1 SAMUEL 2:29 - Bawm Common Language Bible Version

²⁹ Chu hâwi mi lakah zei rangah ka mi le tla lakah bâwlnâk leh thil ap ka ngiar mi lakah nan duhlei? Eli, zei rangah na fapa tla chu kei ngâk hen na sunhsak dauh le, ka mi tla nih bâwlnâk zawzawng an ka pêk mi a vo ṭha ṭha chu anmah châwm thâu ding kei ngâk hen na duhpi na zia?

1 SAMUEL 2:29 ပူးပေါင်းရင်းမြစ်များ

2 Lal 12:6

Sikhawmsele, Joash nih lâi a rêl mi kum kul leh kum thumnâk tiang khawm ah Biakin chu remh asi dahlo rih.

SAM 26:8

LALPA, na umnâk in chu ka ngâisung, na rokualnâk umnâk mun khawm.

EZEKIEL 13:19

Sang tâwmtê leh barley zapai khat tawng ding duh ruangah, ka mi le mâika ah nan ka siarlo. Thi lo ding mi tla nan thah na le, thi ding mi chu nan nunh na. Churuangah ka mi le sinah âwkrâwl thu nan sim le, annih nih chun an lung na,” a ti.

EZEKIEL 34:10

Kei, LALPA Zahkâi hi nan mêlma kasi ti ka phuang. Nan lakah ka dawrâ chu ka lâk ving lai le, anmah vêngtu nan si lai lo rawh; mah kawngkâ cho ruattu khawm ka nan sitir na awtlo rawh. Nan lakah mi ka dawrâ chu ruang ka suah na lai le, ka nan eitir na awtlo rawh.

EZEKIEL 34:2

Nannih Israel dawrâ vêngtu tla, nan vânduai rawh! Nanmah kawngkâ cho nan ruat le, sikhawmsele dawrâ nan zauhkhenh lo.

HOSEA 4:8

Ka mi tla sual chu nan rangah neih phahnâk ah nan mang le, churuangah sual dadauh ding hen nan duh na.

LEVITICUS 19:15

“Dân lakah thu na thlûk mi lakah zumhkâi rawh. Mi pâm rang khawm ah sunhsak khun lah le, minei khawm ṭih khun lêm lah.

MIKAH 3:5

Ka mi tla chu khuavâng tla nih an perpet na le, chubang khuavâng tla nih chun an sinah thil pêktu tla rangah thla an ngamh na le, pêklotu tla rang chun râltuknâk a um awt ti hen an ṭhih na. Chubang khuavâng tla sinah chun LALPA nih,

MATHAI 10:37

“Âuzawng a nu mawh a pa mawh keimah ngâk hen dâwt dauhtu chu ka mi si tlâk asi lo. Âuzawng a fanu mawh a fapa mawh keimah ngâk hen dâwt dauhtu khawm chu ka mi si tlâk asi lo.

MATHAI 22:16

Chun, an ṭhiruai tla, Herod murui sinah mi tla hen, a sinah an fial le, chubang tla nih chun, “Sîntirtu, mi dik tak na si le, dik tak hen Pathian leikâng thu na sîntir na tâwn le, sunhsak khun mi khawm na nei lo ti kan theih le; âukhawm thliar leh dangnâk na nei lo.

LUK 14:26

“Âuzawng ka sinah hawng kaltu nih chun a pa le, a nu le, a nupi le, a fa le, a unau le, a farnu le, amah nungnâk khawm a hua lo chun ka ṭhiruai asi kho lai lo.

ROM 16:18

Chu hâwi mi tla nih chun kan Lalpa Krist rian an ṭuan lo le, anmah paw rian an ṭuan dauh tâwn; an kâ ṭhatnâk leh an hawlh thiamnâk hen mi fing lo tla thinlung an perpet tâwn.

2 KORIN 5:16

Churuang chun tu thawk hen kannih lam nih chun taksa leiah chun âukhawm kan theih lai lo rawh; taksa leiah Krist chu theih rawh khawmsele tu lam chun kan theih nawlh lo rawh.

DEUTERONOMY 32:15

“LALPA mi tla chu an nei dadauh le, sikhawmsele hel mang an si; An bit hen an khawp asi. An Siamtu Pathian chu an kaltâk le, an Ruangsuahtu chak chu an duh lo.

DEUTERONOMY 33:9

Nu leh pa tla, unau tla, fa tla sin ngâk hen na sinah zumhkâi dauhnâk an langhtir. Na thupêk tla chu an zûl hen, Na thudântuk lakah zumh an kâi.

JEM 3:17

Sikhawmsele, tlûnlei thawk hen a hawng suak mi finghnâk lam chu, a masa chem hen a thenhlimh le, chu nûnah chun remnâk a duh, a nunnêm le, a kawmh a nuam le, zângfahnâk leh thil ṭha ti hen a khat le, thlei bîk a nei lo le, a perpê lo asi.

JOSUA 18:1

Ram an lâk thluh ver nûnah chun, Israel mi zawzawng chu Siloh ah anna pûm le, chunah LALPA umnâk puanin an zâr.

1 SAMUEL 3:13

A fapa tla nih thilsual an ti ruangah leh keimah an hawng ka simsiat ruangah an dâwngsungkhur tla ka rêp na awt ti amah ka simh rawh hâwi hen. Eli nih chubang thil a fa le nih an ti mi chu a theih ko, khawmsele a khap na lo.