1 SAMUEL 23:2 - Bawm Common Language Bible Version

² Churawhchun, LALPA sinah, “Philistia tla chu kal hen ka va do na lai ma?” ti hen a deih. LALPA nih a sâng le, “Kal le, Keilah khua chu va hum rawh,” a ti.

1 SAMUEL 23:2 ပူးပေါင်းရင်းမြစ်များ

2 SAMUEL 2:1

Chu nûn chun David nih “Juda ram ah khua pakhat ka va ho na lai ma?” ti hen LALPA sinah a deih. LALPA nih a sâng le, “Va kal rawh,” a ti. David nih, “Zei mi dauh ah?” ti hen a deih. LALPA nih, “Hebron ah,” a ti.

2 SAMUEL 5:19

David nih LALPA sinah, “Philistia tla hi ka do na lai ma? Anmah nehtu ah na ka siam lai ma?” a ti. LALPA nih a sâng le, “Nehtu ah ka nan siam lai, do rawh!” a ti.

2 SAMUEL 5:23

David nih sângtu LALPA chu thu a deih fâwn le, “Hi thawk hen do lah na, sikhawmsele hêl le, varâl leiah Thing rimthaw kûng ram ah do ding hen a timhtuah.

1 CHRONICLES 14:10

David nih Pathian a deih le, “Philistia mi tla ka do na lai ma? Nehtu ah na ka siam lai ma?” a ti. LALPA nih a sâng le, “Do rawh! Nehnâk kan pêk lai!” a ti.

SAM 32:8

LALPA nih chun, “Na kalnâk ding lampi, ka nan simh lai le; ka nan sîntir hen krai ka nan pêk lai.

JEREMIA 10:23

LALPA, âukhawm mah um ding dân theihthiamtu a um lo ti ka theih, âukhawm nih mah nungnâk hi an thu hen an umtir kho lo.

NUMBER 27:21

Bâwlpu Eleazar, Urim leh Thummim mang hen ka duhzia hen umtu lakah a ngauh ding asi. Hi hâwi hen bâwlpu Eleazar nih Josua leh Israel mi tla zawzawng chu an rianṭuan ding thu ah an rui na ding asi,” a ti.

JOSUA 9:14

Israel mi tla nih chun an zumh na le, an sang an lâk le, LALPA khawm simh tâ ding herh hen an ruat lo.

LÂIRÊL 1:1

Josua thih nûnah Israel mi tla nih LALPA sinah “Kan lakah a zei mi phun tla nih me Kanaan mi tla rangah kal masa chem hen do ding asi awt?” ti hen an deih.

1 SAMUEL 10:22

“Midang an um rih ma?” ti hen LALPA an deih. LALPA nih, “Saul chu tlûn leiah thil siahnâk nâwngah â thup ko,” ti hen a sâng.

1 SAMUEL 14:37

Churawhchun, Saul nih Pathian sinah thu a deih, “Philistia mi tla ka do lai ma? Nehnâk na hawng kan pêk lai ma?” a ti. Sikhawmsele chu ni chun Pathian nih zeikhawm a sang lo.

1 SAMUEL 23:3

Sikhawmsele David mi tla nih a sinah, “Hi Juda ram ah kan um mi men hi kan rangah ṭihnung a kâi mi, Keilah khua ah Philistia tla va do ding châng chu kan rangah ṭihnung a kâi khun awt! ” an ti.

1 SAMUEL 23:4

Churawhchun, David nih LALPA rangah a deih nawlh le, LALPA nih a sinah, “Keilah khua tuknâk ah va kal le, Philistia nehtu ah kan siam lai,” a ti.

1 SAMUEL 23:6

Ahimelek fapa Abiathar chu David sinah a hawng tek liauah khan bâwlpu kawrfual a hawng put.

1 SAMUEL 30:8

David nih LALPA sinah, “Rûntu tla chu ka ṭhâwl na hen ka tleih na lai ma?” a ti. LALPA nih a sâng le, “Ṭhâwl na le; na tleih na lai le, an tleih mi khawm suh hep na,” a ti.