1 SAMUEL 4:18 - Bawm Common Language Bible Version

¹⁸ Chu minungpa nih Thudântuk Bâwm a hawng sim kâ hen kulh kawtkâ kiangah Eli a to mi chu a dunglei ah â ân le, a tlû. Amah khawm thungâi atar le, a bit tuk le, a chelhlo rawh le, a tlûknâk ah a ngâwng a kiak le, a thi rawh. Israel tla lakah kum sâwmli kar chu ruitu ah a um.

1 SAMUEL 4:18 ပူးပေါင်းရင်းမြစ်များ

SAM 26:8

LALPA, na umnâk in chu ka ngâisung, na rokualnâk umnâk mun khawm.

SAM 42:10

Zauhnawmh hen an ka nâuneh le, “Zeiah me na Pathian chu?” an ka ti kumza ko.

SAM 42:3

Sûn leh zân hen ka âu le, ka mitthli chu ka buh asi; Zeiliau zawng ah ka mêlma tla nih, “Na Pathian chu zeiah?” an ti.

SAM 69:9

Na Biakin ah ka pumpêknâk nih chun mei hâwi hen hawng ka khangh. Nangmah lakah simsiatnâk chu ka lakah a hawng.

LEVITICUS 10:3

Churawhchun, Mosi nih Aron sinah, “Hi hi asi LALPA nih âuzawng ka rianṭuantu nih chun ka thenhlimhnâk hi an zah ding asi, ka mi le sinah ka rokualnâk ka langh lai a ti liauah a sim mi chu,” a ti. Sikhawmsele Aron chu a dâisip.

LÂIRÊL 15:20

Philistia mi tla nih lâi an rêl liauah, Samson nih kum kul sung ding Israel tla a rui na.

1 SAMUEL 4:13

Eli, Thudântuk Bâwm lungkhamtu chu lamvâu ah a to ko le, a chuanh na ko. Chu minung nih thâwngthâng a hawng zanh le, mi tla chu ningṭih ruangah an ṭap rawh.

1 SAMUEL 4:17

Thu thanhtu nih a sâng le, “Philistia tla lakah Israel tla an zâm le; hawng kan neh zia thungâi a fâk! Chu lo khawm na fapa Hopni leh Phinehas khawm an thah le, Pathian Thudântuk Bâwm khawm an lâk ving!” a ti.

1 SAMUEL 4:19

Eli monu, Phinehas nupi chu a râi, a fa ring thla a tling dêng rawh. LALPA Thudântuk Bâwm an lâk mi thu leh a ṭangpa leh a pasal thih thu a theih le, mawhsareh hen a ngânfâk le, fa a ring.