1 SAMUEL 26:23 - Bawm Common Language Bible Version

²³ LALPA nih chun mirep leh mi zumhkâi tla rangah lâwmman a pêk na, tusûn ah ka kut ah a nan pêk le, sikhawmsele, LALPA nih lalchem ah a nan siam mi chu riam kan banh duh loh.

1 SAMUEL 26:23 ပူးပေါင်းရင်းမြစ်များ

2 SAMUEL 22:21

A dik mi ka ti ruangah LALPA nih lâwmman hawng ka pêk. Ka palh lo ruangah mal hawng ka sawm.

2 SAMUEL 22:25

Thil dik ka ti ruangah lâwmman hawng ka pêk, Ka palh lo ti a theih ruangah.

1 Lal 8:32

LALPA, nangnih vân thawk hen hawng ngâi le, na to-aw tla lâi hawng rêl piak na. Misual chu a thilti hâwi hen rêp le, thilsual ti lotu chu âwltir rawh.

NEHEMIAH 13:14

“Ka Pathian, na Biakin rangah leh nangmah sawnh ding ah thil ka ti mi zawzawng tla hi theihkumza rawh.”

JOB LASUIBU 34:11

Mi tla chu an thilti hâwi hen, lâwmman a pêk tâwn le, anmah ruam vima hen an tlûnah thil a ti.

SAM 62:12

LALPA, nangmah ngelchel nih, mikip an thilti hâwi vima hen lâwmman pêk na.

1 SAMUEL 24:11

Pa, zauhnik, na kawrfual tliar ka put mi hi! Ka nan thah kho asi, sikhawmsele ka nan thah ding mi ruangrûl ah hi na kawrdawh ka ât asi. Hi nih hin ka nan râl lo zia leh nganfâk pêk ding ka nan duh lo zia a langhtir asi. Nang lam nih chun zeikhawm ka sual lo mi lakah thah ding karo na hawng ka awt.

1 SAMUEL 24:12

Kan lakah a diklo dauh mi chu kan tlûnah LALPA nih lâirêl seh. Nang khawm tâwmtê khawm nganfâk kan pêk lo mi lakah na ka râl ruangah LALPA nih an rêp bâk seh.

1 SAMUEL 24:18

LALPA nih na kut lakah hawng ka pêk khawmsele na ka thah lo mi ruang hin ka lakah na ṭhat zia tusûn ni hin na langh asi.

1 SAMUEL 24:19

Mi nih a mêlma tleih hen âunih nganfâk pêk lo hen suahtu a um lai? Tusûn ni ah na thilti ruangah hin LALPA nih mal a nan sâwm seh.

1 SAMUEL 26:11

LALPA nih a lalchem thîm nganfâk pêk lo ding hen hawng ka khap asi. A tî dûr leh a fei kha kan lâk lai le, kan kal ko lai,” a ti.

1 SAMUEL 26:22

David nih, “Bâwipa, hinah na fei a um ko, na minung pakhat hawng fial le, hawng lâk seh.

1 SAMUEL 26:9

Sikhawmsele, David nih, “Nganfâk pêk rîlmâl lah! A lalchem thîm nganfâk pêktu chu Pathian nih a rêp ngelchel bâk lai,” a ti.