1 SAMUEL 4:3 - Bawm Common Language Bible Version

³ A thibang tla an mun ah an hawng kîr nawlh rawh chun Israel ruitu tla nih, “Zei rangah tusûn ni ah LALPA nih kanmah nehtu ding hen Philistia mi tla a siam na zia? Siloh ah mi LALPA Thudântuk Bâwm kan va lâk lai, chu tikah kan sinah a hawng bâk lai le, kan mêlma lakah hawng kan suah kho ding hen,” an ti.

1 SAMUEL 4:3 ပူးပေါင်းရင်းမြစ်များ

2 SAMUEL 15:25

Churawhchun, lalchem nih Zadok sinah “Thudântuk Bâwm hi khuapi ah kîrpi nawlh. LALPA nih rem a ti chun zeitik mawh hi â dînnâk ah hin hawng ka ruai nawlh lai le, a umnâk mun ah ka muh nawlh lai.

1 CHRONICLES 17:1

Lalchem David chu a lal in ah a um rawh. Nikhat chu khuavâng Nathan sinah mi a fial le, a sinah, “Kei lam chu sidar thing hen sak mi in ah ka um le, sikhawmsele LALPA Thudântuk Bâwm lam chu puanin ah a um ko!” a ti.

SAM 74:1

Pathian, zei rangah hi hâwi hen na kan kaltâk? Na mi le tlûnah hin na thin a run kumza awt na maw?

SAM 74:11

Zei rangah ṭangpi ding na kan duh lo? Zei rangah na kut dunglei ah na siah ving?

ISAI 50:1

LALPA nih, “Mi nih a nupi a mâk mi hâwi hen ka mi tla hi kaltir ving ding hen ma nan ruat? Asi chun, mâknâk lasui zeiah a um? Mi nih a fa tla sal ah a zuar ving na mi hâwi hen sal ah an zuar ving na hen ma nan ka ruat? Silo, nan sual ruangah sal ah put hen nan um mi asi; thilsual nan ti ruangah nar hen nan um mi asi.

ISAI 58:3

Zapi tla nih, “LALPA nih â theihtir lêm lo hen zei rangah buh kan ngei lai? Kan thu ngâilo pet hen zei rangah buh lo hen kan kal lai?” an ti. LALPA nih an sinah, “A san dik tak chu, buh nan ngei liauah nanmah nuam tinâk leikâng nan zûl le, nan rianṭuantu rangah nan nehsawh na.

ISAI 59:1

LALPA chu nanmah an hum na ding hen chak lo tukah mawh, ṭangpi ding hen nan kawh mi lakah a nâ a sêt tuktarâi ah ruat lah u.

ISAI 59:2

Nanmah sual ruangah an ngâi piak duh na lo mi asi. Sawnh ding nan awt liauah Pathian lakah mi an ṭhen natu chu nan sualnâk asi.

JEREMIA 3:16

Churawhchun, chu ram ah nan tam rawh chun, mi tla nih ka Thudântuk Bâwm thu an sim lai lo rawh. A dawn khawm an dawn lai lo, a theih khawm an theih lai lo; a herh khawm an herh lai lo le, a dang khawm an siam lai lo.

JEREMIA 7:4

Chubang perpetnâk thu, ‘Kan him mi rawh! Hi hi LALPA Biakin asi, hi hi LALPA Biakin asi, hi hi LALPA Biakin asi!’ ti mi tla chu lung lah u rawh.

NUMBER 10:33

Zapi tla nih Sinai tlâng thenhlimh chu an kaltâk rawh le, ni thum ding an kal. LALPA Thudântuk Bâwm chu an riaknâk mun hâwltu si hen an mâilei ah a kal.

NUMBER 10:35

LALPA Thudântuk Bâwm â thawh awt kip ah Mosi nih, “LALPA, thawk le, na mêlma tla chu rektir na le, an huatu tla chu tektir na,” a ti.

NUMBER 31:6

Mosi nih bâwlpu Eleazar fapa Phinehas, singsiahnâk tâwtawrâwt leh thil thenhlimh mawhphurhnâk lâktu thupêk hen Mosi nih râltuk ah a fial na rawh.

DEUTERONOMY 29:24

Churawhchun, laikulh pumpi nih, ‘Zei zia me si LALPA nih hi hâwi hen an ram ah a ti le? Hi hâwi thinthawknâk hi a san zei me si?’ an ti lai.

DEUTERONOMY 31:26

“Hi LALPA dân bu hi lâk ule, LALPA nan Pathian Thudântuk Bâwm sungah siah u, Israel mi le tla lakah a lungsilo zia theihpitu ding ah chun a um ding asi.

2 TIMOTHE 3:5

Pathian sunhsak mi banghnâk an nei lai le, sikhawmsele a thiltikhonâk chu an lung lai loh; chubang hâwi chu hawitâk rawh.

HEBRAI 9:4

Chu lakah chun ngûn mâichâm rimthâw duahnâk leh thudântuk bâwm, ngûn hen luanh mi chu a um, chu thudântuk bâwm sungah chun manna ngûn bêl, Aron ṭhianṭhunh chawrh mi, thudântuk lungtlêp tla panih dân thu rînnâk a um.

JOSUA 4:7

Jordan Va ah LALPA Thudântuk Bâwm an tanpi liauah a luang mi tî â dîn thlo ti nan simh na lai. Chu lung nih chun Israel mi tla rangah zei thil a hawng um ti theihtirtu asi kumza lai,” a ti.

JOSUA 6:6

Josua nih bâwlpu tla a kawh na le, an sinah, “Kha Thudântuk Bâwm kha lâk ule, minung pasarih a mâilei ah kal ule, tâwtawrâwt put chiau u,” a ti.

JOSUA 7:7

Churawhchun, Josua nih, “LALPA, Pathian, zei rangah hi Jordan Va hi na hawng kan kanhtir êu? Amor mi kut lakah pêk ding hen ma? Hawng kan veih hep ding hen ma? Zei rangah khatlei râl ah khin kan um ko lo?

JOSUA 7:8

LALPA, zei thu ka sim kho lai rawh? Israel chu an mêlma nih an neh na rawh asi lo ma?

1 PETER 3:21

chu chu baptisma zauhtirnâk asi. Baptisma chu taksa lakah mi nâwmtâm thianhnâk chu asi loh, sia leh ṭha theihnâk hen Pathian lakah thutiam asi dauh. Chu nih chun tuah Jisu Krist thawknawlhnâk zârah ruang a nan suah na asi.

JUD 1:5

Hi bang tla hi a ektê hen theih ver khawm ule, Lalpa nih chun Aigupta ram thawk hen Israel tla chu ruang a suah na le, chu nehnûn ah lunglotu tla chu a veihtir na zia an theihtir nawlh na ding ka duh.

1 SAMUEL 1:24

Chun, a tlei dauh rawh chun Siloh khua ah a kalpi le, kum thum mi chawchal a put le, sangvut kilogramme râ leh uain savun dûr khat a put. Samuel chu a kalpi le, a ngâksia ual rih; Siloh khua ah LALPA in ah a kalpi rawh.

1 SAMUEL 14:18

Saul nih bâwlpu Ahijah sinah, “Ephod kha hinah hawng put,” a ti. (Chu ni ah chun Ahijah nih Israel mâilei kângah Ephod a put tâwn.)

1 SAMUEL 4:2

Philistia tla nih an do le, thungâi anna do nûnah Israel tla rangah an neh na le, râltuknâk mun ah sâng lî an thah na.