1 SAMUEL 2:10 - Bawm Common Language Bible Version

¹⁰ LALPA mêlma tla chu veih an si lai le, vân thawk hen khuarît hen a do na lai. LALPA nih laikulh pumpi lâi a rêl lai le; a lal sinah thiltikhonâk a pêk lai, a lal thîm ruangah nehnâk a pêk lai,” a ti.

1 SAMUEL 2:10 ပူးပေါင်းရင်းမြစ်များ

2 SAMUEL 22:14

Churawhchun, vân thawk hen khua a rîtir. Churawhchun, Pathian zeizawng tikhotu aw chu theih asi.

2 SAMUEL 7:13

Anih nih chun ka umnâk ding in a sak lai le, a lalnâk chu kumleza hen ka birhtir lai.

2 SAMUEL 7:8

“Churuang chun ka to-aw David chu simh le, Kei, LALPA zeizawng tikho nih chun, ‘Dawrâ vêng hen phâisen ah na um liauah ka mi Israel tla lâirêltu ah kan thîm mi asi.

JOB LASUIBU 40:9

Kei hâwi hen na chak ma? Keimah hâwi hen khua a rî mi hâwi hen hâu na suah kho ma?

SAM 132:17

Hinah hin David thlâk tla lakah pakhat chu lal rokual takah ka siam lai le, ka lal thîm lâirêlnâk chu ka umtir lai.

SAM 148:14

A phun thîm tla chu chak tak hen a siam na le, a dâwt na mi, a mi Israel tla zawzawng nih amah chu an sawrnâk ding hen. LALPA chu sawr u!

SAM 2:2

An lal tla an hel le, An lâirêltu tla nih LALPA leh a thîm mi lal chu an phiar.

SAM 2:6

“Ka tlâng thenhlimh Zion ah, ka lal chu ka toh rawh,” a ti.

SAM 2:9

Thîr ṭhianṭhunh hen na mântir na lai le, tualbêl hâwi hen na nektir na lai.

SAM 20:6

LALPA nih a lalchem thîm mi sinah nehnâk a pêk tih tuah ka theih; a vân thenhlimh thawk hen a sâng le, a thiltikhonâk rokual tak hen nehtu ah a siam.

SAM 20:7

Mi zeimaw mi nih an râltuknâk kari leh an rang tla an rinhsanh le, khawmsele kannih lam nih chun LALPA, kan Pathian thiltikhonâk kan rinhsanh.

SAM 21:1

LALPA, lal chu chaknâk na pêk ruangah â lâwm, nehtu ah na siam ruangah â lâwm.

SAM 28:8

LALPA nih a mi le tla chu a kilkâwi le, a lal thîm chu a hum le, ruang a suah.

SAM 45:7

Diknâk chu na duh le, sualnâk chu na hua. Churuangah asi, Pathian, na Pathian nih a nan thîm mi chu, Lal dang zawzawng ngâk hen lâwmnâk tam dauh an pêk.

SAM 89:17

Nehnâk rokual tak na kan pêk le; na dâwtnâk ruangah nehtu ah na hawng kan siam.

SAM 89:24

Ka dâwt lai le, a sinah zumhkâi hen ka um lai; nehtu ka sitir kumza lai.

SAM 89:25

A ram chu Mediteranian thawk hen Eufretis tiva tiang hen ka kauh lai.

SAM 96:13

lâirêl ding hen LALPA a hawng tik chun laikulh mi chu dik tak leh ṭha tak hen lâi a rêl piak na lai.

SAM 98:9

laikulh lâirêl ding hen a hawng ruangah. Laikulh minung tla chu ṭha tak leh dik tak hen lâi a rêl piak na lai.

EXODUS 15:6

“LALPA, na vawrhlei bân chu thiltikhonâk hen a chak; mêlma tla chu a mân dip na.

THUSIMTU 11:9

Seino tla, Seino nan si liauah a lâwm u. Seino na si liauah a lâwm rawh. Ti ding na duh mi chu ti le, na thinlung duh thu hâwi hen um rawh. Sikhawmsele, na thilti zawzawng chu Pathian nih lâi a rêl awt ti theihkumza rawh.

THUSIMTU 12:14

Pathian nih thil kan ti mi zawng ah lâi a rêl awt le, a sia mi khawm a ṭha mi khawm, a thup hen thil ti mi tla khawm.

ISAI 29:6

Lâkkhatko ah ruatlo hâwi tak hen LALPA Zeizawng tikho nih ruah tukpi lakah khua a rî mi leh linîn hen ruang a nan suah na lai. Thlipi leh meialh a hawng fial lai le;

ISAI 32:1

Zei tik ni mawh chun lalchem dik tak a lâirêltu leh phun ruitu tla lakah diknâk hen lâirêltu a hawng um lai.

