1 SAMUEL 3:11 - Bawm Common Language Bible Version

¹¹ LALPA nih a sinah, “Zei tik ni ah mawh chun Israel mi tla lakah thil ṭihnungkâi ka ti awt, chu thu theihtu vial chu an nâ a dêng lai.

1 SAMUEL 3:11 ပူးပေါင်းရင်းမြစ်များ

2 Lal 21:12

Churuangah, Kei, LALPA Israel Pathian nih Jerusalem leh Juda tlûnah vânduainâk chu hâwi ka tlungtir lai le, âuzawng a theihtu chu a maw lai.

JOB LASUIBU 41:9

Leviathan muhtu zawzawng chu an ṭih le, an tlû ro.

ISAI 28:19

Zîng siar hen a nan vuak lemang na lai. A sûn a zân hen nan tuar lai. Pathian thawk hen thuchah thar kip nih ṭihnungkâi thar a hawng tlungtir lai.

ISAI 29:14

Churuangah ruat lo hâwi tak hen lâu khit hen ka vuak nûnah ka vuak nawlh na lai. Mifing si mi tla chu mi â an hawng si lai le, an finghnâk zawzawng tla chu mang tlâk asi loh,” a ti

JEREMIA 19:3

LALPA nih sim ding hen thu hawng ka simh le, “Nannih Juda lalchem tla leh Jerusalem khua mi tla, Kei, LALPA Zeizawng tikho, Israel Pathian nih thu ka sim ding mi hi ngâi u. Hi mun ah hin siatnâk ka tlungtir awt, âuzawng chu thu theihtu chu a â thlo lai.

HABAKUK 1:5

LALPA nih a mi tla sinah, “Nan kiangkam ah phun tla chu zauh thlingthlâk na. Na thilmuh lakah chê na ti lai. A thu na theih tikah na lunglo thlo ding mi thil zeimawh ka ti awt.

LUK 21:26

minung tla thlabâr ruangah leh laikulh ah thil hawng tlung ding mi chu dawn ruangah an nang lai; vân thiltikhonâk tla chu â nîn awt ruangah.

THILTI 13:41

‘Zauhnawmhtu tla, zauhnik u! Chê ti ule, tlâu ko u, nan dam kar hin thil kâng khat ka ti mi hi, chu thil chu mi nih an simh na khawmsele, nan lung lo thlo lai, ti kha,” a ti.

1 SAMUEL 3:10

LALPA a hawng kal le, chunah chun a va dîr; a lânah a kawh mi hâwi hen, “Samuel! Samuel!” a ti. Samuel nih a sâng le, “Thu sim rawh, na to-aw nih ka ngâi ko,” a ti.

1 SAMUEL 4:10

Philistia tla nih chun an chelh rî hen Israel in leiah tek rawh mi tla chu an do chiam na le, an neh na rawh. Thahnâk rokual tak a um le, Israel kawrsen sing thum an thah na.