1 SAMUEL 4:2 - Bawm Common Language Bible Version

² Philistia tla nih an do le, thungâi anna do nûnah Israel tla rangah an neh na le, râltuknâk mun ah sâng lî an thah na.

1 SAMUEL 4:2 ပူးပေါင်းရင်းမြစ်များ

LUNGFÂKNÂK 3:40

Kan umdân dawn set hen LALPA sinah kan kîr ding asi.

LEVITICUS 26:37

Âukhawm ṭhâwltu umlo hen nanmah leh nanmah nanna pah lai le, mêlma do kho khawm nan si lai lo.

NUMBER 14:45

Amalek mi leh Kanaan mi chu ram ah um mi nih chun an do na le, an neh na le, Hormah tiang hen an ṭhâwl na.

JOSUA 7:12

Churuangah asi Israel tla nih an mêlma an neh lonâk san chu. Neh hen an um mi chu tuah anmah nih thil râwk ding mi lakah an mawh ruangah asi! Lâk lo ding ka ti mi thil kha nan veih lânlo chu nan sinah ka um ding asi lo.

1 SAMUEL 17:21

Philistia leh Israel tla chu mâi leh mâi a hawih hen do sek ding hen um mun remh zet hen an um.

1 SAMUEL 17:8

Goliath chu a dîr le, Israel tla a auh na, “Khanah zei nan ti, Râltuk ding hen nanna tlar mu? Kei chu Philistia mi kasi, nannih Saul sal tla nan si. Keimah do ding hen nan lakah mi pakhat thîm u.

1 SAMUEL 4:1

Chu liau chun Philistia tla chu Israel tla do ding hen anna pûm le, churuangah Israel tla chu anmah do ding hen anna thawh rawh. Israel tla chu Ebenezer ah um mun an khuar le, Philistia mi tla chu Aphek ah mun an khuar.

1 SAMUEL 4:10

Philistia tla nih chun an chelh rî hen Israel in leiah tek rawh mi tla chu an do chiam na le, an neh na rawh. Thahnâk rokual tak a um le, Israel kawrsen sing thum an thah na.

1 SAMUEL 4:3

A thibang tla an mun ah an hawng kîr nawlh rawh chun Israel ruitu tla nih, “Zei rangah tusûn ni ah LALPA nih kanmah nehtu ding hen Philistia mi tla a siam na zia? Siloh ah mi LALPA Thudântuk Bâwm kan va lâk lai, chu tikah kan sinah a hawng bâk lai le, kan mêlma lakah hawng kan suah kho ding hen,” an ti.