1 SAMUEL 24:11 - Bawm Common Language Bible Version

¹¹ Pa, zauhnik, na kawrfual tliar ka put mi hi! Ka nan thah kho asi, sikhawmsele ka nan thah ding mi ruangrûl ah hi na kawrdawh ka ât asi. Hi nih hin ka nan râl lo zia leh nganfâk pêk ding ka nan duh lo zia a langhtir asi. Nang lam nih chun zeikhawm ka sual lo mi lakah thah ding karo na hawng ka awt.

1 SAMUEL 24:11 ပူးပေါင်းရင်းမြစ်များ

2 SAMUEL 1:14

David nih, “Pathian thîm mi lal zeitin na thah ngam?” a ti.

2 Lal 5:13

A to-aw tla nih Naaman sinah “Pu, khuavâng nih thil tam tak har an simh khawmsele na ti ding asi. Zei rangah damnâk ding a ti mi chu na khawlh awtlo le?” an ti

JOB LASUIBU 10:16

Chubang lakah dingchang hen um khawmsele, chakeibaknei hâwi hen na ka pêl le, keimah nganfâktir ding hen thilchê na ti.

SAM 119:161

Mi thiltikho tak tla nih an ka do le, sikhawmsele na dân chu ka zah.

SAM 140:11

Midang tla diklo tak hen phiartu tla chu lawhtling lo hen um na seh; sualnâk nih neh hen veih na seh.

SAM 35:7

A san lo thlo hen ka rangah thang an tunh le, ka rangah hawng ka tleih ding hen khur an chawh.

SAM 59:3

Zauhnik! misual tla chu do ding hen anna pûm le; thah ding hen an ka ngâk ko. Thilsual ka ti mi leh thil diklo ka ti ruang khawm asi lo.

SAM 7:5

mi tal ka ti asi chun, ka mêlma hawng ka ṭhâwltu tla nih hawng ka tleih sele, hawng ka tuk hen hawng ka thah sele; tual ah hin nungnâk nei lo hen hawng ka siah ko seh.

THUFING LASUIBU 15:1

Aw-ka nêm hen sângnâk nih thinthawk a rehtir le, sikhawmsele ro hen sângnâk nih thin a thawktir.

LUNGFÂKNÂK 4:18

Kan mêlma tla nih hawng kan vêng rêt le, khua lâi khawm ah kanna sawk kho lo. Kan ni tla khawm a lan rawh; a dawnghnâk a tlung rawh.

EZEKIEL 13:18

LALPA Zahkâi nih an sinah thu a sim mi simh na: “Nannih nunau tla nan vân a duai! Dâwi nan ṭhit mi mikip bân ah nan khimhtir na le, dâwi upâwng mikip lû ah pawnh ding hen nan siam, midang nungnâk lakah thiltikhonâk an nei kho ding hen. Nanmah ṭhatvaknâk ah mang ding hen ka mi le tla an ṭhih leh an nungnâk thu ah an tlûnah thiltikhonâk nei ding nan duh.

MIKAH 7:2

Ram lakah mi zumhkâi pakhat khawm an um lo, Pathian lakah khawm zumhkâi pakhat khawm an um lo, mikip nih mi thah ding hen dêngkhâwng tik an bawh ver. Mikip nih ram sungah mi an thah na.

JOHAN 15:25

Zeikhawm si sele, an Dân bu ah, ‘Annih nih a san umlo hen an ka hua rawh,’ ti thurîn kha a hawng tlung khonâk ding hen an ti asi.

1 SAMUEL 12:3

Hi mun ah ka um hi. Nan lakah ka palhnâk thil a um chun, LALPA leh a thîm mi lalchem mâika ah tuah hawng ka phiar u. Mi chawpe ma ka fîr? Asi lo leh, mi sanatung ma ka fîr? Mi âutal ka perpet hen ka nehsawh ma? Midang thawk hen nawhnâk tla ka lâk tâwn ma? Hi ka ti mi asi chun ka rulh lai,” a ti.

1 SAMUEL 18:27

David leh a minung tla chu an va kal le, Philistia mi zanih an thah na, an fêm tla chu David nih lalchem sinah a kalpi le, a mâika ah a rêl piak hep, a samâk asi khonâk ding hen. Churawhchun, Saul nih a fanu Mikal chu David hen a umhtir na rawh.

1 SAMUEL 23:14

David chu tlâng ram Ziph ramkaro kiangah â thup le, a um ko. Saul nih a hâwl kumza le, sikhawmsele Pathian nih a kut lakah a pêk lo.

1 SAMUEL 23:23

A thupnâk mun tak hâwl ule, a thâwngthâng hawng ka simh phêt u. Churawhchun, nan sinah ka hawng lai le, chu mun ah a um nget rih asi chun, Juda ram pumpi va hâwl lo hen ka thah ko lai,” a ti.

1 SAMUEL 25:28

Pu, thil ka palh mi tla chu zângfahtê hen hawng ka ngaihdam. Na damsung zawzawng thilsual tilo hen LALPA rangah râl dotu na si ruangah nang leh na thlâk tla chu lal ah an siam na lai.

1 SAMUEL 26:18

zei rangah na to-aw hi na hawng ka ṭhâwl nget rih? Zei thil me ka ti? Zei thilsual me ka ti?

1 SAMUEL 26:20

LALPA ram ah mi tek hen ram dang ah thah hen hawng ka umtir rîlmâl lah seh. Kei, uirik tluk cho mi thah ding hen Israel lalchem chu zei rangah a hawng zia? Mâng ah mi vâ an râl hâwi hen zei rangah hawng ka râl?” a ti.

1 SAMUEL 26:23

LALPA nih chun mirep leh mi zumhkâi tla rangah lâwmman a pêk na, tusûn ah ka kut ah a nan pêk le, sikhawmsele, LALPA nih lalchem ah a nan siam mi chu riam kan banh duh loh.