1 SAMUEL 2:8 - Bawm Common Language Bible Version

⁸ Mipâm tla chu valeidip ah mi a châwi le, ṭangpi herh tla chu anna hamhnâk lakah mi a thawh na. Lal fa tla chu hawikawmh ah a siam na le, mi zahkâi dîrmun ah a umtir na. Tual hi Lalpa tâ asi; chunahchun laikulh hi a dirh.

1 SAMUEL 2:8 ပူးပေါင်းရင်းမြစ်များ

GENESIS 41:14

Lalchem nih Josef chu a kawhtir le, rêngin ah mi chu rang tak hen an hawngpi rawh. A mul a mêt le, a nipuan tla â thleng le, lalchem mâika ah a va kal rawh.

GENESIS 41:40

Kan ram ah thuneitu ah ka nan siam lai le, ka mi zawzawng nih na thu an ngâi lai. Thuneihnâk leikângah chun keimah sangtu na si lai.

2 SAMUEL 7:8

“Churuang chun ka to-aw David chu simh le, Kei, LALPA zeizawng tikho nih chun, ‘Dawrâ vêng hen phâisen ah na um liauah ka mi Israel tla lâirêltu ah kan thîm mi asi.

1 Lal 16:2

“Nang chu zeikhawm na silo, sikhawmsele Israel mi tla ruitu ah ka nan siam. Tuah Jeroboam hâwi hen na sual le, ka mi tla thilsual na tipi na. An sualnâk nih ka thin an thawktir le,

2 Lal 9:6

An panih hen in sungah an lût le, khuavâng tlangvâl nih Jehu lû ah oliv sariak a tawih le, a sinah, “LALPA, Israel Pathian nih, ka mi Israel tla lalchem siding hen sariak ka nan thuh,

JOB LASUIBU 1:21

“Ka nu pawsung thawk hen takkaro hen ka hawng suak le, takkaro hen ka thi lai. LALPA nih hawng ka pêk le, tuah a lâk rawh. A min chu sawr hen um seh!” a ti.

JOB LASUIBU 2:8

Nâwmpawng kiangah a to le, bêl kuai hen a mâ a huat.

SAM 102:25

A lân thawk hen tual chu na tuah le, nangmah kut tak hen vân chu na siam.

SAM 104:5

Tual chu a siahnâk mun ah bir tak hen na siah le, Zeitik khawm a châng lai lo.

SAM 107:41

Sikhawmsele ṭangpi herh tla chu anna hamhnâk lakah mi ruang a suah na le, Ranrual hâwi hen an dâwngsung a puatir.

SAM 24:2

Tual chu tî thûk tak rangah chun a siam le, a lungphûm chu tisumsumriat tawdeng ah a siah.

SAM 75:3

Thilsiam nung tla thir hen a nîn khawmsele, a lungphûm chu bir tak hen ka kil lai.

SAM 75:4

Misual chu zauhnawmh mang lo ding hen ka simh,

SAM 75:7

Pathian chu, lâirêltu, mi zeimaw mi rangah mawhtirtu leh midang rangah thawsuaktirtu chu asi.

ISAI 22:23

Bir tak hen khenh mi hâwi hen a mun ah ka siam lai le, a dâwngsungkhur zawzawng lakah zahkâinâk bulpi asi lai.

DANIAL 2:48

Churawhchun, Danial chu mun sâng tak a pêk le, thil ṭha tatak a pêk le, Babulon ram ṭhen lakah hotu ah a siam le, lal krai pêktu zawzawng tlûnah hotu ah a siam.

DANIAL 4:17

Chu chu vânmifial tîm chia zet leh râlring zet mi thu suah asi. Chu tikah mun kip ah mi tla nih Pathian rokual nih minung lalram tlûnah thu a nei mi leh âutal mi mêchem khawm a herh hen a thîm mi chu a pêk na kho ti an theih lai rawh.”

DANIAL 6:3

Danial chu midang zauhkhenhtu mawh governor tla ngâk hen a rianṭuan ṭha dauh hen a lang, midang ngâk hen muisung dauh hen a um ruangah lal nih ram pumpi ah thuneitu dauh hen a ruat.

HEBRAI 1:3

Amah chu Pathian rokualnâk hen a chêu le, amah chu Pathian tak banghnâk neitu asi, a thiltikhonâk hen laikulh chu dirh asi. Minung tla sual a thenhlimhtir nûnah Chungnungchem Thiltikhonâk Pathian vawrhlei ah vân ah a to rawh.

JEM 2:5

Unau tla, ngâinik u, Pathian nih chun hi laikulh ah mipâm tla chu lungnâk nei tam ding leh amah dâwttu tla sinah Ram a tiamh mi luahtu ding hen a thîm na asi.

THUPHUANG 1:6

a Pathian leh Pa rianṭuan ding hen a lalram ah bâwlpu ah hawng kan siamtu Jisu Krist sinah rokualnâk leh lâirêlnâk chu zungzâl hen um seh! Amen.

THUPHUANG 22:5

Chun, zân a um lai lo le, khâwnvâr chêu leh nî chêu a herh lai lo le, Lalpa Pathian chu an chêu asi ruangah, zungzâl hen lâi a rêl lai rawh.

THUPHUANG 3:21

A nehtu vial chu ka laltophah ah ka sinah ka totir lai le, kei khawm nih ka neh le, ka Pa sinah a laltophah ah ka to hâwi hen.

THUPHUANG 5:10

Kan Pathian rianṭuan ding hen Lalram bâwlpu ah na siam na rawh, chun, tual ah chun lâi an rêl lai,” ti hen la thar an sak rawh.

1 SAMUEL 15:17

Samuel nih, “Nangmah chu zeikhawm silo ah a ruat khawm le, Israel phun ruitu na si, Israel lalchem siding hen LALPA nih sariak a nan thuh le,