1 SAMUEL 3:19 - Bawm Common Language Bible Version

¹⁹ Samuel chu a hawng lian vima le, a thusim zawng chu a dik vima.

1 SAMUEL 3:19 ပူးပေါင်းရင်းမြစ်များ

GENESIS 21:22

Chu liau chun Abimelek chu a kawrsen hotu Phikol hen Abraham sinah an va kal le, a sinah, “Thil na ti mi zawzawng lakah Pathian na sinah a um.

GENESIS 28:15

Na kalnâk zawzawngah na sinah um hen ka nan kilkâwi lai, hi ram ah hin ka nan kîrpi nawlh lai. Thu ka nan tiamh mi zawzawng a tling lânlo chu ka nan kaltâk lai loh,” ti hen.

GENESIS 39:2

LALPA chu Josef sinah a um le, a sul-le-lam tluang tak hen a siam. A hotupa Aigupta ram mi in ah a um le,

GENESIS 39:3

Josef sinah LALPA a um hen thilti zawzawngah dingchangnâk a pêk mi a muh.

1 Lal 8:56

“LALPA nih thu a tiamh mi hâwi hen a mi tla rangah thlangamnâk a pêk ruangah amah chu sawr hen um seh. A to-aw Mosi mang hen a thutiam tam tak tla chu a theihkumza.

2 Lal 10:10

Hi hi LALPA nih a sim mi ziatê hen Ahab thlâk tla lakah a hawng tlung taktê asi ti a lang fiang. LALPA nih khuavâng Elija mang hen thu a sim mi chu a ti taktê asi,” a ti.

2 Lal 15:12

LALPA nih lalchem Jehu sinah a sim mi kha a hawng tlung taktê asi: “Na thlâk tla chu san li tiang Israel lal ah an um lai,” a ti mi chu.

2 Lal 22:16

hi LALPA thuchah tla chu va simh u: a ti na, “Lalchem nih lasuibu lakah a rêl mi hâwitê hen Jerusalem leh a sungah um mi tla chu ka rêp awt.

ISAI 43:2

Tî thûk tak na pal liau khawm na sinah ka um lai; na lawksawngnâk nih a nan khuh lai lo. Mei lakah na lan liau khawm ah na kâng lai lo; niknâk fâk tak hawng tlung mi khawm nih nganfâk a nan pêk lai lo.

ISAI 44:26

Sikhawmsele, ka to-aw nih simkannâk a sim hen, ka thiltum langhtir ding hen mi ka fial chun, chubang tumnâk tla leh simkannâk tla chu dik tak hen ka tlungtir. Jerusalem ah minung an um nawlh ding mi thu ka sim le, Juda khuapi tla khawm sak nawlh ding thu tla ka sim. Chubang khuapi tla râwk an si rawh mi chu dirh nawlh hen a um lai.

ISAI 55:11

Chu hâwi hen thu ka sim mi chu a um lai le, ka tum mi thil chu pakhat khawm a tlawlhnâk a um lai lo; Ti ding hen ka hawng fial mi thil zeizawng chu ti asi lai.

LUK 1:28

Chun, vânmifial chu a sinah a lût le, “Chibai, sunhsak bîk, Lalpa na sinah a um,” a ti.

LUK 1:80

Chun, nausêm chu a hawng thang vima le, a thinlung lei a hawng bir da dauh le, Israel tla sinah a hawng a langh lânlo chu ramkaro ah a um ko.

LUK 2:40

Chun, nausêm chu a ṭhang vima le, a hawng chak da dauh le, finghnâk hen a khat le, Pathian zângfahnâk a tlûnah a um.

LUK 2:52

Chun, Jisu chu a fing dadauh le, a lian dadauh le, Pathian leh minung sunhsâk hen a um vima.

2 KORIN 13:11

A dawnghchem ah chun unau le tla, lâwm tak hen um u. Ṭhat rangtling hen um ule; lungngam tak hen um ule, thinlung munkhat put ule, lungrual tak hen um u; chun zângfahnâk 1eh remnâk Pathian chu nan sinah a hawng um lai.

2 KORIN 13:14

Lalpa Jisu Krist zângfahnâk leh Pathian zângfahnâk leh Thlarau Thenhlimh kawmhnâk chu nan ektê sinah um seh.

DEUTERONOMY 18:22

Khuavâng nih LALPA min hen thu a sim hen, a thusim chu a diklo asi chun LALPA thuchah asi lo. Chu khuavâng chu mah thu hen a sim mi asi le, amah chu nan ṭih ding asi lo.

2 TIMOTHE 4:22

Lalpa chu na thlarau sinah um seh. Pathian Zângfahnâk nan sinah um seh.

JOSUA 21:45

LALPA nih Israel tla sinah thu a tiamh na mi vial chu pakhat khawm a thlâu lo.

LÂIRÊL 13:24

Chu nunau nih fapa a ring le, a min ah Samson a sak. Ngâksia chu a hawng lian vima le, LALPA nih mal a sâwm.

1 SAMUEL 10:7

Chubang hâwi thil a hawng um rawh chun Pathian nih a nan ruinâk zawng ah chun ti vima ko.

1 SAMUEL 12:2

Tuah a nan rui natu ding hen nan mang lai rawh. Kei lam chu ka tar le, ka sam khawm a pâr rawh, ka fapa tla khawm nan sinah an um. Ka ngâksia liau thawk hen tu tiang nan ruitu ah ka um.

1 SAMUEL 16:18

An lakah mi pakhat nih, “Bethlehem mi Jese nih tumphung thiam tak mi fapa a nei, amah chu mi râlṭha tak leh mêlṭha tak, kawrsen ṭha tak leh thusim kho mi tak asi. Chu minung sinah LALPA a um,” a ti.

1 SAMUEL 18:12

Saul nih David chu thungai a ṭih. LALPA chu David sinah a um ruangah, sikhawmsele LALPA nih Saul lam chu a kaltâk rawh.

1 SAMUEL 18:14

LALPA chu a sinah a um ruangah a ti mi zawng chu a dingchang vima.

1 SAMUEL 18:5

David chu Saul nih a fialnâk zawng ah dingchangnâk a tawng vima. Churuangah Saul nih a kawrsen hotu ah a siam. Chu hâwi a ti ruangah Saul nih hotu ah a siam na mi leh midang khawm thungâi anna lâwm.

1 SAMUEL 2:21

LALPA nih Hanah chu mal a sâwm le, fapa dang tla pathum leh fanu panih a nei nawlh. Mipa ngâksia Samuel chu LALPA rianṭuan hen a ṭhanglian vima.

1 SAMUEL 2:26

Ngâksia Samuel chu a ṭhang vima le, LALPA leh minung sunhsaknâk â ting.

1 SAMUEL 9:6

A to-aw nih a sâng le, “Hei rih seh! Hi khua lakah hin mi thenhlimh pakhat a sim mi zawng a dik vima ruangah zahkâi tak mi a um. A sinah kan va kal lai le, sanatung khawm a umnâk hawng kan simh kho ko lai mawh,” a ti.