1 SAMUEL 26:10 - Bawm Common Language Bible Version

¹⁰ David nih a sim vima le, “LALPA a nung mi min sal hen ka sim asi, Saul chu amah thihnâk ni ding ah mawh râltuknâk ah LALPA nih a thah awt ti ka theih.

1 SAMUEL 26:10 ပူးပေါင်းရင်းမြစ်များ

GENESIS 47:29

A thihnâk ni a nâi rawh le, a fapa Josef chu a kawh le, a sinah, “Na kut kha ka êl karah hawng siah le, Aigupta ram ah hawng ka vûi lo ding hen thu hawng ka tiamh.

JOB LASUIBU 14:14

Mi a thi chun a nung nawlh kho mazei? Kei lam nih chun tik ṭha ka ngâk le, hi nawknâk hun lîm ding hi ka ngâk ko.

JOB LASUIBU 14:5

A lân pakan hen a dam ding ni tla chu ruat chia asi. A dam zat ding thla tla khawm. Nangnih na ruat rawh mi chu thleng nawlh kho asi lo.

JOB LASUIBU 7:1

Minung nungnâk chu kawrsen thupêk hâwi a rianṭuantu hâwi asi. Kut rianṭuan har tak hen lawh kal hâwi asi.

SAM 37:10

Sâwtlotê ah misual chu a lang lai lo rawh; na zauh na lai le, khawmsele na muh na lai lo.

SAM 37:13

LALPA nih misual chu a nihsanh lai le, sâwtlotê ah an vei awt ti a theih ruangah.

SAM 94:23

An sual ruangah a rêp na lai le, an sual ruangah a veih na lai le, LALPA kan Pathian nih a veih na lai.

THUSIMTU 3:2

Suak ni leh thih ni a ruat le, phun tik leh phâwi tik a ruat,

LUK 18:7

An lakah a dawnh rih khawmsele a mi thîm, a sûn a zân hen amah auhtu tla phû chu Pathian nih a lam piak lai lo ma?

ROM 12:19

Duhtak le tla, nan phû lam lah u, “Keimah nih lehrûl ka sam lai, Lalpa nih a ti,” ti rîn asi.

DEUTERONOMY 31:14

Churawhchun, LALPA nih Mosi sinah, “Tam na dam lai lo rawh. Josua kawh le, Puanin ah hawngpi, chu tikah sîntirnâk ka pêk kho ding hen,” a ti. Mosi leh Josua chu Puanin ah an va kal le,

DEUTERONOMY 32:35

LALPA nih lehrûl sam hen a rêp na lai le; an tlûk ding tik a tlung teh lai. An vânduainâk ni chu a nâi rawh.

HEBRAI 10:30

“Phulam rerêng chu keimah nih ka lam lai le, keimah nih ka rulh lai,” a ti mi leh, “Lalpa nih a mi tla chu lâi a rêl piak na lai,” a ti mi khawm kan theih.

HEBRAI 9:27

Chun mikip rangah veikhat thih ruat asi, chu nûnah Pathian lâirêlnâk a um lai.

THUPHUANG 18:8

Churuangah ni khat lakah amah rêpnâk chu a hawng tlung lai le, amah lâirêl piaktu, Lalpa Pathian chu a rokual ruangah, anih chu râi tla, ngaihsiatnâk leh pâm nih a tlunh lai le,

1 SAMUEL 24:12

Kan lakah a diklo dauh mi chu kan tlûnah LALPA nih lâirêl seh. Nang khawm tâwmtê khawm nganfâk kan pêk lo mi lakah na ka râl ruangah LALPA nih an rêp bâk seh.

1 SAMUEL 24:15

Âu kan diklo dauh LALPA nih lâirêl seh. Hi thu hen LALPA nih lâirêl sele, na lakah mi LALPA nih hawng ka vêng hen hawng ka hum seh,” a ti.

1 SAMUEL 25:26

Na mêlma tla na thah liauah an humtu chu LALPA asi, tuah LALPA nung mi min sal hen thu ka tiam asi. Nang rangah nganfâk pêk ding an tumtu chu Nabal hâwi hen rêp an si lai.

1 SAMUEL 25:38

Ni râ nûnah chun Nabal chu LALPA nih a vuak le, a thi rawh.

1 SAMUEL 25:39

David nih Nabal thih thu a theih rawh chun, “Nabal hawng ka siarlotu lakah lehrûl sam ding mi leh thil diklo ti ding mi lakah a to-aw hawng ka humtu LALPA chu sawr hen um seh!” a ti. Chun, David nih Abigail hen umh ding mi thu ah mi a fial.

1 SAMUEL 31:4

A râlthuam puttu tlangvâl sinah, “Na nâmsâu phâwi le, hawng ka thah ko, Philistia pathian neilotu tla nih an ka thah hen anna khâwng lonâk ding hen,” a ti. Sikhawmsele tlangvâlpa nih ti ding a ṭih thlo. Churawhchun, Saul nih a nâmsâu a lâk le, amah â sunh thlap.

1 SAMUEL 31:6

Chu hâwi hen Saul leh a fapa pathum leh tlangvâlpa chu an thi rawh, chu ni chun Saul minung tla chu an thi hep.