1 SAMUEL 2:3 - Bawm Common Language Bible Version

³ Na puarsanhnâk kha bâng le, puar thâu tak hen thu na sim mi khawm bâng rawh. LALPA chu mi zawzawng thilti lakah lâirêltu leh theihtu Pathian asi ruangah.

1 SAMUEL 2:3 ပူးပေါင်းရင်းမြစ်များ

1 Lal 8:39

vân ah mi na in thawk hen ngâi piak na le, ngaihdam na le, ṭangpi na. Nang cho nih minung thinlung dawnnâk na theih. An thilti hâwi vima hen rêl piak na le,

JOB LASUIBU 31:6

Pathian nih zumhkâinâk hen hawng ka khingh sele, thilsual ka tilo zia a muh lai.

SAM 147:5

Kan LALPA chu a chak hen a rokual le, a finghnâk chu tah kho asi lo.

SAM 17:10

pawi tinâk nei lo hen puar tak hen an hawlh.

SAM 31:18

Mi zauhnawmh mang leh a zûm mi âwkrâwl thusim tla, mirep tla chawngawihtu tla chu bângtir na.

SAM 75:5

an puarnâk khawm bâng ding hen ka simh na,” Pathian nih a ti.

SAM 94:4

Zeitiang riamruam me an dân buar ruangah anna zûm hen an dân râwk ruangah anna khâwng awt?

THUFING LASUIBU 16:2

Na thilti zeizawng chu dik na ti kho le, sikhawmsele, na thinlung ruat chu LALPA nih a zauhdik.

THUFING LASUIBU 24:12

Kei ti ding mi zât asi lo na ti kho, sikhawmsele Pathian nih na thinlung ruat a theih le, lâi a rêl. A nan vêng tet le, a nan theih ko. Na thilti zia zia hen an pêk lai.

THUFING LASUIBU 8:13

LALPA zah ding hen chun sual hua ding asi; mi â zûm mi leh a sung-û tir mi chu ka hua, sual leikâng leh âwkrâwl thu khawm ka hua.

ISAI 26:7

LALPA, mi ṭha rangah lampi chu na tlawrtir le; an khualtlâwngnâk lampi khawm a râwn rawh.

ISAI 37:23

Na zauhnawmh leh na nihsanh mi hi âu si hen na ruat? Kei Israel Pathian thenhlimh na hawng ka zah lo mi asi.

JEREMIA 17:10

Kei, LALPA nih, minung thinlung tla chu ka hâwl le, Ka nik rawh. An umdân leh an thilti zia hâwi vima hen ka ti na,” a ti.

EZEKIEL 35:13

Ka tlûnah siarlo tak hen na khâwng zia tla ka theih,” a ti.

DANIAL 4:37

“Tu chun, kei Nebukadnezar nih Vân Lalchem chu ka sawr hen ka zah hen ka chawnglawmh rawh. Thil a ti mi zawng chu a dik hen a rep, zûm tak hen thil titu tla chu âuzawng a nâutir kho,” a ti.

DANIAL 5:27

Tekel (khîng) khîng hen a nan khîngh le, na zâng tuktarâi hen na lang le;

MALAKI 3:13

“LALPA nih, ‘Nannih nih, ka thu hi thil ṭihnungkâi asi nan ti,’ a ti. Sikhawmsele nannih nih, ‘Na thu zei hâwi hen kan sim’ nan ti le,

HEBRAI 4:12

Pathian thu hi a nung le, thil a ti kho le, nâmsâu hâr nih nei um mi ngâk hen a hâr dauh le, nungnâk leh thlarau liahchân leh thlik phel dip rê hen a tuk kho le, thinlung ah dawn mi leh tum mi tla lakah thu a nei chawlh kho asi.

JOSUA 22:22

“Mi thiltikho chu Pathian asi, amah chu LALPA asi! Mi chak pakhat chu Pathian asi! Amah chu LALPA asi! Zei rangah hi hi kan ti amah nih a theih asi, nannih khawm nih nan theih ding hen kan duh na! LALPA lakah kan hel hen amah kan zumh lo mi asi chun hawng kan zuah rerêng lah seh!

THUPHUANG 2:23

Chun, kei khawm nih a zûltu tla chu ka thah na lai le, kawhmi murui tla nih chun kei hi mi duhnâk tla leh an thinlung tla dawnruatnâk theihtu chu kasi ti an hawng ka theih lai, chun, nan thilti hâwi vima hen kan rulh na lai.

LÂIRÊL 9:38

Churawhchun, Zebul nih a sinah, “Na hawlh tla kha tuah zeiah? Zei rangah Abimelek nâwl kan zulh lai titu pakhat chu nangmah na si. Hi bang tla hi na zauhnawmh na mi an si. Tuah suak le, va do na,” a ti.

1 SAMUEL 16:7

Sikhawmsele LALPA nih a sinah, “A sâng mi leh â dawh mi leiah zauh lah. Chu hâwi chu ka duh lo, minung lâirêl hâwi hen ka rêl lo ruangah. Minung nih chun lênglei a zauh le, kei lam nih chun thinlung lei ka zauh dauh,” a ti.