1 SAMUEL 2:28 - Bawm Common Language Bible Version

²⁸ Israel phun zawzawng lakah mi a dâwngsung chu bâwlpu rang ding ah ka thîm le, mâichâm ah rianṭuan hen rimthâw tla duah hen, kawrfual ruk hen ka sinah thu hawng ka deih ding hen. Mâichâm lakah duahphung bâwlnâk lakah mi vo ka neihtir na.

1 SAMUEL 2:28 ပူးပေါင်းရင်းမြစ်များ

2 SAMUEL 12:7

Nathan nih a sinah, “Chu minung chu nangmah na si. Hi hi LALPA, Israel Pathian nih a sim mi chu asi: ‘Saul kutah mi ka nan hum le, Israel lalchem ah ka nan siam.

2 SAMUEL 6:14

David nih a tâi ah puannêm mangṭhia cho â ruk le, LALPA chawnglawmh hen a chelhri a lâm.

EXODUS 28:1

“Na unaupa Aron leh a fapa tla Nadab, Abihu, Eleazar leh Ithamar chu kawh na. Israel mi zapi lakah mi thlei na le, ka sinah bâwlpu rianṭuantu ding hen siam na.

EXODUS 28:4

Bâwlpu ir ah bêk mi, ephod leh bâwlpu kawrdawh fual, thuamh mi kawrdawh, bâwlpu upâwng leh tâisâwm siam ding hen simh na. Chu tla nih chun bâwlpu thuam na unaupa leh a fapa tla rangah siam piak na sele, ka sinah bâwlpu rianṭuan na seh.

EXODUS 30:7

Zînglei kip ah Aron a hawng tikah meichêu chu timhtuah zet hen a um ding asi, chu lakah chun rimthâw a duah ding hen.

EXODUS 30:8

Zânlei ah mei a kaih tikah chu hâwi hen a ti ding asi. Chu rimthâw ap mi chu zeiliau zawng ah nawktir lo hen ti vima ding asi.

LEVITICUS 2:10

Ap mi lakah a lei mi vial chu bâwlpu vo asi, LALPA sinah eiphung thil ap lakah mi asi ruangah â thenhlimh asi.

LEVITICUS 2:3

Ap mi fâng a lei mi vial chu bâwlpu rang ding asi; LALPA sinah eiphung thil ap lakah mi asi ruangah a thenhlimh asi.

LEVITICUS 6:16

A lei mi vial bâwlpu tla nih an ei lai. Thilnu telh lo hen sang an siam lai le, LALPA umnâk Puanin tualmâi mun thenhlimh ah an ei ding asi. LALPA nih bâwlpu tla rangah eiphung ap mi anmah vo rangah a ruat mi chu asi. Sual ruangah ap mi leh rulh mi thil ap hâwi hen a thenhlimh asi.

LEVITICUS 7:32

Ran a kê, a vawrhlei kâng a kê chu

LEVITICUS 7:36

Chu ni ah chun LALPA nih, Israel fa tla chu thil ap lakah mi chu an vo siam ding hen thu a pêk na mi asi. Hi nûnthâi mâilei zawng khawm ah Israel mi nih an zûl ding mi dân chu asi.

NUMBER 16:5

Korah leh a murui tla sinah, “Thâizîng ah LALPA nih a tâ ding mi chu âu asi awt a hawng langh lai; amah tâ ding mi tak chu a hawng ruat lai, chu minung tak chu a mâichâm ah rianṭuantu ding ah a thîm mi chu asi lai.

NUMBER 18:19

“Israel tla nih a bîk hen ka sinah thawhlâwm an hawng pêk mi chu zeiliau zawng ah nanmah, nan fanu leh nan fapa tla rangah kan pêk na asi. Hi hi nanmah leh nan thlâk tla rangah thudântuk râwk kho lo ka siam mi chu asi,” a ti.

1 SAMUEL 14:3

(Bâwlpu ephod puttu chu Ahijah, chu chu Ikabod unaupa Ahitub fapa asi. Ahitub chu Eli tupa Phinehas fapa asi. Eli chu Siloh khua mi bâwlpu asi.) Jonathan a kal ving mi chu âukhawm nih an theih loh.

1 SAMUEL 2:18

Chu liau chun mipa ngâksiatê Samuel nih chun LALPA rian chu a ṭuan vima le, bâwlpu kawrfual â ruk.