1 SAMUEL 19:5 - Bawm Common Language Bible Version

⁵ Goliath lakah khawm thi ding â siang siar le, LALPA nih Israel rangah rokual tak hen a neh piak. Nang khawm nih na muh le, na lâwm. Chu hâwi mi lakah tuah thilsual tilo mi David chu a san zeikhawm um lo hen a lakah thil diklo ti ding na duh êu?” a ti.

1 SAMUEL 19:5 ပူးပေါင်းရင်းမြစ်များ

2 SAMUEL 23:10

Israel tla an tawlh hep liau khawm ah bir tak a dîr hen Philistia mi tla chu a nâmsâu vei kho lo rê hen a tuk na asi. Chu ni chun LALPA nih a nehtir na. Râltuk a lîm rawh chun Eleazar umnâk ah Israel tla chu an hawng kîr le, a thi mi râlthuam tla an lâk.

1 CHRONICLES 11:14

a mi tla hen fâng mun lâi ah an dîr le, Philistia tla chu an do na. LALPA nih nehnâk rokual tak a pêk.

1 CHRONICLES 11:18

Kawrsen râlṭha pathum nih zângran hen Philistia riaknâk an tâwn phêt le, tikhurchawh mi tî chu an va than le, David sinah an hawng put. Sikhawmsele, a din duh lo; LALPA sinah ap hen a thlêt.

SAM 109:5

Thil ṭha chu thilsual hen an ka rulh, dâwtnâk chu huatnâk hen an ka rulh.

SAM 119:109

Ka nungnâk râwk bawh hen a um le; na dân lam chu ka philh lo.

SAM 25:3

Nangmah zumhtu tla tlûnah chun nehnâk na tlungtir lo, sikhawmsele, nangmah lakah heltu tla sin cho a tlung.

SAM 69:4

A san lo hen hawng ka huatu tla chu ka lû mi sam ngâk hen an tam. Ka mêlma tla nih keimah do hen âwkrâwl thu an sim le, an chak le, thah ding an ka awt. Ka fîr lo mi thil an ka khirh.

SAM 94:21

Mi ṭha phiartu leh sual nei lo thahtu hen khawm na rem lo.

EXODUS 14:13

Mosi nih a sâng na le, “Lâu rîlmâl lah u! Nan um mun ṭhial lo hen dîr ule, tusûn ah LALPA nih ruang an suah na ding mi nan muh lai; hi Aigupta minung tla hi turî rawh chun nan muh na awtlo rawh asi.

JEREMIA 26:15

Sikhawmsele hi hi theih u: hi simhkannâk hi an pêk na ding hen LALPA nih hawng ka fial mi asi ruangah nan ka thah mi asi chun, nannih leh hi khuapi ah um mi tla chu sual nei lo mi thahtu misual nan si lai,” a ti.

MATHAI 27:24

Chun, Pilat nih zeitin khawm a ti kho lo le, a nawk awt da dauh ti a theih le, tî a lâk le, mi zapi mâika ah chun a kut a ṭâwl le, “Hi mirep thahnâk lakah hin ka thiang; nannih nih nanmah ti hen va ti u,” a ti.

MATHAI 27:4

“Sual nei lo ka tleihtir mi kha thil ka ti sual asi,” a ti. Annih nih chun, “Chu chu kan rangah zei a pawi lai? Nangmah duhzia zawng hen ti,” an ti piak.

JOHAN 15:25

Zeikhawm si sele, an Dân bu ah, ‘Annih nih a san umlo hen an ka hua rawh,’ ti thurîn kha a hawng tlung khonâk ding hen an ti asi.

THILTI 20:24

Sikhawmsele, ka tekzuamnâk lampi ka mabân lîm ding leh Pathian zângfahnâk Thâwngthâng Ṭha theihtir ding hen, Lalpa Jisu sinah kha bang rianṭuannâk rian ka tawng mi kha ṭuan dih tâ sele ka nungnâk khawm unh tlâk ah ka ruat lo.

PHILIPI 2:30

nan tlawmh-belhnâk a tinh mi mabân chu pehpârnâk ding hen thih ûi lo a ti hen, Krist rianṭuannâk ruangah thi viviar hen a hawng um rawh dangâiah.

HEBRAI 2:3

Chu tluk rak ruangsuahnâk rokual chu siarlo sele zeitin kan âwl kho zia lai? Chu ruangsuahnâk thu chu a tîrah amah Lalpa nih a phuang rawh le, a theihtu tla nih chun a dik asi ti hawng kan langhtir piak asi.

LÂIRÊL 12:3

Nan hawng ka ṭangpi awtlo ti ka theih rawh chun thih ui lo hen ramri chu ka kanh le, ka do na rawh. LALPA nih anmah nehtu sinâk hawng ka pêk. Chu hâwi mi lakah zei rangah tuah keimah do ding hen nan hawng?” a ti.

LÂIRÊL 9:17

Ka pa nih nan rangah râl an do piak na mi kha theihkumza u. A pumpêk hen Midian lakah mi ruang an suah na mi kha.

1 SAMUEL 11:13

Sikhawmsele, Saul nih, “Tusûn ni ah âukhawm nan thah ding asi lo, tusûn hi Israel ruangsuahnâk ni asi ruangah,” a ti.

1 SAMUEL 14:45

Sikhawmsele mipi zapi tla nih Saul sinah, “Israel rangah nehnâk rokual tak pêktu Jonathan hi thah ding ma asi awt? Silo! LALPA nung min hen thu kan tiamh, a sam zâi pakhattê khawm a tlâu ding asi lo. Tusûn ni ah a thilti hi Pathian ṭangpi hen a ti mi asi,” an ti. Churawhchun, mipi zapi tla nih Jonathan thi ding chu an hum rawh.

1 SAMUEL 19:6

Saul nih Jonathan thusim thawk hen theihthiamnâk a nei le, David thah lo rawh ding hen LALPA min hen thu a tiam.

1 SAMUEL 20:32

Jonathan nih a sâng le, “Zei rangah a thi êu lai? zei thil a ti?” a ti.

1 SAMUEL 22:14

Ahimelek nih a sâng le, “David chu hotu zumhkâi tak na nei mi asi. Na samâkpa khawm asi, nangmah a nan vêngtu khawm asi, a nan vêngtu lakah kawrsen hotu khawm asi, na mun rokual ah mikip nih an zah chem mi asi.

1 SAMUEL 28:21

Nunau nih Saul chu a lâu mi a muh rawh chun a sinah a va kal le, a sinah, “Pu, zângfahtê hen na ka deih mi hâwi hen ka ti ruangah thihnâk ah mi chu ruang ka suak asi.