1 SAMUEL 22:14 - Bawm Common Language Bible Version

¹⁴ Ahimelek nih a sâng le, “David chu hotu zumhkâi tak na nei mi asi. Na samâkpa khawm asi, nangmah a nan vêngtu khawm asi, a nan vêngtu lakah kawrsen hotu khawm asi, na mun rokual ah mikip nih an zah chem mi asi.

1 SAMUEL 22:14 ပူးပေါင်းရင်းမြစ်များ

1 SAMUEL 17:25

“Zauhnik u! Lalchem Saul nih a thah khotu chu lâwmman lian tak pêk ding a tiam, a fanu khawm pêk hen a man khawm a lâk awtlo a ti,” anna ti.

1 SAMUEL 18:13

Churuangah Saul nih mun dang ah a fial le, kawrsen sâng khat hotu ah a siam. David nih a mi tla chu râl a tukpi na le,

1 SAMUEL 18:27

David leh a minung tla chu an va kal le, Philistia mi zanih an thah na, an fêm tla chu David nih lalchem sinah a kalpi le, a mâika ah a rêl piak hep, a samâk asi khonâk ding hen. Churawhchun, Saul nih a fanu Mikal chu David hen a umhtir na rawh.

1 SAMUEL 20:32

Jonathan nih a sâng le, “Zei rangah a thi êu lai? zei thil a ti?” a ti.

1 SAMUEL 21:2

David nih, ‘Lalchem pâwiherh thu ah ka hawng mi asi, thil ti ding hawng ka fiah mi hi âukhawm simh ding asi lo hawng ka ti, ka mi tla rangah lam chun mun zeimawh ah hawng ka tawng ding hen ka simh na.

1 SAMUEL 22:13

Saul nih, “Nang leh David nih zei rangah nan ka phiar? Zei rangah buh na pêk hen nâmsâu tla na pêk le, amah rangah Pathian na ngiar piak zia? Tuah anih nih chun hawng ka do le, hawng ka thah ding tik dêngkhâwng karo a hâwl!” a ti.

1 SAMUEL 24:11

Pa, zauhnik, na kawrfual tliar ka put mi hi! Ka nan thah kho asi, sikhawmsele ka nan thah ding mi ruangrûl ah hi na kawrdawh ka ât asi. Hi nih hin ka nan râl lo zia leh nganfâk pêk ding ka nan duh lo zia a langhtir asi. Nang lam nih chun zeikhawm ka sual lo mi lakah thah ding karo na hawng ka awt.

1 SAMUEL 25:28

Pu, thil ka palh mi tla chu zângfahtê hen hawng ka ngaihdam. Na damsung zawzawng thilsual tilo hen LALPA rangah râl dotu na si ruangah nang leh na thlâk tla chu lal ah an siam na lai.

1 SAMUEL 26:23

LALPA nih chun mirep leh mi zumhkâi tla rangah lâwmman a pêk na, tusûn ah ka kut ah a nan pêk le, sikhawmsele, LALPA nih lalchem ah a nan siam mi chu riam kan banh duh loh.