1 SAMUEL 2:2 - Bawm Common Language Bible Version

² LALPA hâwi hen mi thenhlimh âukhawm an um lo; amah banghtu leh kan Pathian hâwi hum khotu âukhawm an um lo.

1 SAMUEL 2:2 ပူးပေါင်းရင်းမြစ်များ

2 SAMUEL 22:3

Ka Pathian chu ka himnâk, amah lakah ka him. Phaw hâwi hen a ka vêng le, him tak hen hawng ka kil. Amah chu ka ruangsuahtu asi, tuknâk ah hawng ka vêng hen hawng ka hum.

2 SAMUEL 22:32

LALPA cho Pathian asi. Pathian cho kan himnâk asi.

2 SAMUEL 7:22

LALPA zahkâi, nang chu na rokual ngâk a! Nang hâwi âukhawm an um lo; nangmah cho Pathian na si zia kan theihkumza.

1 Lal 8:23

“Israel LALPA leh Pathian, tlûnlei mi vân ah leh tanglei mi tual ah nang hâwi hi pathian dang âukhawm an um lo! An thinlung zawzawng hen na lakah ê-aw ngâi tak hen an um liauah chun thu na tiamh na mi hâwi hen an lakah na dâwtnâk na langh tâwn.

SAM 111:9

A mi le chu a suah na, zungzâl thudântuk a siam. Thenhlimhnâk leh thiltikhonâk chu amah asi!

SAM 18:2

LALPA chu hawng ka vêngtu leh ka kulhpi bir na si. Ka Pathian chu ka himnâk asi le, amah lakah ka him. Phaw hâwi hen a ka hum le, a ka vêng le, him tak hen hawng ka kil.

SAM 18:31

LALPA cho chu Pathian asi; Pathian cho chu hawng kan vêngtu asi.

SAM 71:19

Pathian, na repnâk nih vân a dêng. Thil rokual tak tla na ti le, nangmah hâwi âukhawm an um lo.

SAM 71:3

Thlangam tak hen ka dawrnâk leh hawng ka hum ding hen ka kulhpi bir tak si rawh. Nang chu ka kulh leh hawng ka vêngtu na si.

SAM 73:25

Nangmah lo chu vân ah zei thil dang ka nei mi a um? Nangmah ka nan tingnâk thawk hen tual ah zei thil dang me ka duh lai?

SAM 86:8

LALPA, nang hâwi hi zei Pathian khawm a um lo; Thil na ti mi hâwi titu pakhat khawm an um lo.

SAM 89:6

LALPA, nang hâwi vân ah âukhawm an um lo; vân minung tla lak khawm ah nang tluk âukhawm an um lo.

SAM 89:8

LALPA Pathian, Zeizawng tikho, nang hâwi âukhawm mi chak an um lo; LALPA, thil zawzawngah zumh na kâi.

SAM 99:3

A min rokual leh zah a kâinâk chu mikip nih an sawr lai. Amah chu a Thenhlimh asi!

SAM 99:5

LALPA kan Pathian chu sawr u; a laltophah mâika ah amah chu sawr u! Amah chu a Thenhlimh asi.

SAM 99:9

LALPA kan Pathian chu sawr u, a tlâng thenhlimh ah amah chu sawnh u! LALPA kan Pathian chu a thenhlimh asi.

EXODUS 15:11

LALPA, pathian tla lakah nang hâwi âu me um? Thenhlimhnâk leikângah chê tak mi nang hâwi âu me um? ‘Nangmah hâwi hen mi chak leh thilchê tikho âu me um?

ISAI 40:18

Pathian chu âu hen me kan tahṭhimh kho lai? Zei hâwi asi na sim kho lai ma?

ISAI 44:6

LALPA, Israel lâirêltu leh humtu, LALPA Zeizawng tikho nih hi hi sim ding a nei: “Kei a masa chem leh a madung chem Pathian pakhat cho kasi; keimah lo chu pathian dang âukhawm a um lo.

ISAI 44:8

Ka mi tla, ṭih lah u! A lân thawk hen tutiang hen thil a hawng tlung ding hen ka simkan mi chu nan theih le, nannih chu hawng ka theihpitu tla nan si. Pathian dang rerêng a um ma? Ka theih dahlo mi pathian thiltikho tak a um ma?” a ti.

ISAI 57:15

“Kei chu Pathian thenhlimh leh sâng tak um kumza mi chu kasi. Mun sâng leh mun thenhlimh ah ka um le, sikhawmsele an lungnâk leh lungumnâk ka neitir nawlh kho na ding hen mi â nautir mi leh sual rim mi sinah khawm ka um ber.

ISAI 6:3

An ektê hen anna auh tawnh: “A thenhlimh, A thenhlimh, A thenhlimh! LALPA Zeizawng tikho chu a thenhlimh! A rokualnâk nih laikulh a khattir,” ti hen.

JEREMIA 10:6

LALPA, nang hâwi mi âukhawm an um lo; nang chu na chak le, na min chu a rokual hen thil a tikho.

LEVITICUS 11:44

Kei, LALPA, nan Pathian kasi, Keimah ka thenhlimh ruangah nanna thenhlimh tir ding asi.

LEVITICUS 11:45

Kei, Aigupta ram ah mi an suakpi natu kasi, churuangah nan Pathian kasi. Keimah ka thenhlimh ruangah nanna thenhlimh ding asi.

LEVITICUS 19:2

Israel mi tla sinah thusim ding hen a simh, “Kei, LALPA nan Pathian ka thenhlimh ruangah nanna thenhlimh ding asi.

ROM 15:4

Pathian lasui thu ah felfênâk leh lungngamnâk tawng hen lungumnâk kan nei khonâk ding hen, tuan liauah rîn mi tla chu kanmah hawng kan sîntirnâk ding asi ruangah.

ROM 4:8

Lalpa nih diklonâk nei hen a ruat lo mi chu a thaw a suak,” ti hen a sim hâwi khan.

DEUTERONOMY 3:24

‘Rokual chem mi LALPA, na rokualnâk leh na thilchê ti ding mi dawmhnâk cho na ka muhtir ti ka theih. Thil rokual na ti mi hi tual leh vân ah tikhotu zei pathian khawm a um lo!

DEUTERONOMY 32:20

‘Ka ṭangpi na lai lo rawh; mi zumhkâilo leh mi lungkhung lakah zei me a hawng tlung ka zauhnik lai,’ a ti.

DEUTERONOMY 32:39

“ ‘Keimah cho hi Pathian kasi; pathian dang tla chu a tak asi lo. Ka thah le, ka nunh, ka liamh le ka damh. Ka thilti lakah âukhawm an hawng ka do kho lo.

DEUTERONOMY 32:4

“LALPA chu nangmah vêngtu chak tak asi, a lampi zawzawngah rangtling leh rep tak asi; Na Pathian chu zumh a kâi hen a dik asi; A dik mi leh a ṭha mi vial a ti.

DEUTERONOMY 4:35

LALPA nih amah cho chu Pathian a sizia leh pathian dang rêng a um lo ti theihnâk ding hen hi hi an muhtir na mi asi.

DEUTERONOMY 4:39

Churuang chun tusûn ni tiang hen theihkumza ule, philh lah u; LALPA chu tual leh vân Pathian asi. Chu lo chu pathian dang rerêng a um lo.

1 PETER 1:16

Kei ka thenhlimh ruangah nanna thenhlimh ding asi,” ti Pathian lasui thu nih a sim ruangah.