1 SAMUEL 2:30 - Bawm Common Language Bible Version

³⁰ Kei, LALPA, Israel Pathian nih a lân thawk hen na dâwngsung tla leh na thlâk tla nih chun zeiliau zawng ah bâwlpu rian ka lakah an ṭuan lai ti hen kan tiamh rawh mi asi. Sikhawmsele, tuah chu chu ka ti awtlo rawh ti ka sim asi! Chu hâwi ngangâk hen keimah zahtu chu ka zah bâk lai le, keimah zauhnawmhtu chu ka zauhnawmh bâk awt.

1 SAMUEL 2:30 ပူးပေါင်းရင်းမြစ်များ

1 Lal 11:11

“Ka sinah na thutiam chu na râwk le, ka thusim tla na ngâilo ruangah na sinah mi lalram chu ka lâk lai le, na rianṭuantu pakhat sinah ka pêk awt.

1 Lal 2:27

Churawhchun, lalchem Solomon nih Abiathar bâwlpu sinâk chu a bângtir rawh. Eli dâwngsung leh a thlâk tla Siloh khua mi LALPA nih a sim hâwi hen a hawng tlung rawh.

1 CHRONICLES 17:18

Thu dang zei me na sinah ka sim lai rawh! Nangnih fiang tak hen na ka theih le, kei na to-aw hi ṭih leh zah ding hen na ka siam.

2 CHRONICLES 15:2

a sinah, “Lalchem Asa, nang leh Juda leh Benjamin mi zawzawng nih ka thu ngâi u, a lakah nan um kar zawng chu nan sinah LALPA a um. Amah nan hâwl chun nan tawng lai le, sikhawmsele nan her tâk chun anih khawm nih an kaltâk na lai.

2 CHRONICLES 26:18

Uziah sinah, “Uziah! LALPA sinah nangnih rimthâw duah khonâk na nei lo. Aron thlâk bâwlpu rangah thlei mi cho nih hi hi an ti ding asi. Hi mun thenhlimh hi kaltâk rawh. LALPA Pathian lakah thilsual na ti, a malsâwmnâk chu na ting lai lo rawh,” an ti.

SAM 18:20

Thil dik ka ti ruangah LALPA nih lâwmman a ka pêk; mawhnâk ka nei lo ruangah mal hawng ka sâwm.

SAM 18:26

 thenhlimh mi sinah chun na thenhlimh le, misual sinah chun na ṭhalo.

SAM 50:23

Hawng ka zahtu nih lâwmthu an sim mi chu bâwlnâk asi; ka thu ngâitu zawzawng chu ka hum ngelchel lai.”

SAM 73:20

LALPA, nangmah tak na hawng thawk rawh chun zînglei ah mang a vei mi hâwi hen an lang lo rawh.

SAM 91:14

Pathian nih chun, “Hawng ka dâwttu chu ka hum lai le, LALPA kasi ti hawng ka theihtu tla chu ka vêng na lai.

SAM 91:15

An hawng ka auh tikah ka sâng na lai le; an lawksawng tikah an sinah ka um lai. Ruang ka suah na lai le, thangṭhatnâk ka pêk na lai.

EXODUS 28:43

Aron leh a fapa tla nih ka umnâk Puanin ah mawh Mun Thenhlimh ah mi mâichâm ah bâwlpu rian an ṭuan tikah anna kaih kumza ding asi. Churawhchun, an hawng a langh tikah thah an si lonâk ding hen. Hi hi Aron leh a thlâk tla rangah dân a um kumza ding mi chu asi.

EXODUS 29:9

an tâi ah tâisâwm hen sâwm na le, lukhuh khuh na. Chu chu Aron leh a fa tla na birhtir na ding mi dân chu asi. Anmah leh an thlâk le tla nih bâwlpu si hen ka rian an ṭuan kumza ding asi.

THUFING LASUIBU 12:8

Theihthiamnâk nei mi na si chun, sawr na lawh lai le; mi mâwl na si chun, mi nih a nan zauhnawmh lai.

THUFING LASUIBU 4:8

Finghnâk hi duh le, rokual tak hen a nan siam lai le, amah chu kuah le, zahkâi hen a nan siam lai.

THUFING LASUIBU 8:17

Hawng ka dâwttu chu ka dâwt le, hawng ka hâwltu zawng nih an ka tawng lai.

