1 SAMUEL 26:20 - Bawm Common Language Bible Version

²⁰ LALPA ram ah mi tek hen ram dang ah thah hen hawng ka umtir rîlmâl lah seh. Kei, uirik tluk cho mi thah ding hen Israel lalchem chu zei rangah a hawng zia? Mâng ah mi vâ an râl hâwi hen zei rangah hawng ka râl?” a ti.

1 SAMUEL 26:20 ပူးပေါင်းရင်းမြစ်များ

JEREMIA 16:16

LALPA nih, “Hi minung tla tleih na ding hen ngarâltu tam tak hawng ding hen ka chah na. Tlâng sâng kip tlûnah mi leh tlâng tênâu ah mi, lung pûk ah mi kah na ding hen kahtu tam tak ka chah na.

LUNGFÂKNÂK 3:52

“A san umlo hen hawng ka hua tuk, a mêlma nih va hâwi hen an ka rêng.

MATHAI 26:47

Chun, a sim liau chirah Juda, leinih tla lakah pakhat chu a hawng tleng rawh. Amah rual hen bâwlpu lal leh zatlâng upa tla sin thawk hen mi zapi cherkhet nâmsâu leh talhbo put hen an hawng tleng bâk.

MATHAI 26:55

Chu liau tak chun Jisu nih mi zapi tla sinah chun, “Nâmsâu tla, talhbo tla put hen rawkmang tleih ding hâwi hen hawng ka tleih ding hen nan hawng suak mu? Pathian Biakin ah nisiar sîntir na hen ka to le, nan ka tleih ṭung lo.

1 SAMUEL 2:9

A mi zahkâi tla chu a hum na le, sikhawmsele misual chu mûi lakah an vâi. Mi nih amah chaknâk cho hen zeikhawm a neh kho lo.

1 SAMUEL 24:11

Pa, zauhnik, na kawrfual tliar ka put mi hi! Ka nan thah kho asi, sikhawmsele ka nan thah ding mi ruangrûl ah hi na kawrdawh ka ât asi. Hi nih hin ka nan râl lo zia leh nganfâk pêk ding ka nan duh lo zia a langhtir asi. Nang lam nih chun zeikhawm ka sual lo mi lakah thah ding karo na hawng ka awt.

1 SAMUEL 24:14

Zauhnik u, Israel lalchem nih hin zei thah ding me a hâwl? Ui a thi mi ma? Uirik ma?

1 SAMUEL 24:15

Âu kan diklo dauh LALPA nih lâirêl seh. Hi thu hen LALPA nih lâirêl sele, na lakah mi LALPA nih hawng ka vêng hen hawng ka hum seh,” a ti.

1 SAMUEL 25:29

Mi nih thah ding hen an do khawmsele LALPA na Pathian nih ro sung tak mi nih a vêng hâwi hen a nan kil lai. Na mêlma lam chu zei ti khawm hen lung sehnâk hen lung tlang an seh ving mi hâwi an si lai.