1 SAMUEL 5:3 - Bawm Common Language Bible Version

³ A thâizîng ah Asdod khua mi tla nih chun Dagon milem chu LALPA Thudântuk Bâwm mâika ah a bawkbukhup hen a rîl thlo mi an muh rawh chun an tung nawlh le, a mahmun lîlâ ah an siah.

1 SAMUEL 5:3 ပူးပေါင်းရင်းမြစ်များ

1 Lal 18:26

Chawchal an pêk na mi chu an lâk le, an timhtuah le, Baal sinah nî sûn tiang hen thla an cham, “Baal, hawng kan sâng rawh!” ti hen an âu le, lâm bû hen mâichâm an hêl. Sikhawmsele sângnâk rêng a tleng lo.

SAM 115:7

Kut tla an nei, sikhawmsele an tleih kho lo, kê an nei le, sikhawmsele an kal kho lo; rihâu an suah kho lo.

SAM 97:7

Mikip ruk sawnhtu chu ningzak saih hen a um; pathian zawzawng tla chu LALPA mâika ah an kûn.

EXODUS 12:12

“Chu zân ah chun Aigupta ram pumpiluk ka ṭawl awt, fapa tîr, minung leh ran lakah mi ka thah na lai le, Aigupta pathian zawzawng ka rêp awt. Kei hi LALPA chu kasi.

ISAI 19:1

Hi hi Aigupta thu ah thuchah asi. LALPA chu sûm tlûnah chuan hen Aigupta ah a hawng kal. Aigupta ram ah milem tla chu a mâika ah an thir le, Aigupta minung tla chu an zer rawh.

ISAI 40:20

Tangka leh ngûn mang kholotu nih chun a ngêt kho lo ding mi thing an thîm. Tlû lo ding hen milem thiam tak hen siamtu ding mi an hâwl.

ISAI 41:7

Thing hen thilsiamtu nih ngûn dêngtu sinah ‘Na ti dân a ṭha thlo!’ a ti. Milem siamtu nih thîr ling hen kilhtu rangah a fawrh. Annih nih, “A sengh dân a ṭha” an ti le, thîr ling hen a mahmuntê ah milem an kilh tap.

ISAI 46:7

An liangah an thâng le, an put; a mun ah an siah le, chunah chun an dîrtir, A umnâk mun ah mi khawm â ṭhial kho lo. Mi nih a sinah thla an cham khawmsele, a sâng na hen siatnâk lakah mi a hum kho na lo.

JEREMIA 10:8

An ektê hen an â hen ê-aw an ngâilo. Thing milem thawk hen zei me theihnâk an nei kho?

ZEPHANIAH 2:11

LALPA nih annih tla chu a lauh na lai, tual a mi pathian tla chu zeikhawm lo ah a siam lai le, amah Pathian tak chu phun kip nih mah ram chiau ah an sawnh lai.

MARK 3:11

Khuri nâwmtâm tla khawm nih amah chu an muh kip hen a mâika ah bawkbukhup hen, “Nang, Pathian Fapa chu na si,” ti hen, an âu tâwn.

1 SAMUEL 6:1

LALPA Thudântuk Bâwm chu Philistia ram ah thla sarih a um nûnah chun,

1 SAMUEL 6:5

Chu a ngawr mi lem leh châichîm lem chu siam ule, Israel tla Pathian chu nan chawnglawmh ding asi. Chu tikah nan pathian tla leh nan ram a rêp na mi chu a bâng lai dahmawh.