ISAI 45:24

“Keimah thawk hen cho nehnâk leh chaknâk tawng ding asi mi leh hawng ka huatu zawzawng nih ningzaknâk an tuar ding mi an sim lai.

EZEKIEL 29:21

“Chu chu a hawng tlung tikah Israel mi tla chu ka chaktir na lai le, nang Ezekiel nih mikip theih ding hen thu ka nan simtir lai le, kei LALPA kasi ti an theihnâk ding hen,” a ti.

MATHAI 25:34

Chu tikah chun Lalchem nih chun a vawrhlei ah mi tla sinah, ‘Ka Pa malsâwm mi tla, hawng ule, laikulh siam tîr thawk hen nan rangah Ram timhtuah mi chu a ting u.

MATHAI 28:18

Chun, Jisu chu an sinah a hawng kal le, annih tla chu a sawnh na, “Tual leh vân ah mi thuneihnâk zawzawng ka sinah pêk asi rawh.

LUK 1:69

A to-aw David dâwngsung tla lakah chun, Ruangsuahtu chak hawng kan dirh piak dangâiah.

LUK 19:27

Sikhawmsele, hi bang hawng ka dotu tla nih an tlûnah lalchem siding hen an ka duhlotu tla hi hawngpi na ule, ka mâika ah thah na u,’ a ti,” a ti.

THILTI 10:38

nannih nih nan theih bâk khateh; Nazaret Jisu kha, kha hâwi hen Pathian nih anih chu Thlarau Thenhlimh leh thiltikhonâk hen a vurh zia kha; anih nih chun mi tlûnah ṭhattir leh diabol nehsawh zawzawng damh hen a ṭawl tâwn le, Pathian a sinah a um.

THILTI 4:27

Hi khua ah hin na to-aw thenhlimh, na sariak thuh Jisu tlûnah khan Herod leh Pontia Pilat hen, Phundang leh Israel mi tla hen anna pûm chiam asi,

2 KORIN 5:10

Mi kip nih taksa thil tla chu a siat a ṭhat hen kan ti hâwi vima hen kan tawng chiau khonâk ding hen Krist lâirêlnâk tophah mâika ah chun langhtir hen kan um ver ding asi.

LÂIRÊL 5:31

LALPA, na mêlma tla chu chu hâwi hen thi hep na seh, Sikhawmsele, na hâwi tla lam chu nî a hawng suak mi hâwi hen chêu na seh! Churawhchun, ram chu thlangam tak hen kum sâwmli ding a um.

1 SAMUEL 12:13

Tuah nan thîm mi lalchem leh nan ka deih mi chu hi hi asi, tuah LALPA nih amah chu an pêk na asi.

1 SAMUEL 12:17

Khua rumro liau asi, asi lo mazei? Sikhawmsele, thla ka cham lai le, LALPA nih khuarît leh ruah a hawng fial lai. Chu hâwi hen a hawng tlung tikah chun LALPA rangah lalchem nan deih mi hi sualnâk rokual tak LALPA lakah nan ti mi asi ti nan theih lai,” a ti.

1 SAMUEL 12:18

Churawhchun, Samuel nih thla a cham le, chu ni lîlâ ah chun LALPA nih khuarît leh ruah a hawng fial. Churawhchun, LALPA leh Samuel chu mi tla nih an ṭih le, Samuel sinah,

1 SAMUEL 12:3

Hi mun ah ka um hi. Nan lakah ka palhnâk thil a um chun, LALPA leh a thîm mi lalchem mâika ah tuah hawng ka phiar u. Mi chawpe ma ka fîr? Asi lo leh, mi sanatung ma ka fîr? Mi âutal ka perpet hen ka nehsawh ma? Midang thawk hen nawhnâk tla ka lâk tâwn ma? Hi ka ti mi asi chun ka rulh lai,” a ti.

1 SAMUEL 15:28

“LALPA nih Israel ram chu na sinah mi chu a thlêk le, nangmah ngâk hen a ṭha a dauh mi sinah a pêk rawh.

1 SAMUEL 16:1

LALPA nih Samuel sinah, “Saul ruangah zei tiang riamruam me na ngaih a sia awt? Israel lalchem asi mi chu ka nawng rawh. Sikhawmsele tuah oliv sariak lak le, Bethlehem khua ah minung pakhat Jese sinah va kal le, a fapa lakah mi pakhat chu lalchem ah ka ruat rawh,” a ti.

1 SAMUEL 7:10

Samuel nih bâwlnâk a ap liauah Philistia tla nih do ding hen an fûk na. Sikhawmsele, chu liau chirah chun LALPA nih vân thawk hen khua a hawng rîtir. An ektê hen ningṭihnâk a hawng tlung le, an lâu le, an tek phin.