1 SAMUEL 2:18 - Bawm Common Language Bible Version

¹⁸ Chu liau chun mipa ngâksiatê Samuel nih chun LALPA rian chu a ṭuan vima le, bâwlpu kawrfual â ruk.

1 SAMUEL 2:18 ပူးပေါင်းရင်းမြစ်များ

2 SAMUEL 6:14

David nih a tâi ah puannêm mangṭhia cho â ruk le, LALPA chawnglawmh hen a chelhri a lâm.

1 CHRONICLES 15:27

David nih puan mangṭhia kawrfual â ruk le, churawhchun tumphung tumtu tla hotu Kenaniah leh bâwm zawnhtu Levi tla hen. David nih ephod khawm â ruk.

EXODUS 28:4

Bâwlpu ir ah bêk mi, ephod leh bâwlpu kawrdawh fual, thuamh mi kawrdawh, bâwlpu upâwng leh tâisâwm siam ding hen simh na. Chu tla nih chun bâwlpu thuam na unaupa leh a fapa tla rangah siam piak na sele, ka sinah bâwlpu rianṭuan na seh.

LEVITICUS 8:7

Aron chu kawrdawh leh kawrfual a ruktir le, tâisâwm puan hen a tâi a menh. Ephod a bah le, a tâi chu puan mangṭhia tah mi tâisâwm hen a sâwm.

1 SAMUEL 14:3

(Bâwlpu ephod puttu chu Ahijah, chu chu Ikabod unaupa Ahitub fapa asi. Ahitub chu Eli tupa Phinehas fapa asi. Eli chu Siloh khua mi bâwlpu asi.) Jonathan a kal ving mi chu âukhawm nih an theih loh.

1 SAMUEL 2:11

Churawhchun, Elkanah chu Ramah khua ah an in leiah a tlung rawh. Sikhawmsele, mipa ngâksia Samuel chu Siloh khua ah Eli sinah LALPA rianṭuan hen a um rawh.

1 SAMUEL 2:28

Israel phun zawzawng lakah mi a dâwngsung chu bâwlpu rang ding ah ka thîm le, mâichâm ah rianṭuan hen rimthâw tla duah hen, kawrfual ruk hen ka sinah thu hawng ka deih ding hen. Mâichâm lakah duahphung bâwlnâk lakah mi vo ka neihtir na.

1 SAMUEL 22:18

Saul nih Doeg sinah, “Nangmah nih thah na,” a ti le, Doeg nih a thah hep na. Chu ni ah chun ephod hen â thuam mi bâwlpu sâwmriat leh panga a thah na.

1 SAMUEL 3:1

Ngâksiatê Samuel nih Eli rui hen LALPA rian a ṭuan liauah chun LALPA thawk hen thu theih leh muhnâk tla a tam chiam lo.