ram chu a kâu dauh ma?

ZEKARIA 12:3

Chu tik a hawng tlung tikah chun Jerusalem chu lung rit tak hâwi hen ka siam lai le, zei phun zawng nih châwi ding tumtu chu nganfâk an tawng lai. Jerusalem do ding hen laikulh phun zawzawng thu anna rual lai.

JOSUA 13:3

simlei ram ah Avim zawzawng, (Sihor va Aigupta ramri thawk hen Kanaan mi nih Ekron an ti mi marlei tiang hen, Philistia lalchem tla chu Gaza, Asdod, Askelon, Gath leh Ekron ah an um.)

JOSUA 15:11

Ramri Ekron marlei tlângah a kal le, Sikeron leiah a pial le, Baalah Tlâng pal hen Jamnia tiang hen, Mediteranian Tipi ah a dawng.

1 SAMUEL 17:4

Gath khuapi ah mi a min Goliath chu Philistia lakah mi a hawng suak le, Israel tla a hauh na. Amah chu feet kua ngâk a sâng,

1 SAMUEL 17:52

Israel leh Juda tla nih chun âu bu hen an ṭhâwl na le, Gath lei mi lampi tluan hen an ṭhâwl na le, Ekron kulh kawtkâ tiang an ṭhâwl na. Saaraim lei lampi tluan hen anna liam mi tla an tlû phut.

1 SAMUEL 29:6

Akis nih David a kawh le, a sinah, “LALPA Israel Pathian nung mi min hen ka sim asi, ka sinah râltuknâk ah na hawng mi thungâi ka lâwm, ka sinah na hawngnâk thawk hen ka lakah palhnâk na nei mi ka muh loh. Sikhawmsele lal dang tla nih an duh lo asi.

1 SAMUEL 5:11

Churawhchun, Philistia lal zawzawng sinah chun, “Israel Pathian Thudântuk Bâwm hi a mahmuntê ah va siah nawlh u, kan dâwngsung leh kanmah hawng kan thah lonâk ding hen,” an ti. Pathian nih fâk tak hen a rêp na ruangah ram pumpi an ningṭih hep.

1 SAMUEL 5:7

Chubang hâwi hen thil um tla chu an muh le, “Israel Pathian nih kan pathian Dagon hen hawng kan rêp mi asi. Hi Thudântuk Bâwm hi kan siah kho ding asi lai lo rawh,” an ti.

1 SAMUEL 6:2

mi tla nih chun bâwlpu leh dâwithiam tla an kawh na le, “LALPA Thudântuk Bâwm hi zeitin kan ti awt?” ti hen an deih na.