1 SAMUEL 24:12 - Bawm Common Language Bible Version

¹² Kan lakah a diklo dauh mi chu kan tlûnah LALPA nih lâirêl seh. Nang khawm tâwmtê khawm nganfâk kan pêk lo mi lakah na ka râl ruangah LALPA nih an rêp bâk seh.

1 SAMUEL 24:12 ပူးပေါင်းရင်းမြစ်များ

GENESIS 16:5

Churawhchun, Sarai nih Abram sinah, “Hagar nih hawng ka zauhnawmh mi hi nangmah diklo asi. Keimah nih na sinah kan pêk le, chu thawk chun râi hen â theih le a ka zauhnawmh rawh. Nangmah ma na dik dauh keimah, kanna karah Pathian nih lâirêl seh!” a ti.

GENESIS 31:53

Abraham Pathian leh Nahor Pathian nih kan karah lâirêl seh,” a ti. Churawhchun, a pa Isak nih a sawnh mi Pathian min hen Jakob nih thu bir tak hen a tiamh rawh.

2 SAMUEL 22:48

Ka mêlma lakah nehnâk hawng ka pêk le, phun tla chu ka tangah an tlâwm.

1 CHRONICLES 12:18

An lakah a nehnûnah “Sâwmthum” hotu lakah um mi pakhat Amasai chu Pathian thlarau nih a hawng luah le, “Jese fapa David, na tâ kan si! Nangmah sinah Pathian a um mi an ṭangpitu nih dingchangnâk an pêk seh!” ti hen a âu. David nih annih chu a lawmh na le, a kawrsen lakah hotu ah a siam na.

JOB LASUIBU 5:8

Kei hi nangmah hâwi si sele, Pathian leiah ka hawi lai le, ka thu a sinah ka tlunh lai.

SAM 35:1

Hawng ka dotu tla chu do na le, LALPA, hawng ka sualpitu tla chu sualpi na!

SAM 43:1

Pathian, lunglo tla lakah hawng ka vêng hen hawng ka mawhtir lah. Misual leh mi âwkrâwl tla lakah mi ruang hawng ka suah.

SAM 94:1

LALPA, nang Pathian mi rêptu chu na si, na thinthawknâk hawng langh!

ROM 12:19

Duhtak le tla, nan phû lam lah u, “Keimah nih lehrûl ka sam lai, Lalpa nih a ti,” ti rîn asi.

1 PETER 2:23

Mi nih hawlhsiat an barh liau khawm ah a barh na bâk lo, a tuar liau khawm ah a ṭhih na lo, lâirêltu rep, Pathian lakah a lungumnâk a ngauh dauh asi.

THUPHUANG 6:10

Annih nih chun aw-hâu fâk tak hen, “Lalpa, Zeizawng tikhotu, Mi Thenhlimh leh dik tak! Zei tiang me lâirêl lo hen tual ah an um mi tla tlûnah kan thisen suaknâk phû chu lam lo hen na um awt? ti hen an âu.

LÂIRÊL 11:27

Nannih tlûnah zeikhawm thilsual ka ti mi a um lo. Nanmah tla nih lehlam diklo tak hen nan ka do. LALPA chu lâirêltu asi. Tusûn ni ah hin Israel leh Amon mi karah thu a thlûk lai,” a ti.

1 SAMUEL 20:1

David chu Ramah ah mi Naioth thawk hen a tek le, Jonathan sinah a va kal le, “Zei thil me ka ti? Zei me ka sualnâk? Zei me ka palhnâk? Keimah thah ding duh rê hen na pa lakah zei thil me ka ti?” a ti.

1 SAMUEL 24:15

Âu kan diklo dauh LALPA nih lâirêl seh. Hi thu hen LALPA nih lâirêl sele, na lakah mi LALPA nih hawng ka vêng hen hawng ka hum seh,” a ti.

1 SAMUEL 26:23

LALPA nih chun mirep leh mi zumhkâi tla rangah lâwmman a pêk na, tusûn ah ka kut ah a nan pêk le, sikhawmsele, LALPA nih lalchem ah a nan siam mi chu riam kan banh duh loh.