1 SAMUEL 22:8 - Bawm Common Language Bible Version

⁸ Churuangah asi lo ma, nan ka phiar mi? Ka fapa leh David anna kêp mi khawm pakhat khawm nih nan hawng ka simh lo. Kei rangah âukhawm nih siherhnâk nan nei lo, ka minung lakah David nih keimah thah ding hen tik dêngkhâwng karo a hâwl le, ka fapa khawm nih a fawrh!” a ti.

1 SAMUEL 22:8 ပူးပေါင်းရင်းမြစ်များ

2 Lal 6:11

Hi thu ah hin Siria lalchem chu thungâi a lawksawng le, a hotu tla a kawh na le, an sinah, “Nan lakah âu tla me Israel lalchem leiah ṭângṭawmtu chu?” ti hen a deih na.

JOB LASUIBU 33:16

A thusim chu a ngâitir na le, a simkannâk lakah an lâu.

1 SAMUEL 18:1

Saul leh David nih thu an ruat mi chu an lîm rawh. Saul fapa Jonathan leh David chu thungâi an thinlung â tawng le, Jonathan nih David chu amah taksa a dâwt mi hâwi hen a dâwt.

1 SAMUEL 18:3

Jonathan nih David chu a thinlung a tawng tuktarâi ruangah hâwikawmh bir tak siding hen thu a tiamh.

1 SAMUEL 20:2

Jonathan nih “Pathian nih an thihtir rîlmâl lah seh, ka pa nih thil a ti mi zawzawng a herh mi khawm a herh lo mi khawm hawng ka simh hep, hi bang thu lak khawm hin kei sinah chun zeikhawm a pheh lai loh, chu hâwi hen a ti rêng lai loh,” a ti.

1 SAMUEL 20:42

Jonathan nih David sinah, “Pathian na sinah um seh. LALPA nih kei leh nang; ka thlâk tla leh na thlâk tla thutiamnâk thenhlimh hen kanna nei tawnh mi hi theih seh,” a ti. David khawm a kal le, Jonathan khawm khua leiah a kîr.

1 SAMUEL 20:8

Na ka sunhsaknâk hi zângfahtê hen ti le, thuthup thenhlimh kan nei mi kha theihkumza. Sikhawmsele ka sual mi asi ngâk leh nangmah tak nih hawng ka thah ko! Zei rangah na pa nih hawng ka thah ding hen na ka kalpi êu lai?” a ti.

1 SAMUEL 22:13

Saul nih, “Nang leh David nih zei rangah nan ka phiar? Zei rangah buh na pêk hen nâmsâu tla na pêk le, amah rangah Pathian na ngiar piak zia? Tuah anih nih chun hawng ka do le, hawng ka thah ding tik dêngkhâwng karo a hâwl!” a ti.

1 SAMUEL 23:21

Saul nih a sâng le, “Thungâi ka lakah vêl nan nei ruangah Pathian nih mal an sâwm na seh.