1 SAMUEL 25:29 - Bawm Common Language Bible Version

²⁹ Mi nih thah ding hen an do khawmsele LALPA na Pathian nih ro sung tak mi nih a vêng hâwi hen a nan kil lai. Na mêlma lam chu zei ti khawm hen lung sehnâk hen lung tlang an seh ving mi hâwi an si lai.

1 SAMUEL 25:29 ပူးပေါင်းရင်းမြစ်များ

GENESIS 15:1

Chu nûn chun, Abram nih langhnâk a muh le, LALPA nih a sawnh mi a theih, “Abram, ṭih rîlmâl lah, vânduainâk ah mi ka nan hum lai le, lâwmman rokual tak ka nan pêk lai,” a ti.

2 SAMUEL 4:8

Hebron a mi lalchem David sinah an va pêk le, a sinah, “Na mêlma thah ding hen an awttu Saul fapa Isboseth lû kan hawng put hi. Tusûn ni ah hin Saul leh a thlâk tla rangah lehrûl na samnâk ding LALPA nih a siang asi,” an ti.

JOB LASUIBU 27:22

suak ding an tum liauah lungkhamnâk umlo thlo hen a ranh na lai.

SAM 116:15

A mi lakah pakhat an thi zâwnah LALPA chu thungâi a lungfâk.

SAM 54:3

Mi, â zûm mi tla nih do ding hen an hawng le; mi ṭhalo tla nih thah ding an ka tum, Pathian theihlotu tla chu.

SAM 66:9

Nung dam hen hawng kan zuah le, tlâ ding hawng kan siang lo.

JEREMIA 10:18

LALPA nih hi ram thawk hen an lawnh ving awt; pakhat khawm âk lo ding hen nan vei ver tiang hen siatnâk a tlungtir awt. LALPA nih a sim asi.

MALAKI 3:17

LALPA Zeizawng tikho nih, “Ka mi tla an si lai, thil ka ti ni ah chun ka tâ tak an si lai, pa nih a rianṭuantu a fapa tlûnah khua a ruat mi hâwi hen an tlûnah khua ka ruat lai.

JOHAN 14:19

Sâwtlotê ah laikulh nih a ka muh lai lo rawh; sikhawmsele nannih nih chun nan ka muh lai; keimah ka nung ruangah nannih khawm nan nung bâk lai.

JOHAN 17:21

An ektê hen pumkhat an si khonâk ding hen thla ka cham. Pa, nang keimah lakah na um mi leh kei nangmah lakah ka um hâwi hen, annih khawm kanmah lakah an umnâk ding hen; nangnih kei na ka fial ti laikulh nih an lung khonâk ding hen.

JOHAN 17:23

kei anmah lakah, nang keimah lakah, annih chu rangtling tak hen pumkhat an si khonâk ding hen; nangnih kei na ka fial ti leh na ka dâwt hâwi hen annih hi na dâwt ti laikulh nih an theih khonâk ding hen.

DEUTERONOMY 33:29

Israel, na lâwptlo chiam e! Nangmah hâwi hen LALPA nih ruang a suah mi phun âukhawm an um lo. LALPA amah tak chu a nan vêng ding leh nehnâk a nan pêk ding hen na phâw leh na nâmsâu chu asi. Na mêlma tla chu khuaruatnâk deih hen an hawng lai le, nangnih na lamhbêk na lai.

1 PETER 1:5

Ruangsuahnâk tik dawnghlei ah hawng lang ding mi timhtuah chia chu tawng ding hen lungnâk ruangah Pathian thiltikhonâk hen vêng mi chu nan si.

1 SAMUEL 2:9

A mi zahkâi tla chu a hum na le, sikhawmsele misual chu mûi lakah an vâi. Mi nih amah chaknâk cho hen zeikhawm a neh kho lo.