1 SAMUEL 30:26 - Bawm Common Language Bible Version

²⁶ David chu Ziklak a va tleng le, a thil zeimaw zat ding chu a hâwi Juda tla lakah ruitu rangah thuchah hen a kuat na le, “Hi hi LALPA mêlma tla lakah kan lâk mi thil nan rangah kan kuat na mi asi,” a ti.

1 SAMUEL 30:26 ပူးပေါင်းရင်းမြစ်များ

GENESIS 33:11

Na rangah ka hawng put mi lâwmman hi zângfahtê hen hawng ka lâk piak ko; Pathian ka lakah vêl a nei le, ka herh mi zawzawng a hawng ka pêk,” a ti, lâwmman chu a lâk lânlo a pêk êu.

2 SAMUEL 1:1

Saul thih nûnah David chu Amelek mi tla a va neh na mi chu a hawng kîr le, Ziklak ah ni nih a um.

2 Lal 5:15

Elisa sinah a minung tla zawng hen a va kîr nawlh le, a sinah, “Tu chun Israel Pathian cho lo chu zei Pathian khawm a um lo ti ka theih rawh, churuangah chun zângfahtê hen, Pu, lâwmman ka nan pêk mi hi hawng ka lâk piak,” â ti.

SAM 35:27

Hawng ka muh duhtu tla chu a lâwm na seh, “LALPA chu a rokual a! A to-aw dingchangnâk ah â lâwm,” ti hen lâwm hen âu lemang na seh!

SAM 68:18

Tlûnlei a sângnâk ah a sal tleih tam tak put hen a kâi le, thilpêk tla chu mi hel tla thawk hen a tawng. LALPA chu chunah chun a um lai.

ISAI 32:8

Sikhawmsele, mi zahkâi tla nih zumhkâi tak hen thil an ti le, diknâk ah bir tak hen an dîr.

2 KORIN 9:5

Churuangah, unau tla hi nan sinah hawng kal masa hen siang tak hen thilpêk nan tiamhkan mi kha siamkan ding hen ngiar herh hen ka ruat asi, chu tak chu zângrân hen lâk hâwi silo hen siang tak a pêk hâwi dauh hen timhtuah zet hen a um khonâk ding hen.

1 SAMUEL 18:17

Saul nih David sinah, “Ka fanu upa dauh mi Merab hi, râlṭha tak leh zumhkâi hen keimah nâwl zulh hen LALPA râldonâk ah dotu na si ruangah na nupi rangah ka nan pêk lai,” a ti. (Saul nih a thinlung hen David chu hi hâwi ka ti chun Philistia mi nih an thah lai le, zeikhawm a ti kho lai lo rawh ti a ruat ruangah.)

1 SAMUEL 25:27

Zângfahtê hen Pu, lâwmman ka nan put piak mi hi hawng ka lâk piak le, na mi tla rangah pêk na.

1 SAMUEL 25:28

Pu, thil ka palh mi tla chu zângfahtê hen hawng ka ngaihdam. Na damsung zawzawng thilsual tilo hen LALPA rangah râl dotu na si ruangah nang leh na thlâk tla chu lal ah an siam na lai.

1 SAMUEL 30:20

David nih ran leh ranrual zawzawng a mahmuntê hen a tawng nawlh le, a mi tla nih ran tla chu an mâilei ah an khalh le, “Hi hi David tâ asi! ” an ti.

1 SAMUEL 30:25

David nih hi dân a siam mi hi Israel mi tla nih an zûl kumza rih.