1 SAMUEL 29:4 - Bawm Common Language Bible Version

⁴ Sikhawmsele Philistia kawrsen hotu tla chu Akis tlûnah an rothawk le, a sinah, “Hi minung hi na pêk mi khua ah kîrtir nawlh. Tuknâk ah kan sinah kaltir lah, kanna tuk liauah khatlei kângah â ṭângṭawm ving lebang lai. Kan minung thihnâk hi a pu leh amah rangah rem rawh nâk salam asi awtlo ma?

1 SAMUEL 29:4 ပူးပေါင်းရင်းမြစ်များ

1 CHRONICLES 12:19

Manaseh phun lakah mi kawrsen zeimaw mi tla chu David leh Philistia mi tla nih lalchem Saul do ding hen an kal liauah David murui sinah an kal. Philistia mi chu a ṭangpi na lo, lalchem Saul chu a lânah amah hotu asi ruangah, amah leiah â ṭângṭawm lebang lai ti an lal tla nih an ṭih ruangah David chu Ziklak khua leiah an kîrtir.

1 CHRONICLES 12:20

Hi bang hi Manaseh phun lakah kawrsen David a hawng kîr liauah a sinah va kaltu tla an si: Adnah, Jozabad, Jediael, Mikael, Jozabad, Elihu leh Zilethai an si. Manaseh phun lakah chun sâng hotu tla an nei.

EXODUS 1:10

Râltuknâk tla a hawng um hen, kanmah do ding hen kan leido leiah anna ṭângṭawm chun hi ram ah mi hi an suak ving kho. Kanmah ngâk hen tam ngâi na khawmsele ti dân kâng dang hen anmah kham ding hen hâwl a suak lai,” a ti.

LUK 16:8

“Chun, a pu nih chun sum kiltu replo chu ti dân a thiam ruangah a sawr rawh le, chêu fa tla ngâk hen hi laikulh fa tla hi anmah san chun an fing dauh asi.

1 SAMUEL 14:21

Hebrai zeimaw mi Philistia leiah ṭawm hen an riakmun ah va um mi tla khawm chu anna lêt nawlh le, Saul leh Jonathan leiah anna ṭângṭawm rawh.

1 SAMUEL 27:6

Churawhchun, Akis nih Ziklak khua a pêk. Chu thawk hen Ziklak chu Juda tla lalchem tâ asi.

1 SAMUEL 29:9

Akis nih, “Kei lam nih chun rem ka ti, Pathian vân minung tluk hen zumh na kâi hen kan ruat. Sikhawmsele lal dang tla nih kan sinah râltuknâk ah a hawng kho lai loh a nan ti.

1 SAMUEL 30:1

Ni nih nûnah David leh a mi tla chu Ziklak ah hawng tlung, Amalek mi tla nih Juda ram simlei leh Ziklak khua an do. Khua an duah le,