1 SAMUEL 28:8 - Bawm Common Language Bible Version

⁸ Saul chu nipuan dang aih hen mêl dang hen â tuah le, a mûi rawh chun chu nunau va muh ding hen a minung panih tla hen an kal le, a sinah, “Mithi thlarau hawng kan sawnh piak le, zei hâwi hen thil a hawng um awt, hawng kan simh,” a ti.

1 SAMUEL 28:8 ပူးပေါင်းရင်းမြစ်များ

1 Lal 22:30

Ahab nih Jehosaphat sinah, “Râltuknâk ah kan kal tikah kei chu thuam dang hen ka thuam lai le, nang chu lal thuam hen a thuam,” a ti. Churawhchun, Israel lal chu thuam dang hen thuam hen tuknâk ah a kal rawh.

1 Lal 22:34

Vânṭhat ri ah Siria kawrsen nih lîthal a kah le, phaw leh phaw karah lalchem Ahab a dingh sek. Ahab nih, “Ka liam lak rawh” ti hen a kari khalhtu chu a auh le, tuknâk lakah mi â her le, “Hawng ka suakpi,” a ti.

1 CHRONICLES 10:13

LALPA lakah zumhkâi tak hen a um lo ruangah Saul chu a thi rawh. LALPA thupêk a ngâilo le; LALPA in ah thu deih ngâk hen mithi thlarau kawh khotu thu a ngâi dauh ruangah.

2 CHRONICLES 18:29

Ahab nih Jehosaphat sinah, “Râltuknâk ah kei lam chu dang tak hen ka thuam lai le, nang lam chu na lal thuam hen a thuam,” a ti. Churawhchun, Israel lalchem Ahab chu dang tak a thuam bû hen a kal.

2 CHRONICLES 35:22

Sikhawmsele Pathian nih lalchem Neko mang hen thu a sim mi chu a ngâi duh lo le, dang tak hen â thuam le, Megido tuknâk phâi ah a va kal.

ISAI 8:19

Sikhawmsele, mi nih chamchawh thiam leh mithi sawnhtu, chamchawh hen âwn salamtu rangah thu deih ding hen a nan simh lai. Annih nih, “Zeizawng nûnah mi tla nih a nung mi ruangrûl ah thlarau leh mithi sawnhtu rangah thu an deih ding asi,” an ti lai.

JEREMIA 23:24

Ka muh kho lo ding hen âukhawm anna thup kho lo. Tual leh vân mun kip ah ka um ti nan theih lo ma?

EZEKIEL 12:6

An mitmuh ah na thil têl chu na liangah thâng le, na mit tuam bû hen mûi lakah suak le, zei leikângah kal ding asi na muh kho lo ding hen. Chu na thilti chu Israel tla simhkannâk asi lai,” a ti.

JOHAN 3:19

Hi hi mawhnâk asi, chêu laikulh ah a hawng kal le, sikhawmsele mi le tla nih chêu ngâk hen mûi an duh dauh, an thilti tla an sual ruangah.