1 SAMUEL 21:7 - Bawm Common Language Bible Version

⁷ (Saul ranrual zauhtu lakah an hotu, Edom thawk hen a hawng mi Doeg chu a thutiam zawh ding hen chu ni ah a um hen â dêng sek.)

1 SAMUEL 21:7 ပူးပေါင်းရင်းမြစ်များ

GENESIS 26:20

Gerar mi dawrâpu leh Isak dawrâpu tla anna tawh le, ‘’Hi hi kanmah tâ asi,’’ ti hen. Isak nih chu tikhurchawh chu “Esek’’ (Tawhnâk) ti hen a sak.

2 CHRONICLES 26:10

Mâng khawm ah kulhnei insâng a sak le, ranrual tam tak a nei ruangah tlângbul leh phâi ah tikhur tla a chawh. Lo leikâng sunhsak mi asi ruangah ram ah mi tlângah lo tla a tuahtir na.

EZEKIEL 33:31

Churuangah ka mi tla chu na thusim ngâi ding hen anna pûm le, sikhawmsele ti ding hen na simh na mi chu an ti lêm lo. Na thusim chu la salam hâwi an ruat le, an duhleinâk chu a mahmun nget.

LEVITICUS 22:10

“Bâwlpu dâwngsungkhur cho nih thil ap thenhlimh chu an ei kho lai; midang âukhawm nih an ei kho lai lo. Bâwlpu sinah a um mi mawh amah sinah lawh hen a siah mi khawm nih a ei kho lai lo.

LEVITICUS 22:13

Sikhawmsele numei mawh a fanu mi nih an mâk mi fa nei lo, a pa in sungkhur ah hawng kîr mi nih a pa bâwlpu tingvo chu a ei kho lai. Bâwlpu dâwngsung tla zawzawng nih chu lakah mi chu an ei kho lai.

LEVITICUS 24:5

Sangvut kilogramme leinih lâk hen sang tlang em mi leinih siam.

LEVITICUS 24:8

Dinhni kip ah zeiliau zawng ah sang chu LALPA umnâk ah siah ding asi. Hi hi Israel rianṭuan si kumza ding asi.

AMOS 8:5

Nan thinlung ah, kan fâng tla kan zuar khonâk ding hen ni thenhlimh len ding mi kan ngâk rarâm lai. Thil zuar dawmh ding hen Dinhni hi zeitik ah â lîm awt le? A leiba tawng ding hen khîng diklo kan mang lai le, thil hawng kan châwktu tla khîng thlâi lakah kan perpet na lai.

MATHAI 15:8

‘Hi minung tla nih hin an kâ hen an ka chawnglawmh le, an thinlung lam nih chun an ka lât tâwn.

1 SAMUEL 11:5

Saul chu phâisen ah a châwchal hen a hawng tlung le, “Zei thupawi me? Zei rangah ti ti mi an ṭap,” a ti. Jabes thawk hen thâwng an hawng tlunh mi an simh.

1 SAMUEL 14:47

Saul chu Israel lalchem a hawng si rawh chun, mun kip ah mi a mêlma tla hen anna do le; Moab mi tla, Amon mi tla leh Edom mi tla, Zobah lalchem tla leh Philistia lalchem tla hen anna tuknâk kip ah nehtu asi vima.

1 SAMUEL 21:8

David nih Ahimelek sinah, “Fei leh nâmsâu hawng ka pêk ding na nei ma? Lalchem nih thu hawng ka pêk mi a mawhsareh tuk le, ka nâmsâu leh fei khawm ka lâk manh loh,” a ti.

1 SAMUEL 22:10

Ahimelek nih David chu zei a ti lai ti hen LALPA a ngiar piak le, churawhchun David rangah buh a pêk le, Philistia mi Goliath nâmsâu khawm a pêk,” a ti.

1 SAMUEL 22:22

David nih a sinah, “Doeg ka muh liau khan Saul rangah a simh ngelchel lai ti ka ruat rêng asi. Churuangah na rualsia tla an thi mi chu keimah ruangah asi.

1 SAMUEL 22:9

Doeg chu hotu tla murui kiangah a dîr bâk le, a sinah, “David chu Nob ram ah Ahitub fapa Ahimelek sinah a kal mi ka muh.