1 SAMUEL 20:2 - Bawm Common Language Bible Version

² Jonathan nih “Pathian nih an thihtir rîlmâl lah seh, ka pa nih thil a ti mi zawzawng a herh mi khawm a herh lo mi khawm hawng ka simh hep, hi bang thu lak khawm hin kei sinah chun zeikhawm a pheh lai loh, chu hâwi hen a ti rêng lai loh,” a ti.

1 SAMUEL 20:2 ပူးပေါင်းရင်းမြစ်များ

GENESIS 44:7

Annih nih, “Pu, hi hâwi thu hi zeitin na sim zia? Chu hâwi thil kan ti lo zia chu siat khawm kan tleih ngam.

SAM 40:6

Thil ap leh bâwlnâk na duh lo le; mâichâm tlûnah ran duah mawh sual veih ding hen bâwlnâk tla na ngiar lo; chu ngâk hen nangmah thu ngâi ding hen nâ na ka pêk.

THUFING LASUIBU 29:24

Mifîr bawptu chu a rangah mêlma ṭhalo chem asi. Lâirêlnâk ah thudik a sim ni ah rêp hen a um lai le, a sim lo mi asi chun, Pathian nih siat a barh lai.

ISAI 50:5

LALPA nih theihthiamnâk hawng ka pêk le, A lakah ka hel lo mawh kâng dang lei khawm ka hawitâk lo.

LUK 20:16

A zauhtu tla chu a veih na lai le, dûm chu midang a pêk lai,” a ti. Chun, chu chu an theih le, “Chu ngâi chu tlung lah seh! ” an ti.

JOHAN 15:15

To-aw ka nan ti na lai lo rawh; a pu thilti to-aw nih a theih lo. Hâwi tla ka nan ti dauh na rawh; Pa sinah thil ka theih mi zawzawng nan sinah ka phuang rawh ruangah.

JOHAN 17:8

Nangnih thu na ka pêk mi tla kha an sinah ka pêk rawh ruangah; chubang chu an tawng le, na sinah thawk hen suak kasi ti dik tak hen an theih rawh, nangnih na ka fial ti khawm an lung rawh.

JOSUA 22:29

LALPA lakah hel hen zûl kan tum lo ruangah duahphung thil apnâk leh eiphung bâwlnâk mawh apnâk ding hen mâichâm kan siam mi asi rîlmâl lo. LALPA umnâk Puanin mâika mi mâichâm lo hen mâichâm dang rerêng kan siam ding asi lo,” an ti.

JOSUA 24:16

Zapi tla nih an sâng le, “pathian dang sawnh ding hen LALPA chu kan kaltâk lai lo!

1 SAMUEL 14:45

Sikhawmsele mipi zapi tla nih Saul sinah, “Israel rangah nehnâk rokual tak pêktu Jonathan hi thah ding ma asi awt? Silo! LALPA nung min hen thu kan tiamh, a sam zâi pakhattê khawm a tlâu ding asi lo. Tusûn ni ah a thilti hi Pathian ṭangpi hen a ti mi asi,” an ti. Churawhchun, mipi zapi tla nih Jonathan thi ding chu an hum rawh.

1 SAMUEL 20:1

David chu Ramah ah mi Naioth thawk hen a tek le, Jonathan sinah a va kal le, “Zei thil me ka ti? Zei me ka sualnâk? Zei me ka palhnâk? Keimah thah ding duh rê hen na pa lakah zei thil me ka ti?” a ti.

1 SAMUEL 20:12

Jonathan nih David sinah, “LALPA, Israel Pathian chu theihpitu si seh! Thâi ah tu tik ding ah leh chu ni ah ka pa rangah thu ka deih lai. Na tlûnah a thiltum a ṭha chun thu ka nan thanh lai.

1 SAMUEL 20:3

Sikhawmsele David nih a sâng le, “Na pa nih na ka kawmh zia hi a theih hep, nang khawm na lung a fâk awt thlo ruangah thilti a tum mi chu a nan theihtir ding asi lo. LALPA nung mi min sal hen thu ka sim asi, kei lam chu thih pâng chuan hen ka um mi ko rawh!” a ti.

1 SAMUEL 9:15

A lântê ah LALPA nih Samuel sinah thu a sim ving rawh le,