1 SAMUEL 23:9 - Bawm Common Language Bible Version

⁹ David nih chu hâwi hen Saul nih thilti a tum mi a theih rawh chun, David nih bâwlpu Abiathar sinah “Kawrfual kha hinah hawng put nik,” a ti.

1 SAMUEL 23:9 ပူးပေါင်းရင်းမြစ်များ

1 Lal 2:26

Churawhchun, lalchem Solomon nih bâwlpu Abiathar sinah, “Na ram leiah Anathoth khua mi na in leiah va kal, thi tlâk na si le, sikhawmsele tu chun kan thah awtlo, ka pa David sinah na um liauah LALPA Thudântuk Bâwm kilkâwitu na si ruangah leh a lawksawngnâk ah lawksawngpitu na si ruangah,” a ti.

JEREMIA 33:3

“Hawng ka auh ule, ka nan sâng na lai, nan theih dahlo mi thilchê tak ka nan simh na lai.

HOSEA 3:4

Chu hâwi hen Israel mi tla chu lal leh ruitu lo hen bâwlnâk leh lung thenhlimh phun mi nei lo hen milem leh thlalâk chamchawhnâk rangah umlo hen hun sâwt tak an um ding asi.

NUMBER 27:21

Bâwlpu Eleazar, Urim leh Thummim mang hen ka duhzia hen umtu lakah a ngauh ding asi. Hi hâwi hen bâwlpu Eleazar nih Josua leh Israel mi tla zawzawng chu an rianṭuan ding thu ah an rui na ding asi,” a ti.

THILTI 14:6

Chun, Lukaonia ram ber ah chun Lustra leh Derbe khua tla leh a kiangkam ram tla ah an tek;

THILTI 9:24

Sikhawmsele, anih nih chun an phiar mi chu a theih rawh. Chun, thah ding hen kulh kawtkâ kip ah a sûn a zân hen an bawh tâwn.

1 SAMUEL 10:22

“Midang an um rih ma?” ti hen LALPA an deih. LALPA nih, “Saul chu tlûn leiah thil siahnâk nâwngah â thup ko,” ti hen a sâng.

1 SAMUEL 14:18

Saul nih bâwlpu Ahijah sinah, “Ephod kha hinah hawng put,” a ti. (Chu ni ah chun Ahijah nih Israel mâilei kângah Ephod a put tâwn.)

1 SAMUEL 22:20

Sikhawmsele, Abiathar, Ahimelek fapa lakah mi pakhat chu ruang a suak le, David sinah a tek.

1 SAMUEL 23:10

Churawhchun, David nih “LALPA, Israel Pathian, Saul chu na to-aw keimah ruangah Keilah râwk ding a tum tih ka theih.

1 SAMUEL 23:6

Ahimelek fapa Abiathar chu David sinah a hawng tek liauah khan bâwlpu kawrfual a hawng put.

1 SAMUEL 23:8

Churawhchun, Saul chu a kawrsen rual chu David leh Keilah khua mi chu hual na hen va tuk na ding hen a kawh na.

1 SAMUEL 30:7

David nih Ahimalek fapa bâwlpu Abiathar sinah, “Bâwlpu kawrfual kha hawng ka pêk nik,” a ti. Abiathar nih a pêk,