ISAI 29:13

LALPA nih, “Hi minung tla nih hin sawnh ding an ka tum le, sikhawmsele an thu chu zeikhawm asi lo le, an thinlung khawm kâng dang ving asi. An phung mang dân chu zeikhawm asi lo, minung dân leh anmah pipu dân an theih salam mi cho asi.

JEREMIA 49:15

LALPA nih chaklo leh âukhawm nih a nan zah lo ding hen a nan siam awt.

EZEKIEL 34:10

Kei, LALPA Zahkâi hi nan mêlma kasi ti ka phuang. Nan lakah ka dawrâ chu ka lâk ving lai le, anmah vêngtu nan si lai lo rawh; mah kawngkâ cho ruattu khawm ka nan sitir na awtlo rawh. Nan lakah mi ka dawrâ chu ruang ka suah na lai le, ka nan eitir na awtlo rawh.

DANIAL 4:34

Lal nih, “Kum sarih a hawng vei rawh chun, vân lei ka zauh le, ka thinlung ah theihnâk a hawng kîr nawlh. Pathian rokual chu ka sawr le, zungzâl um kumza mi sinah zahnâk leh rokualnâk ka pêk. “Anih nih lâi a rêl kumza lai le, a lalram chu zeiliau zawng ah a um kumza lai.

MALAKI 1:6

LALPA Zeizawng tikho nih bâwlpu tla sinah, “Fapa nih chun a pa a zah le, to-aw nih a hotu a zah. Kei nan pa kasi mi zei rangah nan ka zah lo zia? Nan hotu kasi mi, zei rangah nan hawng ka zah lo? Nan hawng ka zauhnawmh le, ‘Zei hâwi hen kan zauhnawmh lai,’ ti hen nanna deih.

MALAKI 2:3

Nan fa tla chu ka rêp na lai le, bâwlnâk ran êk nan mêl ah ka nalh lai le, êk pawngnâk leiah kalpi hen nan um lai.

NUMBER 11:20

ni kul mawh tiang cho nan ei awtlo le, dangtawk leh neng rê hen thla khat kar nan ei lai. Hi hi a hawng tlungnâk san chu LALPA nan sinah um mi chu nan duh lo le, a lakah nan chipchiar hen Aigupta ram nan thlah dahlo rih ruangah asi,’ ” a ti.

NUMBER 35:34

Nan umnâk ram chu nawmh lah u, Kei LALPA chu Israel mi tla lakah ka um ruangah,” a ti.

JOHAN 12:26

Âuzawng nih ka rian a ṭuan chun hawng ka zûl seh; ka umnâk ah ka to-aw khawm a um lai. Âuzawng nih ka rian a ṭuan chun anih chu Pa nih a chawnglawmh lai.

JOHAN 5:23

mi zawzawng nih Pa an zah hâwi hen, Fapa khawm an zahnâk ding hen. Âuzawng Fapa zahlo chu, Pa a fialtu khawm zahlo asi.

JOHAN 5:44

Nannih chawnglawmh tawng lawmhtu tla, zeitin me nan lung kho lai? Pathian cho thawk hen a suak mi chawnglawmhnâk chu nan hâwl lo mi.

JOHAN 8:49

Jisu nih, “Khuri nei kasi lo; ka Pa ka chawnglawmh asi dauh, nannih nih chun nan hawng ka chawnglawmh lo.

1 KORIN 4:5

Chun, a hun lânah hin zeikhawm nik lah u, Lalpa a hawng kal lânlo chu. Anih nih chun mûi thil thup tla chu chêu ah a hawng suah lai le, thinlung ah tum mi khawm chu a hawng langh lai; chu tikah chun mikip nih Pathian lakah chun mah ting tâwk ah sawr an lawh chiau lai rawh.

1 PETER 1:7

An thiltum chu nan lungnâk a bir asi ti niknâk asi. Ngûn â râwk kho mi men mei hen an nik, chu hâwi hen ngûn ngâk hen a sung dauh mi nan lungnâk khawm chu um vima ding hen nik bâk ding asi. Jisu Krist a hawng lang tikah nan rangah chawnglawmhnâk leh rokualnâk leh zahkâinâk a hawng si kho hi.

LÂIRÊL 9:10

Churawhchun, thing tla nih theipi kûng sinah, ‘Nang hawng le, kan lalchem si rawh,’ an ti.