1 SAMUEL 26:25 - Bawm Common Language Bible Version

²⁵ Saul nih David sinah, “Ka fapa, LALPA nih mal an sâwm seh! Thil na ti mi zawzawng lakah dingchangnâk na tawng lai,” a ti. Chun, David chu a kalnâk ding leiah a kal le, Saul khawm in leiah a kîr rawh.

1 SAMUEL 26:25 ပူးပေါင်းရင်းမြစ်များ

GENESIS 32:28

Chu pa nih chun, “Na min chu Jakob asi lai lo rawh,” a ti. Minung leh Pathian na paihpi le, na neh rawh; churuangah na min ah “Israel” ti asi lai.

THUFING LASUIBU 26:25

Ṭha tak hen lang khawmsele lung lah. Mi a huatnâk hen a thinlung a khat dil asi.

ISAI 54:17

Sikhawmsele, zei riamnâm khawm nih nganfâk a nan pêk kho lai lo; A nan phiartu tla zawzawng na sâng ver na lai. Ka to-aw tla chu ka hum na lai le, nehtu ah ka siam na lai,” a ti. Chu chu LALPA nih a sim mi asi.

HOSEA 12:4

vânmifial a sualpi le a neh, a ṭap le, malsâwmnâk a ngiar. Bethel ah hawng kan thlâktu Jakob sinah Pathian a kal le, a sawnh.

ROM 8:35

Krist dâwtnâk lakah thawk hen âunih me hawng kan ṭhen kho lai? Hamhnâk nih mawh, ngaihsiatnâk nih mawh, nehsawhnâk nih mawh, pâmnâk nih mawh, takkaronâk nih mawh, ṭihnungkâinâk nih mawh, nâmsâu nih mawh hawng kan ṭhen kho lai ma?

ROM 8:37

Ṭhen lah e, chubang zawzawng lakah chun hawng kan dâwttu ruangah rokual tak hen nehtu kan si.

1 SAMUEL 24:19

Mi nih a mêlma tleih hen âunih nganfâk pêk lo hen suahtu a um lai? Tusûn ni ah na thilti ruangah hin LALPA nih mal a nan sâwm seh.

1 SAMUEL 24:20

Tuah nang chu Israel lalchem na hawng si ngelchel awt, nangmah lâirêl hen lalram chu a um vima lai ti ka ruat.

1 SAMUEL 24:22

David nih ti ding hen a tiamh. Churawhchun, Saul chu in leiah a kîr le, David leh a mi tla khawm anna thupnâk lei mun ah an kîr rawh.