1 SAMUEL 3:6 - Bawm Common Language Bible Version

^6-7 LALPA nih Samuel chu a kawh fâwn le, chu ngâksia nih chun LALPA asi ding hen a ruat lo, a lânah LALPA nih a sinah thu a sim dahlo rih ruangah. Churuangah a thawk le, Eli sinah, “Na ka kawh mu? Hinah ka um ko hi,” a ti. Sikhawmsele, Eli nih a sâng le, “Ka fapa, kan kawh lo, na ihkhun leiah kal ko,” a ti.

1 SAMUEL 3:6 ပူးပေါင်းရင်းမြစ်များ

GENESIS 43:29

Josef nih a naupa Benjamin a muh rawh chun, “Hi hi a thâwngthâng nan ka simh mi nan naupa a tlum chem mi chu asi ngâk ma chu. Pathian nih mal a nan sâwm seh, ka fapa,” a ti.

2 SAMUEL 18:22

Ahimaz nih, “Zeital tlung seh a pawi loh, thâwngthâng sim ding hen hawng ka kaltir ko,” ti hen a ngiar eu. Joab nih, “Ka fapa, zei rangah ti ding na duh êu le? Lâwmman na tawng ding khawm asi lo,” a ti.

MATHAI 9:2

Chun, mi khêng pakhat ihkhun ah itbû hen a sinah an hawng zawnh. Chun, Jisu nih an lung zia a muh hen mi khêng sinah chun, “Ka fa, lungngam tak hen um rawh; na sual tla ngaihdam asi rawh,” a ti.

1 SAMUEL 3:5

Eli sinah a va kal le, “Na ka kawh ma? Hinah ka um,” a ti. Eli nih a sâng le, “Ka nan kawh lo, na itnâk mun ah va kal rawh,” a ti. Churawhchun, Samuel chu a itnâk mun leiah a kal rawh.

1 SAMUEL 4:16

Chu minungpa nih chun, “Râltuknâk thawk hen hawng suak kasi le, tusûn ah hi mun tleng ko hen ka hawng tek mi asi,” a ti. Eli nih a sinah, “Ka fapa, zei hâwi hen asi ne?” ti hen a deih.