1 SAMUEL 26:9 - Bawm Common Language Bible Version

⁹ Sikhawmsele, David nih, “Nganfâk pêk rîlmâl lah! A lalchem thîm nganfâk pêktu chu Pathian nih a rêp ngelchel bâk lai,” a ti.

1 SAMUEL 26:9 ပူးပေါင်းရင်းမြစ်များ

2 SAMUEL 1:14

David nih, “Pathian thîm mi lal zeitin na thah ngam?” a ti.

2 SAMUEL 1:16

David nih Amalek mi rangah, “Hi thu hi nangmah nih na hawng tlunh le, LALPA thîm mi lal na thah ruangah nangmah nih nangmah mawh na siam mi asi,” a ti.

2 SAMUEL 19:22

Sikhawmsele David nih, Abisai leh Joab sinah, “Nannih ngaihdan âunih an deih na? Nawknâk nan hawng ka pêk awt na maw? Kei hi tuhin Israel tla lakah lalchem kasi, tusûn ah Israel tla lakah mi âukhawm thah ding asi lo,” a ti.

SAM 105:15

“Ka to-aw thîm tla chu nganfâk pêk lah u; ka khuavâng tla tawngh lah u,” ti hen.

SAM 17:4

Midang tla hâwi hen thu ṭhalo ka sim lo; Na thupêk ka ngâi hen siatnâk lampi ah ka kal lo.

SAM 57:1

Pathian, na ka hum ding hen na sinah ka hawng, ka lakah khuaruat rawh; thlipi fâk tak râng lîm lânlo chu na thla dâidul tangah himnâk ka hâwl.

1 SAMUEL 10:1

Samuel nih oliv sariak dûr a lâk le, Saul lû lakah a tawih le, a châwchawk le, “LALPA nih Israel mi tla lâirêltu ah sariak a nan thuh. A mi tla lakah lâi na rêl lai le, an mêlma tla lakah na hum na ding asi. Hi nih hin a mi le tla lâirêltu ding ah LALPA nih a nan thîm mi na si ti a theihtir:

1 SAMUEL 12:3

Hi mun ah ka um hi. Nan lakah ka palhnâk thil a um chun, LALPA leh a thîm mi lalchem mâika ah tuah hawng ka phiar u. Mi chawpe ma ka fîr? Asi lo leh, mi sanatung ma ka fîr? Mi âutal ka perpet hen ka nehsawh ma? Midang thawk hen nawhnâk tla ka lâk tâwn ma? Hi ka ti mi asi chun ka rulh lai,” a ti.

1 SAMUEL 26:8

Abisai nih David sinah, “Tuzân hin na mêlma chu Pathian nih na kut ah an pêk rawh. Tuah amah fei tak hen hawng ka sunhtir le, nawlh lo ding hen tual ah veikhat ah bêk tlak hen ka sunh lai,” a ti.