1 SAMUEL 28:7 - Bawm Common Language Bible Version

⁷ Churawhchun, Saul nih a minung tla chu “Mithi thlarau kawh thiam mi nunau hawng ka kawh piak ule, a sinah thu ka deih awt,” a ti. “Endor khua ah pakhat a um,” ti hen an sâng.

1 SAMUEL 28:7 ပူးပေါင်းရင်းမြစ်များ

2 Lal 6:33

Hi thu a sim thluh kâ hen, lal chu a hawng tleng le, a sinah, “Hi bang nawknâk kan lakah tlungtirtu hi LALPA asi! Amah rangah thil zeimawh ti ding hen zei chan me ka ngâk awt?” a ti.

1 CHRONICLES 10:13

LALPA lakah zumhkâi tak hen a um lo ruangah Saul chu a thi rawh. LALPA thupêk a ngâilo le; LALPA in ah thu deih ngâk hen mithi thlarau kawh khotu thu a ngâi dauh ruangah.

SAM 83:10

Endor ah na neh na le, an ruak tla tual ah a thû hep.

ISAI 19:3

Aigupta thiltum chu ka râwk lai le, an thinlung ah an dawn mi khawm ka râwk lai. Ṭangpi ding hen an milem tla an ngiar lai le, an va kal lai le, mithi thlarau kawhtu an simh lai le, mithi thlarau rangah thu an deih lai.

LEVITICUS 19:31

“Mithi thlarau kawhtu sinah thu deih ding hen kal lah. Na ti chun dân hâwi hen na nâwm lai. Kei, LALPA nan Pathian kasi.

HABAKUK 2:3

Chu rîn mi chu a hun tak a tlung lo rih ruangah siah ziar. Sikhawmsele a tik chu khulrang hen a hawng tlung lai. Tlâi dauh khawm asi kho, ngâk ko rih le; a hawng um ngelchel lai, a tlâi tuk lai lo.

THILTI 16:16

Chun, thlachamnâk mun ah chun kan kal liauah, nungâk âumawh khuri chamchawh thiam mi kan tawng le, anih nih chun a chamchawh thiamnâk ruangah a pu le chu sum tam tak a tawngtir tâwn.

DEUTERONOMY 18:11

tamhthiam mawh leikâng châwngtir lah na ule, mithi thlarau khawm thu deihtir lah na u.

JOSUA 17:11

Aser leh Isakar ram sungah Manaseh nih â ting mi chu Beth Shan leh Ibleam, a kiangkam ah mi khuapi tla, Dor khua khawm (Vakap mi pakhat asi) Endor, Taanak, Megido leh a kiangkam mi khuapi tla.

1 SAMUEL 28:3

Samuel chu a thi le, Israel mi zawzawng nih an ulh le, Ramah khua ah an vûi. Saul nih Israel ram ah mi, mithi thlarau kawh thiam mi leh dâwithiam tla chu a nar ver na.