1 SAMUEL 23:4 - Bawm Common Language Bible Version

⁴ Churawhchun, David nih LALPA rangah a deih nawlh le, LALPA nih a sinah, “Keilah khua tuknâk ah va kal le, Philistia nehtu ah kan siam lai,” a ti.

1 SAMUEL 23:4 ပူးပေါင်းရင်းမြစ်များ

2 SAMUEL 2:1

Chu nûn chun David nih “Juda ram ah khua pakhat ka va ho na lai ma?” ti hen LALPA sinah a deih. LALPA nih a sâng le, “Va kal rawh,” a ti. David nih, “Zei mi dauh ah?” ti hen a deih. LALPA nih, “Hebron ah,” a ti.

2 SAMUEL 5:19

David nih LALPA sinah, “Philistia tla hi ka do na lai ma? Anmah nehtu ah na ka siam lai ma?” a ti. LALPA nih a sâng le, “Nehtu ah ka nan siam lai, do rawh!” a ti.

2 Lal 3:18

Elisa nih thu a sim vima, “Sikhawmsele, hi hi LALPA rang chun thilti awl tak asi. Moab tla khawm an nehtir na lai.

1 CHRONICLES 14:10

David nih Pathian a deih le, “Philistia mi tla ka do na lai ma? Nehtu ah na ka siam lai ma?” a ti. LALPA nih a sâng le, “Do rawh! Nehnâk kan pêk lai!” a ti.

JOSUA 8:7

Chu tikah nannih nanna thupnâk ah mi nan hawng suak lai le, khuapi chu nan lâk lai rawh. LALPA nan Pathian nih a nan pêk na lai rawh.

LÂIRÊL 6:39

Churawhchun, Gideon nih Pathian sinah, “Ka tlûnah na thinrun lah le, veikhat tal hen thu hawng ka simtir rih. Zângfahtê hen veikhat kan nik nawlh lai rih. Tutan lam chu hul sele, a kiangkam tual chu chîn seh,” a ti.

LÂIRÊL 7:7

LALPA nih Gideon sinah, “Midian tla nehtu ding hen nang leh minung zathum tî a liak hen liaktu tla hi kan hum na hen kan mang na awt. A dang tla chu in leiah tlung ding hen sîmh na,” a ti.

LÂIRÊL 7:9

Chu zân ah chun LALPA nih Gideon chu thu a pêk le, “Thawk le, va do rawh; nehtu sinâk ka nan pêk rawh asi.

1 SAMUEL 10:22

“Midang an um rih ma?” ti hen LALPA an deih. LALPA nih, “Saul chu tlûn leiah thil siahnâk nâwngah â thup ko,” ti hen a sâng.

1 SAMUEL 23:2

Churawhchun, LALPA sinah, “Philistia tla chu kal hen ka va do na lai ma?” ti hen a deih. LALPA nih a sâng le, “Kal le, Keilah khua chu va hum rawh,” a ti.

1 SAMUEL 23:3

Sikhawmsele David mi tla nih a sinah, “Hi Juda ram ah kan um mi men hi kan rangah ṭihnung a kâi mi, Keilah khua ah Philistia tla va do ding châng chu kan rangah ṭihnung a kâi khun awt! ” an ti.

1 SAMUEL 23:5

Churawhchun, David leh a mi tla chu Keilah ah an va kal le, Philistia tla rangah an do na rawh, tam tak an thah na le, an ran tla an lâk piak na. Chu khua chu David nih ruang a suah rawh.

1 SAMUEL 28:6

Churuangah LALPA rangah zei hâwi ti ding asi awt ti hen a deih. Sikhawmsele LALPA nih a sâng lo thlo, mang lei hen khawm, Urim leh Thummim leh khuavâng mang hen khawm a sâng lo.

1 SAMUEL 30:8

David nih LALPA sinah, “Rûntu tla chu ka ṭhâwl na hen ka tleih na lai ma?” a ti. LALPA nih a sâng le, “Ṭhâwl na le; na tleih na lai le, an tleih mi khawm suh hep na,” a ti.