1 SAMUEL 4:16 - Bawm Common Language Bible Version

¹⁶ Chu minungpa nih chun, “Râltuknâk thawk hen hawng suak kasi le, tusûn ah hi mun tleng ko hen ka hawng tek mi asi,” a ti. Eli nih a sinah, “Ka fapa, zei hâwi hen asi ne?” ti hen a deih.

1 SAMUEL 4:16 ပူးပေါင်းရင်းမြစ်များ

2 SAMUEL 1:4

David nih a sinah, “Zei hâwi hen thil a hawng um hawng ka simh,” a ti. Anih nih, “Tuknâk ah mi kan kawrsen tla an tek hep le, kan minung tla cherkhet thah hen an um, Saul leh Jonathan khawm an thah na,” a ti.

JOSUA 7:19

Josua nih a sinah, “Ka fapa, LALPA mâika ah thudik sim rawh, Israel Pathian sinah na sual phuang rawh. Thil na ti mi tuah hawng ka simh. Ka sinah zei thu khawm pheh lah,” a ti.

1 SAMUEL 3:6

LALPA nih Samuel chu a kawh fâwn le, chu ngâksia nih chun LALPA asi ding hen a ruat lo, a lânah LALPA nih a sinah thu a sim dahlo rih ruangah. Churuangah a thawk le, Eli sinah, “Na ka kawh mu? Hinah ka um ko hi,” a ti. Sikhawmsele, Eli nih a sâng le, “Ka fapa, kan kawh lo, na ihkhun leiah kal ko,” a ti.

1 SAMUEL 4:17

Thu thanhtu nih a sâng le, “Philistia tla lakah Israel tla an zâm le; hawng kan neh zia thungâi a fâk! Chu lo khawm na fapa Hopni leh Phinehas khawm an thah le, Pathian Thudântuk Bâwm khawm an lâk ving!” a ti.