1 SAMUEL 20:8 - Bawm Common Language Bible Version

⁸ Na ka sunhsaknâk hi zângfahtê hen ti le, thuthup thenhlimh kan nei mi kha theihkumza. Sikhawmsele ka sual mi asi ngâk leh nangmah tak nih hawng ka thah ko! Zei rangah na pa nih hawng ka thah ding hen na ka kalpi êu lai?” a ti.

1 SAMUEL 20:8 ပူးပေါင်းရင်းမြစ်များ

GENESIS 24:49

Tuhin, ka pu thusim ziatê hen nan ti ding mi chu nan mawhphurhnâk asi ruangah ṭhadek hen ti piak ule, chu hâwi hen nan ti piak awt leh awtlo zângfahtê hen hawng ka simh u; chu tikah ti ding mi chu ka sim bâk lai,” a ti.

GENESIS 47:29

A thihnâk ni a nâi rawh le, a fapa Josef chu a kawh le, a sinah, “Na kut kha ka êl karah hawng siah le, Aigupta ram ah hawng ka vûi lo ding hen thu hawng ka tiamh.

2 SAMUEL 14:32

Absalom nih a sâng le, “Kan kawh le, na hawng lo ruangah, lal sinah kal hen hawng ka deih piak ding kan duh ruangah: “Zei rangah Gesur kaltâk hen hinah ka hawng êu? Chunah um ziar sele kei rangah a ṭha ding mi,” a ti. Absalom nih a sim vima le, “Lalchem muh kho ding hen rem na ka ruat piak ding kan duh le, ka sual mi asi chun hawng ka thah ko seh,” a ti.

1 CHRONICLES 12:17

David chu anmah tawng ding hen a suak le an sinah, “Hawng ka ṭangpi ding hen hâwikawmh ah hawng mi nan si chun, lawmh ding mi nan si. Kan sinah hawng a bawp u! Sikhawmsele, ka mêlma lakah hawng ka pêktu nan si lam chun, kei lam nih chun zeitin khawm kan ti na lo ruangah hawng kan thlâktu Pathian nih a theih awt ko, amah nih an rêp na lai,” a ti.

SAM 116:11

Ka ṭih hen, “Âukhawm zumh kho asi lo rawh,” ka ti liau khawm lungnâk ah ka um thlir.

THUFING LASUIBU 3:3

Rinhtlâk sinâk leh zumhkâinâk thlah rîlmâl lah, na ngâwng ah a awih le; na thinlung ah rîn.

THILTI 25:11

Misual kasi hen thihnâk phah rê hen thil ka ti asi chun thih khawm ka êl loh. Sikhawmsele, hi bang an hawng ka phiarnâk thu hi a phûr zeikhawm a um lo chun âukhawm nih an sinah an hawng ka pêk kho lai loh. Kaisar sinah ka tlunh lai,” a ti.

JOSUA 2:14

Annih nih nunau sinah, “Kan thusim hâwi hen kan tilo chun Pathian nih kan nungnâk lâk seh! Hi kan thilti tla hi pakhat khawm na simh na lo asi chun, LALPA nih hi ram hi hawng kan pêk tikah, ṭhadektê hen kan ti na lai ti hen thu kan tiamh asi,” an ti.

JOSUA 22:22

“Mi thiltikho chu Pathian asi, amah chu LALPA asi! Mi chak pakhat chu Pathian asi! Amah chu LALPA asi! Zei rangah hi hi kan ti amah nih a theih asi, nannih khawm nih nan theih ding hen kan duh na! LALPA lakah kan hel hen amah kan zumh lo mi asi chun hawng kan zuah rerêng lah seh!

RUTH 1:8

sikhawmsele lampi ah an ninu nih an sinah, “Kîr ule, nan nu leh sinah um u. An thi mi tla leh ka sinah, a lânah nan um liau hâwi hen LALPA chu nan tlûnah ṭha kumza seh.

1 SAMUEL 18:1

Saul leh David nih thu an ruat mi chu an lîm rawh. Saul fapa Jonathan leh David chu thungâi an thinlung â tawng le, Jonathan nih David chu amah taksa a dâwt mi hâwi hen a dâwt.

1 SAMUEL 18:3

Jonathan nih David chu a thinlung a tawng tuktarâi ruangah hâwikawmh bir tak siding hen thu a tiamh.

1 SAMUEL 20:16

kan thutiam chu râwk lo hen um kumza seh. A râwk mi asi chun LALPA nih a nan rêp lai,” a ti.

1 SAMUEL 20:9

Chun, Jonathan nih a sâng le, “Kha bang hâwi thil kha ruat khawm ruat lah, ka pa nih thah ding a nan tum tak chun ka nan simh lai lo ma?” a ti.

1 SAMUEL 23:18

Chu panih nih chun hâwikawmh siding hen thutiamnâk thenhlimh an nei. David chu Hores ah a um le, Jonathan chu in leiah a tlung.