1 SAMUEL 30:6 - Bawm Common Language Bible Version

⁶ David chu thungâi a lawksawng, a mi le tla khawm an fa tla an thlâu ver na ruangah an lung a fâk thlo ruangah David rangah lung hen seh ding an awt; sikhawmsele LALPA a Pathian nih a râlṭhattir,

1 SAMUEL 30:6 ပူးပေါင်းရင်းမြစ်များ

GENESIS 32:7

Jakob nih chun a ṭih le, a zûr thlo. A sinah um mi minung tla chu murui nih hen a ṭhen na le, a dawrâ tla, kêl tla, ranrual tla, sangâwngsâu tla khawm murui nih hen a ṭhen na.

2 SAMUEL 17:8

Na pa leh a kawrsen tla chu râltuktu râlṭha tak an si, vawm a fa an lâk piak le, a râng mi hâwi ko an si lai. Na pa chu kawrsen râltuk thiam tak asi le, zânah khawm a kawrsen tla sinah a um lai loh.

2 Lal 4:27

Sikhawmsele Elisa sinah a va kal le, a kûn le, a kezaphah a tleih. Gehazi nih kiang ding hen a tul le, sikhawmsele Elisa nih, “Zauh ziar rih, a lawksawng thlo mi hi na muh lo ma? LALPA khawm nih zei thu khawm hawng ka simh lo rih,” a ti.

JOB LASUIBU 13:15

Lungumnâk rerêng ka nei lo rawh, churuang chun Pathian nih hawng ka thah chun zei hâwi dek asi lai.

SAM 116:10

“Ka râwk dep rawh” ka ti liau khawm ah lungnâk lakah chun ka um thlir,

SAM 138:3

Ka nan auh liauah na ka sâng le, na chaknâk hen na ka chaktir.

SAM 18:2

LALPA chu hawng ka vêngtu leh ka kulhpi bir na si. Ka Pathian chu ka himnâk asi le, amah lakah ka him. Phaw hâwi hen a ka hum le, a ka vêng le, him tak hen hawng ka kil.

SAM 18:6

Ka lawksawngnâk ah LALPA ka auh le; hawng ka ṭangpi ding hen ka Pathian chu ka kawh. A biakin thawk hen ka hâu a theih; ṭangpi ding hen ka âu hâu a ngâi.

SAM 25:17

Ka dîtnâk bângtir le, ka lawksawngnâk zawzawng lakah mi ruang hawng ka suah.

SAM 27:14

Lungdawng lo hen LALPA chu zumh le, amah lakah a ngauh rawh. LALPA chu zumh rawh.

SAM 31:24

LALPA rinhsanhtu tla zawzawng, chak tak leh râlṭha tak hen um u.

SAM 42:11

Zei rangah hi tluk rak hen ka ngaihsia? Zei rangah ka lawksawng? Pathian lakah ka lungumnâk ka siah lai le, ka ruangsuahtu leh ka Pathian chu ka sawr nawlh lai.

SAM 42:5

Zei ruangah hi tluk rak hen ka ngaih a sia? Zei ruangah hi tluk rak ka lawksawng? Pathian sinah ka lungumnâk ka siah lai le, ka ruangsuahtu leh ka Pathian chu veikhat ka sawr nawlh lai.

SAM 56:11

Pathian lakah ka ngauh le, ka lâu rerêng lai lo. Minung salam nih zei an ka ti kho lai?

SAM 62:1

Pathian nih ruang hawng ka suah ding hen, felfê tak hen ka ngâk le; amah sin cho ah ka ngauh.

SAM 62:5

Pathian lak cho ah ka ngauh, amah lakah ka lungumnâk ka siah.

SAM 71:4

Ka Pathian, mi ṭhalo tla leh mi rualo leh misual tla thiltikhonâk lakah mi ruang hawng ka suah.

SAM 71:5

LALPA, ka ngâksiatê thawk hen ka lungumnâk ka siah hen ka nan ngauhsan.

EXODUS 17:4

Mosi nih lungnâwng tak hen LALPA sinah thla a cham le, “Hi zapi minung tla hi zeitin ka ti na awt? Lung hen an hawng ka seh awt rawh hi,” a ti.

THUFING LASUIBU 18:10

LALPA chu kulh bir hâwi asi le, a sinah mirep tla chu an kal hen an him kho.

ISAI 25:4

Mipâm leh ṭangpitu nei lo chu na sinah an hawng tek le, lawksawng liauah him tak hen an um. Thli leh ruah lakah dawrnâk na pêk le, nî sâ lîn lakah mi chu dâidul ah na umtir na. Misual tla nih busik liauah thli leh ruah hâwi hen leh, ram châr lakah nikhua kheu hâwi hen an do.

