1 SAMUEL 31:7 - Bawm Common Language Bible Version

⁷ Israel mi Jezreel tivakuam varâl leiah um mi tla leh Jordan saklei ah um mi tla nih, Israel kawrsen tla an tek mi thu tla, Saul leh a fapa tla an thi mi thu tla an theih rawh chun an khua tla an mâk le, an tek phin. Churawhchun, Philistia tla nih an khua chu an luah rawh.

1 SAMUEL 31:7 ပူးပေါင်းရင်းမြစ်များ

LEVITICUS 26:32

Nan ram chu ka râwk dep lai le, nan mêlma a luahtu tla khawm an thinlung a lâu rê lai.

LEVITICUS 26:36

“Sal ah put hen an um mi tla chu an lâu tuktarâi ah thing nah thlî nih a sêm mi hâu lak khawm ah an tek lai. Râltuk liauah ṭhâwl mi hâwi hen an tek lai le, mêlma nan kiangah umlo pet hen nan tlû phah rê lai.

DEUTERONOMY 28:33

Hamh tak hen thlâi nan chîng mi tla chu ramdang mi phun nih an lâk hep lai, chu tikah nannih chu nehsawh leh nauneh cho lo chu zeikhawm nan tawng lai lo.

LÂIRÊL 6:2

Midian mi tla chu Israel mi tla ngâk hen an chak dauh le, Israel mi tla chu pûk leh tlângah mun himnâk ah anna thup.

1 SAMUEL 13:6

Churawhchun, Israel tla hen donâk fâk tak an nei le, lungdawng kâi tak hen an siah na. Israel tla chu khur leh pûk ah anna thup, a zeimaw mi chu lungpi leh khursaduap leh tikhurchawh lakah anna thup,

1 SAMUEL 13:7

a dang tla chu Jordan Va Gad leh Gilead an kanh. Saul chu Gilgal ah a um ko rih le, a sinah um mi tla chu ningṭih ruangah an thir ko rawh.

1 SAMUEL 31:6

Chu hâwi hen Saul leh a fapa pathum leh tlangvâlpa chu an thi rawh, chu ni chun Saul minung tla chu an thi hep.

1 SAMUEL 31:8

Râltuk lîm nûn a thâituan ah Philistia mi tla nih mithi ruak tla thil chu lâk ding hen an kal le, Saul leh a fapa pathum Gilboa tlângah thi mi an muh na.