1 SAMUEL 5:11 - Bawm Common Language Bible Version

¹¹ Churawhchun, Philistia lal zawzawng sinah chun, “Israel Pathian Thudântuk Bâwm hi a mahmuntê ah va siah nawlh u, kan dâwngsung leh kanmah hawng kan thah lonâk ding hen,” an ti. Pathian nih fâk tak hen a rêp na ruangah ram pumpi an ningṭih hep.

1 SAMUEL 5:11 ပူးပေါင်းရင်းမြစ်များ

EXODUS 10:7

Chun, lalchem rianṭuantu tla nih lalchem sinah, “Zeitiang riamruam me hi minung nih hawng kan nawktir awt? Israel mi tla hi suaktir na ko, LALPA an Pathian chu an va sawnh khonâk ding hen. Aigupta ram a râwk dep mi hi na theih lo ma?” an ti.

1 SAMUEL 5:10

Churawhchun, Thudântuk Bâwm chu Ekron leiah an kalpi rawh, chu chu Philistia khuapi dang pakhat asi. Sikhawmsele chunah an va tlungpi rawh chun chunah mi tla chu an âu le, “Israel Pathian Thudântuk Bâwm kanmah hawng kan thah ding hen an hawng put rawh!” an ti.

1 SAMUEL 5:6

LALPA nih Asdod khua mi tla chu fâk tak hen a rêp na le, ningṭihnâk a pêk na. A kiangkam ah mi minung tla chu a rêp na le, ngawrnâk a pêk na.

1 SAMUEL 6:5

Chu a ngawr mi lem leh châichîm lem chu siam ule, Israel tla Pathian chu nan chawnglawmh ding asi. Chu tikah nan pathian tla leh nan ram a rêp na mi chu a bâng lai dahmawh.