JEREMIA 16:19

LALPA, nang chu hawng ka humtu leh chaknâk hawng ka pêktu na si; lawksawng liauah na hawng ka ṭangpi. Tual dawnghnâk thawk hen phun tla chu na sinah an hawng kal lai le, “Hawng kan thlâktu tla nih chun pathian diklo tla leh zeikhawm mang tlâklo mi milem cho lo chu zeikhawm an nei lo.

JONA 2:2

“LALPA, ka lawksawng ruangah ka nan auh mi hi, nangnih hawng ka sâng rawh. Laikulh thihnâk thûk tak thawk hen ṭangpi deih hen ka âu le, nangnih hawng ka ngâi piak.

NUMBER 14:10

Mi zapi zawng tla nih lung hen thi thlo seh na ding hen an ṭhih na le, sikhawmsele lâkkhat ko ah zapi tla nih LALPA umnâk Puanin tlûnah chêu a hawng lang mi an muh.

MATHAI 21:9

Chun, mi zapi a mâi leiah kal mi tla leh a zûltu tla nih chun, “David Fapa sinah Hosana! Lalpa min hen a hawng kal mi chu a thaw a suak. Chungnungchem ah khin, Hosana!” ti hen, an âu.

MATHAI 27:22

Pilat nih an sinah, “Jisu, Mesia an ti mi hi zeitin ka ti lai rawh ne?” a ti. An ektê hen, “Anih chu kraws ah khenh rawh,” an ti.

JOHAN 8:59

Chuvachun, a sehnâk lung an sar le, sikhawmsele Jisu â thup le, Pathian Biakin ah mi chu a suak rawh.

ROM 4:18

Lungum ding hen a umlonâk khawm ah anih nih chun lungum tak hen a lung le, chi tam tak tla pa asi khonâk ding hen, “Khi zat khin na thlâk tla an hawng um lai,’ ti hen simh asi hâwi hen khan.

ROM 4:20

Sari ching mi khawm a theih ko, sikhawmsele lungnâk sam hen Pathian thutiam chu a zumhmaih lo le,

ROM 8:31

Chubang thu lakah chun zei me kan sim lai ne? Pathian kan leiah â ṭang chun âunih me hawng kan do kho lai?

2 KORIN 1:6

Sikhawmsele, hamh hen kan um chun nanmah tla ṭangpinâk ding leh ruangsuahnâk ding asi; ṭangpi hen kan um chun nannih khawm ṭangpi hen nan um bâk asi, chu nih chun hamh kan tuarnâk ber hi felfê tak hen nan tuarnâk ah chun chaknâk a nan pêk na asi.

2 KORIN 4:8

Khatlei khatlei ah nawktir hen kan um, sikhawmsele kan thaw a pit loh; lawksawng hen kan um le, sikhawmsele kan lung a dawng loh;

2 KORIN 7:5

Makedonia ram ka tlung khawm khan kan taksa nih lungngamnâk rerêng a nei lêm lo, khatlei khatlei ah chun hamhtir hen kan um dauh lehlam; leng leiah a sualnâk tla a um le, sung leiah ṭihnâk tla a um.

HEBRAI 13:6

Chun, râlṭha tak hen, “Lalpa chu hawng ka ṭangpitu asi, ka lâu lai loh; minung nih zeitin a ka ti kho lai,” kan ti tâwn asi.

LÂIRÊL 18:25

Dan mi tla nih, “Nang rangah chun hawlh lo a ṭha dauh, hi bang minung tla hi thinthawktir na hen nangmah an dotu ah na duh na lêm lo chun. Chu hâwi asi chun nan dâwngsungkhur hen nan thi hep lai,” an ti.

LÂIRÊL 20:22

Churawhchun, Israel tla chu Pathian sawnhnâk mun ah an kal le, LALPA mâika ah zânlei tiang an ulh. “Kan unau Benjamin mi tla chu kan va do nawlh lai ma?” ti hen Pathian an deih. LALPA nih a sâng le, “Do u,” a ti. Churawhchun, Israel kawrsen tla chu an râl anna ṭhattir nawlh le, a lânah mi hâwi hen anmah mun chiauah anna siah nawlh.

1 SAMUEL 23:16

Jonathan chu chunah a va kal le, Pathian vêng a sizia ti hen thla a ngamh le,

1 SAMUEL 28:15

Samuel nih Saul sinah, “Zei rangah na ka nawktir hen zei rangah kîr ding hen na ka tuah?” a ti. Saul nih a sâng le, “Thungâi ka lawksawng! Philistia mi tla nih an hawng ka do le, Pathian khawm nih hawng ka kaltâk. Khuavâng leh mang hen khawm hawng ka sâng duh lo rawh. Churuang chun ka ti ding mi hawng ka simh ding hen nangmah kan kawh asi,” a ti.